حكايات بنات

البارت الثالث عشر

بعد اما كريم خلص المكالمة لقه سها
سها :بتكلم مين يا حبيبى
كريم بتوتر: مافيش ده واحد صاحبى عادى و كمل بعصبية خفيفة :و بعدين انتى ءايه اللى طلعك بره
سها باستغراب :مافيش عادى يعنى
كريم  :طيب يلا ندخل
سها :يلا
و دخلوا قعدوا معاهم و هما بيتكلموا ادم كلم كريم انه يفتح موضوع جوازه من يارا
ادم بهمس:بقولك ءايه يا كيمو اخطبلى بقى يارا احنا كلنا متجمعين اهو يلا
كريم :انتى اهبل يا زفت يعنى عمو لسه طالع من مستشفى
ادم :اكسب فيا ثواب انا اخوك
كريم :يا بنى مينفعش
ادم :خلاص انا هتكلم
كريم :يا زفت اخرس
ادم :لا والله ما يحصل انت هتزلنى علشان اتجوزها
كريم :يا ابنى اصبر مينفعش
ادم :يا عم انا هتكلم انا ملكش دعوة
كريم :يخربيتك اهدى شوية
ادم كلم محمد فى الموضوع
ادم :عمو محمد بصراحة كده كنت عاوز اكلمك فى موضوع مهم
محمد :خير يا بنى
ادم :بصراحة بما اننا متجمعين كده انا بطلب منك ايد يارا
الكل اتفاجأ بكلام ادم و خاصة يارا
محمد بضحك :انت مستعجل اوى كده ده انت هتشوف ايام
سعاد :قصدك ءايه يا محمد
محمد :و لا حاجة يا حبيبتى فيه ءايه
اياد بهمس لسها :الحقى ابوكى و امك هيتخانقوا
سها : يا عم انت محسسنى انها اول مرة بس فكك
اياد لمحمد بضحك : و لا حاجة بردو يا خالوا
كريم بضحك:يا بنى اسكت
اياد : لا ابدا انا مش هسكت
سها بهمس: يا زفت احنا اخر مرة عملنا الحركة دى امى كانت هتنفخنا
اياد لسعاد: ابدا شوفى يا عمتو بتسكتنى ازاى
سعاد :قصدك ءايه اياد يا محمد
منيرة بضحك : يا بنتى اياد بيهزر
محمد : ايوة
اياد : ابدا دول يا عمتو بيفكروا يجوزوا خالوا و البت سها هتجبلوا العروسة
اسراء بضحك : كده ولعت و هتحلوا اوى
سها بصدمة : يخربيتك و كملت : طبعا يا ست الكل لو قلت ان الزفت ده بيهزر مش هتصدقى
سعاد : والله
سها : منك لله يا رفت و جرت استخبت ورا كريم
محمد : اتلم يا زفت و هديها زى مشعللتها
اياد :هو كل مرة يا عمتو تصدقى
سعاد : ماشى يا اياد
اياد :خلاص بقى يا عمتو اسفة أخر مرة
سها: لا ابدا يا ماما ده كل مرة بيقول كده والله ما يحصل لازم يتعاقب
اياد بغيظ : اخرسى يا زفتة  عمتو هتولع فيا
سها بضحك :لا ابدا
اياد : بت انتى تلمى 
ادم بضحك :بسسسس مكنش كلمتين قولتهم و كمل كلامه :ها ياعمو رد حضرتك ءايه على طلبى
محمد بجدية :بص يا بنى القرار مش بايدى القرار فى ايد يارا و وجه كلامه ليارا : ءايه رايك يا بنتى
يارا بكسوف :اللى حضرتك تشوفه يا عمو
سها بضحك و همس لاسراء و روان : عشت و شوفت اليوم اللى يارا فيه بتكسف
اسراء بضحك : اخرسى بدل ما تكلنا
سها :سكتنا
محمد : خلاص يا ادم و انا موافق
ادم : خلاص يبقى نقرا الفاتحة و نعمل فرح علطول
محمد : براحة بس يا بنى نقرا الفاتحة تمام انما فرح علطول مينفعش و لا انت رايك ءايه يا كريم
كريم : والله يا عمو كلامك صح و نعمل كنب كتاب مع خطوبة و الكلام الاخير فى ايد حضرتك و يارا
محمد  : انا عن نفسى موافق و انتى يا يارا
يارا بكسوف : موافقة
محمد : تمام نقرا الفاتحة بقى
قروا الفاتحة و قعدوا يتكلموا و بعدين روحوا كل واحد على بيته
————————————————————-
فى شقة كريم
سها : يااه نفسى انام اوى  و البيت واحشنى اوى
كريم : و انتى كمان واحشانى اوى
سها : والله ما انا كنت معاك
كريم : انتى بتوحشنى فى كل لحظة حتى و انا معاكى و انا بحبك اوى تعرفى انا بقيت بعشقك مش بحبك بس انتى النور اللى نور حياتى
سها : يااه و انا كمان بحبك اوى بس خايفة يا كريم
كريم : خايفة من ءايه
سها : خايفة من اى حاجة ممكن تفرقنا خايفة اصحى الاقى نفسى فى حلم و لاقى كل اللى انا عشته سراب مش حقيقة
كريم : متخافيش من اى حاجة و انا معاكى مفيش اى حاجة تفرقنا و مش هسمح لحاجة تفرقنا
