وصلت لعشية خرجت من لافاك ودعت مريم وشديت الطريق لي تدي للخدمة الريستوو جاي في اوتال في بلاصة تاع ناس همة وشان نمشي ونخزر فالفيلات و نقول زعما هاد الناس لي عايشن هكا ناس بضمير كيما حنااا وصلت للدخلة وخليت تخمامي براا لقيت نسرين هادي صحبتي فالخدمة تسنا فياا 🧡
انا: slaut سوسو سافا؟
نسرين: سافاا عمري اكتيفي ادخلي بدلي والبسي
انا: ايه دقيقة
رحت نجري لفاستيار نلبس la tenue باسكوو هنا كامل نلبسو كيفكيف كلاسيك
خرجت لقيت نسرين وليكيب واقفين وموسيوو حسن هو المدير تاع الريستوو واقف
حسن: حبيت نقولكم اليوم الريستو راهو مخصص لجماعة مهمة من بلدان مختلفين طاقم الطبخ رانا وصينا عليه يكون قد المهمة بقيتو نتومااles serveurs منوصيكمش زبائن محترمين كونوا قد المسؤولية واي خطأ كل واحد يتحمل العواقب!!! مفهوم
الفريق : مفهوووم 💢
نسرين: ااه يا ليلي على حساب الوصاية الحالة راهي باينة قاسحة
انا: ع العام نخدمو سيريو ربي يستر
بداوو يدخلو الجماعة وش نحكيلكم باينين من بلدان مختلفين وناس مهمة لابسين شيك والنساء لاطاي تاع عارضات وجدولهم طابلة كبييرة وقعدو كامل بدينا نشوفز فخدمتنا ونوجدو les plats كلش على حساب الاتيكيت
بعد ربع ساعة دخل واحد طويل لابس كوستيم وشوميزي مفتوحة من الاول اسمر نحى نواضروو وقعد فمقدمة الطابلة وواحد بلون طويل يمشي معاه انا ونسرين نتبعو فالاحداث من بعيد الله غالب ربي بلاني بوحدة قرعاجية مترااطي والوو
نسرين: ليلي بايين هداا هو المعلم تاعهم ليكي قعد هو الاول
انا: اني نشوف فيه وباين صغير ربي عالم وش يكونو انا نقول نشوفو خدمتنا خير ماينفعوك بوالوو
نسرين : اوووه خليني مراكيش تشوفي المناظر الخلابة
انا: ههههه مهبولة اناا نروح راهم خرجو les plats
رفدت واش لازم عليا ورحت انا وليكيب نحطوو واش لازم ونوقفوو قريب منهم كاشما خصهم
لجماعة كانو اغلبهم يهدرو ايطالية و anglais ومن الاول بانولي جنسيات مختلفة حتى سمعت
.....:(ايطالية) سيدي كل المخططات جاهزة لقد جهزنا كل ما يلزمنا
....: نعم سيدي الادوية والاجهزة التي تمت التوصية عليها كلها أشرفت عليها لم يبق الكثير
المدير: احسنتم عملا هكذا سيكون افتتاح المستشفى في وقت قريب
وليت لبلاصتي وجات ليا القرعاجية
نسرين: كاشماا سمعتي ياختي طايحين يهدروو بالشينيوية مافهمت والو
انا: ههههه طاليانية هاديك على حساب ما فهمت عندهم سبيطار وراهم فمشروع الافتتاح
نسرين : وونتي كيفاه فهمتي
انا: هههه واش سوسو نقرا لغات في باطل واقيل
نسرين : هاااا الهدرة بصح المدير تاعهم ياا ختي يااختي مام لي واقف معاه تان
انا: نتي هذا واش عجبك هههه
كملناا الخدمة وكانت طاحت الليل والخدمة تاعي دايرة bus لي يرجع الخدامين
خرجت ليفيستيار بدلت ولبست حوايجي وانا خارجة سمعت واحد من الجماعة لي كانو قاعدين يهدر فالتليفون
....: (الايطالية) لقد قمنا بالاتفاق فقط ارسل الجرعات في شحنات الادوية لا تقلق لن يتم الشك فينا
أنت تقرأ
chronique : layan E imad / حكاية : ليان و عماد❤
Romansaحكاية ليان و عماد 💕 حياة شخصين جمعهم القدر رغم اختلافهم احداث مشوقة واشياء رح تتبدل في حياتهم 🔥🧡
