حكايات بنات

البارت السابع

اول ما وصلوا البلد سها شاورت على البيت اللى الشباب هيقعدوا فيه
سها : كريم اركن هنا انا هفتح الباب و انت دخل العربية فى الجراچ
كريم : بس مش فى حد جوه
سها : ما تخافيش كل اللى فى البيت سابه و كلنا نقلنا علشان الجامعات و اللى اتجوز و مافيش حد هنا حتى لو فيه هيبقى عمى عادل و ده دمه خفيف اوى
و سها فتحت البوابة و خلت كريم يدهل العربية و دخلوا و طلعوا على الشقة
فى الشقة
كريم : مين بقى اللى هينضف الشقة
سها : انتو يا كريم هو فى حد غيركم هيقعد فى الشقة
اسر : لا والله انتو بتهزروا
روان : علفكرة يا اسر احنا مش بنهزر احنا بنتكلم جد
اسراء : ايوة
احمد : والله
سها : يلا يا بنات علشان نروح
كريم : استنى هنا مين هينضف هنا
سها : متخافوش الاوض نضيفة و الصالة نضيفة عاوزة تنكنس كنسة بسيطة  بس عن اذنكم بقى دلوقتى هشوف حاجة و هاجى
كريم : هتروحى فين
سها : ماتخافيش يا كريم انا هنا فى الشقة
و سها دخلت اوضة و قفلت عليها الباب بالمفتاح
فى الاوضة
سها فتحت دولاب و طلعت منها هدوم جدتها و  و اخدت صورتها و نامت على السرير و حضنت هدومها و صورتها و عيطت و قرات ليها الفاتحة و نامت
--------------------------------------------------
الشباب غيروا هدومهم و راحوا المقابر و كريم قعد فى الشقة علشان سها و حاول يفتح الباب بس معرفش و رجعوا الشباب
كريم : هى سها اتاخرت ليه كده
روان : سيبها يا كريم
كريم : انا مش فاهم هى ليه قفلت عليها الباب
اسراء : انا كنت متوقعة كده بس سبوها شوية و هتطلع من الاوضة
و فى الوقت ده لقوا سها طلعت من الاوضة و عينيها حمرة من كتر العياط و لبسة عباية سودة و طرحة سودة
سها : لو سمحت يا كريم ممكن تلبس علشان نمشى
كريم : هنروح فين و بعدين انتى مالك يا حبيبتى
سها : المقابر انتو مش هتيجوا
روان : احنا روحنا
سها : طب يلا يا كريم
كريم : هغير بس و هجى
سها : ماشى
اسراء : سها مالك
سها : مافيش يا اسراء
روان : هتنصبى عليا
سها : طيب انا هروح و هاجى نمشى علطول
روان : اشطا يا معلم
اسر : اشطا و معلم
اسراء : و لسه هتشوف كتير منها انا من رأى راجع نفسك
اسر : انا بقول كده بردو
روان : اتريقوا عليا شايفة يا سو بتريقوا عليا ازاى  انا عاوزة حقى
سها : بس يا اسراء عدى اليوم انا تعبانة و مش قادرة
اسراء : انا مالى
سها : معلش يا روان خليكى انتى الكبيرة و العاقلة
روان : ماشى
كريم : يلا يا حبيبتى
اسر : ايوة يا عم ماشية معاك حلاوة 😉
كريم : اسكت ياض
و مشيوا راحوا المقابر و سها عيطت كتير و هناك و كريم اخدها و رجعوا والبيت تانى
سها : يلا بينا يا بنات
روان و اسراء : يلا
الشباب : استنو نغير و نوصلكم
روان : لا مش مستاهلة احنا هنتمشى و نوصل قاطعهم صوت تليفون كريم
كريم : ايوة يا ادم انت فين
ادم : انا قدام البيت
كريم : انا هنزل افتحلك ماشى
سها : احنا هنمشى و خليك و احنا هنفتح و نمشى
احمد : لا احنا هنيجوا معاكم علشان نعرف المكان
اسراء : طيب
اسر : استنو هنغير
روان : مش هتفرق هنا فى البلد
اسر : لا احنا هنغير
و الشباب غيروا و نزلوا و فتحوا البوابة
ادم : ما لسه بدرى
كريم : دخل العربية و تعالى يلا
ادم : هتودينى فين يا عم انت و هو
كريم : جاى و لا
ادم : هاجى ما تزقش هدخل العربية
و فتحوا البوابة و دخلوا العربية و خرجوا و مشيوا فى البلد و راحوا عند البيت علشان ياكلوا من الاكل اللى ادم جابوه معاه من مصر و اول ما راحوا عند البيت
صفية جارتهم : اهلا يا سها ازيك يا حبيبتى امال بابكى فين و مامتك
سها بابتسامة مصتنعة : الحمدلله يا طنط  هما فى القاهرة
صفية : امال مين الشباب
سها : ده جوزى و دول اجواز اصحابى و ده اخو جوزى
صفية : ءايه ده هو انتى اتجوزتى
سها : اه حاجة تانية
صفية : طيب يا حبيبتى اسيبكوا انتوا بقى
البنات بعد ما مشيت : اوووووووف