سها : متسبنيش حتى لو انا قلتلك سيبنى
كريم : حاضر يلا يا حبيبتى بقى علشان ننام علشان ورانا شغل بكرة و لا انتى مش ناوية تنزلى الشغل
سها : لا طبعا انا هرجع شغل و بعدين يلا علشان نصحى بدرى علشان انا مديرى صعب جدا
كريم : والله
سها : ايوة ده حتى كان هيتخانق معايا اول مرة علشان المواعيد
كريم : طب يلا يا اختى علشان ننام
سها : يلا
—————————————————————-
تانى يوم
سها و كريم صحوا و راحوا الشغل و بعد وقت طويل
فى الشركة
سها : حبيبى يلا بينا نروح
كريم : لا يا حبيبتى روحى انتى و انا عندى مشوار مهم لازم اعمله
سها : يعنى  هروح لوحدى طيب بس متتاخرش علشان ناكل مع بعض
كريم : ان شاء الله مش هتاخر
سها : طب سلام انا بقى
كريم : سلام
—————————————————————
سها روحت و اتصلت بباها و اطمنت عليه و بعدين نزلت ساعدت منيرة فى باقى الغدا
منيرة : يا بنتى انتى لسه تعبانة استريحى شوية
سها: يا ماما انا بقيت كويسة الحمدلله و اقدر اعمل كل حاجة
منيرة : طيب يا حبيبتى براحتك متعرفيش كريم هيتاخر و لا لا
سها : لا يا ماما مقليش بس انا قولته يجى علشان الغدا و كده
منيرة : تمام يا حبيبتى
سها : امال فين شذا يا ماما
منيرة : بتزور مامت محمود
قاطعهم دخول ادم
ادم : ازيك يا ست الكل عاملة ازيك يا سها
سها : الحمدلله
منيرة : الحمدلله يا حبيبى يلا روح غير هدومك على ما اخوك يجى
ادم : هو مش هنا
منيرة : لا فى مشوار
ادم بغيظ : و اكيد هنستنى حضرتوه
منيرة : يا بنى اهدى شوية اخوك ان شاء الله مش هيتاخر
تدم : ده انا قولت الواد اتجوز هيقعد فى البيت و الله حرام مش كل مرة نستناه
سها بضحك : واضح انها مش اول مرة
ادم : يا بنتى دايما متاخر على فطار و غدا و حاجة صعبة انا مش عارف مستحملها ازاى
منيرة : يا بنى عيب كده ده اخوك الكبير
ادم : حاضر سكت اهو هروح اغير هدومى و انام على ما هو يجى
منيرة : ماشى يا بنى روح
و كملوا الغدا و خلصوه و قعدوا يتفرجوا على تلفزيون و هما قاعدين تليفون سها رن بيارا و استاذنت علشان ترد عليها
يارا : ايوة يا سها انتى فين تعالى ضرورى فيه مصيبة حصلت مع الاء و احنا عند رولن
سها : فى ءايه يا بنتى و بعدين كريم مش هنا علشان اعرف اجى
يارا : اتصرفى بسرعة انتى اللى هتعرفى تحلى المشكلة
سها : طيب اقفلى و انا هشوف
و دخلت سها و كان ادم نزل
سها : ماما هو انا ممكن اروح عند روان ضروري
منيرة : فيه حاجة يا بنتى
سها : و الله يا ماما مش عارفة بس هما اتصلوا و قالولى فيه مشكلة
منيرة : طب و كريم
سها : ما انا برن عليه و تليفونه مقفول و مش عارفة اعمل ءايه و انا لازم استاذنه
منيرة : طب بصى يا بنتى روحلهم و انا هبقى اقوله و ادم يوصلك
سها : مش مستاهلة يا ماما
منيرة : يا بنتى مينفعش
سها : حاضر يا ماما انا هطلع اغير هدومى و احاول ارن عليه
سها طلعت تغير هدومها و رنت على كريم مردش و بعتتله رسالة و راحت للبنات
—————————————————————-
عند كريم
بعد اما كريم خلص شغل كريم راح على  شقة قريبة من شركته الى حد ما
مريم : اخيرا جيت ده انا قولت نستنى انا و ابنك ده انت حتى مهنش عليكى تيجى معايا عند الدكتورة
كريم : انتى عارفة انى كنت مشغول و مكنتش هعرف اجى
مريم : طب يلا يا حبيبى علشان ناكل
كريم : مش هعرف اكل معاكى علشان سها مستنيانى
مريم بغضب : علفكرة انا من حقى تقعد معايا زى ما بتقعد معاه انت جوزى انت من يوم ما تجوزتها و انت نستنى تماما
كريم : صوتك ميعلاش انتى فاهمة انا ماشى و هحاول اجى تانى و نقضى يوم مع بعضنا سلام
مريم : سلام اما وريتك يا سها مابقاش انا مريم
************************************************
يا ترى ءايه اللى حصل مع الاء ؟؟؟ و ءايه حكاية مريم و كريم ؟؟؟
                                يتبع .......