تعريف الشخصيات
الاساسية
ولاء:عمرها 1 9 السنة شكلها حلو بيضاء شعرها اسود زي ظلام الليل عيونها كبار سود ومكحلات من ربي دلوعة العيلة وعلى العناد تموت.
عيلتها=
الاب:أسامة خليفة ال(.....) يحب بنته هلبا و حالتة كويسة وشديد شوية.
الام:نعيمة و تحب صغارها هلبا وأكثرهم عمر و تحب ادير اي شي يبوه صغارها.
خوتها :
عبد الرحيم و عمره 29 خاطب وحده اسمها ملاك.
علي عمره 26 كان اقرب واحد لولاء و بسبب قصة بعد عليها شوية.
عمر عمره 5 و دلوع الماما اكثر شي
ناضت الصبح بكري و صلت الفجر و لبست سروال جينز و بلوزة سكرية لفوق الركبة بشوية و وشاح سكري مخطط بالاسود و درات مسكرة و اخدت شنتطها و لبست سبيدرو بومة سكري خشت للكوجينة و لقت امها.
ولاء:صباح الخير ماما.
نعيمة:صباح النور هي افطري قبل لا توصل الباص .
ولاء:باهي ،اخدت طاسة قهوة و توست كملتهم و جت الباص.
ولاء:ماما طلعت باي
نعمية:مع السلامة
في الباص فتحت الباب و قعمزت في الكرسي الاخير مع اعز صاحبتين هي وياهم الروح في الروح
ولاء:صباحو حبايبي
وئام&مرام:صباح الورد التعريف بالشخصيات
وئام:عمرها 19 سمرة و شكلها مقبول قصيرة و عيونها سود و مخطوبة و تكلم في واحد تاني
مرام:عمرها 19 و شقراء وشكلها حلو هلبا خوافة ان خلاص و هي اقرب واحدة لولاء.
وصلت الباص للكلية و نزلوا منها و خشوا للقاعة تبع قسم أدب انجليزي خدو محاضرة وطلعو.
وئام:بنات انا جيعانة قريب نموت من الشر😵 و النبي نمشوا للكافتيريا .
مرام:باهي و انتي ديمة جيعانة درهتيلي كبدي.
ولاء:والله الا صدقتي ناقة الله و سقيها 24 ساعة و هي تعلف و عمرها ما تشبع تقول الا حابسينها في معتقل .
وئام:ها ها ها مبررررردك.
مرام:ههههههه ايه حق.
وئام: باهي توا تشوفي انتي وياها غير قدام الناس مانبيش اندير العار تحركي انتي وياها عفريت.
ولاء&مرام:باهي
خدو ناسكفية و كروسون و شيش امية و دفعوا حقهم و طلعوا قعمزو تحت شجرة.
ولاء:تعرفوا حددنا عرس عبدالرحيم و قريب هلبا.
وئام: امتى!
ولاء:بعد لامتحانات النصفية طول .
مرام:صح قريب الامتحانات مازال عليهم ثلاثة اسابيع.
وئام:و النبي معاش تفكريني فيهم زي الهم الاغبر .
ولاء: ايه و خاصة مادة دكتورة امال زي السم عطاها مايرفعها.
مرام:لا بالعكس اسهل مادة .
وئام:قصدي عيب اللقطة هذي كل مانتكلموا ع المادة هذي تقولي ساهلة تقهري فينا ماهو انتي اشطر واحدة في القسم ولا كيف.
مرام: 😳😳😳لا مش هكي أ
قطعت عليهم ولاء
ولاء:هي نوضوا تم البريك.
خشوا و ماجتش الأستاذة
والوضع كان فرحة بلا حدود و كان مش عيب راهو زغرطو
ولاء:تغني" يافرحة ويش انديرلك طيريلي ولا انطير لك"
وئام &مرام: حي حي ،حي حي
ولاء"هذي اول مرة تصير فرحانة و قريب نطير"
وئام&مرام: حي حي ، حي حي
ولاء: خلاص سادكم ما سمعتوا شوره ديمة بنغني هي نطلعوا.
وئام: هيا باهي .