اسراء : هى ست دى ما تغيرتش
روان : يا بنتى و لا هتتغير
سها : طب يلا ندخل بدل ما حد تانى يجى و انا مش فايقة
ودخلوا و اكلوا و بعدين الشباب روحوا و البنات ناموا
و تانى يوم
البنات قاموا صلوا و فطروا و عملوا الغدا و سبوه و خرجوا فى البلد لحد ما العصر اذن و رجعوا البيت و حطوا الغدا و اتصلوا بالشباب
علشان الغدا و جم الشباب و قعدوا ياكلوا و بعد الاكل قعدوا يتكلموا و اسراء و روان طلعوا يجيبوا تسالى من الشقة اللى فوق
و هما قعدين الجرس رن قامت سها علشان تفتح
سها بصدمة : يارا ازيك و حشتنى يا جاذمة
يارا : و انتى كمان يا سوسو وحشتنى يا هبلة
سها :  تعالى ادخلى
يارا : طب انا معايا ضيفة هخليها تيجى معايا انتى اكتر واحدة هتحبيها
سها : طب خليها تتفضل و تعالى معايا يلا
يارا : ساعدنى بس علشان ادخل شنطتى
سها : هاتى يا اختى ما انا خادمة حضرتك
يارا : طيب
و دخلوا وسها بتكلمها
سها : ماتخديش على كده علفكرة مش الخدامة الفلبينية اللى انتى جبتيها
كريم : ءايه يا حبيبتى بتكلمى نفسك و لا ءايه و شنطة مين دى
سها : لا انا بكلم الاخت اللى ورايا
اسراء : هى مين دى مافيش حد وراكى
سها : يا بنتى انا كنت بكلم يارا و دى الشنطة بتاعتها
روان : شكلك اتجننتى يا سوسو
سها بصت وراها مالقتش حد بس لقت قطة
سها بصريخ : اعاااااااااااااااا كريم الحقنى يا كريم قطة اعااااااااااااااااااا و جريت استخبت ورا كريم و كملت بصريخ : ماشى يا يارا الكلب و الله لاوريكى و يارا كانت مستخبية و دخلت و هى بتضحك على سها
يارا بضحك : ما هو اكيد يا اسراء مش صحبتك اتهبلت و بقت بتكلم نفسها
البنات سلموا عليها
سها بغضب : انتى يا متخلفة شيلى القطة دى و هى دى ضيفتك شيلها بدل ما ارميكى من البلكونة انتى و القطة اخلصى
يارا بضحك : يا سوسو ده القطة so cute  و بعدين بس بقى خوفتيها
سها بغضب : يارا اخلصى
يارا بضحك : خلاص خلاص هوديها لابنت خالى و هاجى انا كده كده هقعد معاكم و انا هرجع معاكم القاهرة
و مشيت يارا و كان ادم سرحان فيها و رجعت تانى
سها : ماشى يا يارا حسبنا بعدين
يارا بضحك : منظرك كان مسخرة بصراحة
روان بضحك : منظر مسخرة و بس ده انتى مشوفتيش ساعة لما نطت على كريم كانت عاملة زى الكتكوت المبلول
الكل ضحك حتى سها
يارا : يعنى سامحتنى
سها : لا طبعا مش هعديهالك يا يارا و يا انا يا انتى انهاردة ماشى و يارا قعدت و تعرفت على الكل و كان ادم سرحان فيها اغلبية الوقت و بعد كده الشباب روحوا و البنات قعدوا يتكلموا
سها : شوفتى يا روان الشخص اللى كان سرحان فى زميلتنا
روان : ايوة باين كده الصنارة غمزت 😉
اسراء : امتى بقر هنحضر الفرح
يارا : هو انتو هتتسلوا عليا
سها : ءايه ده هو انتى عرفتى ان انتى منين
روان : و ياترى عرفتى الشخص
يارا : ايوة ادم
روان : و حفظتى اسمه لا يا سو احنا نحضر فساتين للفرح بقى
يارا : بس بقى انتى و هى هو انا تسلية بتاعتكم انهاردة يعنى و الاستاذة كريمة سها و جوزها بيقولها يا حبيبتى
سها : و انتى مالك انتى يا زفتة يقول اللى يقوله مش جوزى حبيبى
يارا : ايوة ده انتى وقعتى بقى
سها : بصراحة اه حسته ان هو طوق النجاة ليا حبيبته مش عارفة ازاى و امتى و دايما واقف جنبى حسسنى بالحب و طيبة قلبه معايا و طريقة كلامه تعرفى و انا جنبه بحس بالامان مش خايفة انا عديت مرحلة الحب انا بقيت بعشقه
يارا : الله الله على الحب يا بنات
سها : طب بس بقى يلا علشان ننام
و قاموا البنات و ناموا
--------------------------------------------------
بعد يومين رجعوا تانى القاهرة و بدوا فى تجهيزات فرح و كل يوم ادم بيتقرب ليارا و بدا ينشد ليها و يارا بدات تنشد ليها هى كمان بس كانت بتكابر علشان مش معترفة بالحب خالص و بعد مرور شهر جه يوم حنة اسراء و سها عملت ديكور الحنة و.....
★★★★★★★★★★★★★★★★★