كريم سافر البلد هو و الشباب و البنات
عند سها
كانت اسيل بتذاكر و سها خرجت تشترى حاجات و اسيل و هى بتذاكر اتفأجات برن الجرس قامت تفتح لقيت اياد
اسيل : ايدو ازيك
اياد : ايدو ءايه يخربيتك معايا ضيوف اتدخلى هتفضحينا
اسيل : سورى اتفضلوا
اياد : امال فين سها
اسيل : هى قالت ان هى نازلة تشترى شوية حاجات و مش هتغيب
اياد : طيب ادخلى ذاكرى انتى
اسيل : ماشى
و فى الوقت ده جت سها
سها : اسيل انا ج.....قاطع كلامها لما شافت كريم
يارا : سوسو وحشتنى كده نهون عليكى
سها : و انتى كمان يا حبيبتى
الاء : وسعى يا بت سيبلى سوسو حبيبتى شوية
اسراء : لا انا
روان : لا انتى و لا هى
سها : و لا انتى و لا هى ولاهى و وجهت كلامها لشذى : ازيك يا شذى وحشتنى
شذى حضنتها : و انتى كمان والله
الاء : بقى كده ماشى
سها : خلاص متزعليش تعالى يا اختى هو فى حد يزعل القمر و الله واحشانى يا لول
البنات كلهم سلموا عليها
اياد : طيب خلصتوا سلامات ممكن نتكلم جد شوية
سها : اتفضل
كريم : ممكن نتكلم على انفراد
سها : ليه هو فيه كلام هنقول ما احنا قولنا كل الكلام و احنا المفروض نتطلق
كريم : سها اسمعينى لو سمحت
اياد : خدوها يا كريم و اتكلموا فى الاوضة
سها : اياااااد
اياد : انتى سمعتى
كريم : اهدى يا اياد و تعالى معايا مش هاخد من وقتك كتير
سها : طيب اتفضل
سها و كريم دخلوا الاوضة
سها : ممكن افهم انت جيت ليه يا كريم
كريم : جاى لمراتى حبيبتى
سها : كريم كلام ده مش من حقى ده من حق مراتك و ابنك
كريم : مراتى واقفة قدامى
سها : مش فاهمة و مريم
كريم : مريم اه انا اتجوزتها بس و الله على ورق بس
سها : و الله امال هى حامل ازاى
كريم : ممكن تسمعينى و تشوفى الفيديو ده
سها سمعت من كريم و شافت الفيديو
كريم : انا فعلا اتجوزتها بس والله ما لمستها و لا حصل بينا حاجة صدقنى لو سمحتى ارجعى
سها بدموع : هما ليه عملوا فيا كده يا كريم ليه
كريم : اهدى يا حبيبتى
سها : انا اسفة يا كريم بس انت ليه محكتش من الاول و كنا حلينا الموضوع سوا
كريم : يعنى كنتى هتسمعينى انتى لما مريم جت و قالتلك انى اتجوزت عليكى و بعتت ليكى الصور سيبتى البيت و مشيت و طلبتى الطلاق فاكيد مكنتيش هتسمعيلى
سها بدموع : انا اسفة مكنش قصدى انا اسفة
كريم اخدها فى حضنه : اهدى يا حبيبتى خلاص انا مش زعلان منك اهدى انتى بس
سها : يعنى انت مش زعلان
كريم : زعلان شوية علشان انتى موثقتيش فيا
سها : يعنى انا كنت اعمل ءايه انا لما لقيت الصور اتصدمت و انا لما شوفتها لقتيها حقيقة مش متفبركة و لما هى ورتنى عقد الجواز لقيت امضتك عليها ساعتها انا كنت عاوزة اسمعك بس خفت اتصدم اكتر خفت
كريم : خلاص اهدى بس اهدى
سها : كريم انا خايفة
كريم : متخافيش يا حبيبتى خلاص انا جنبك متخافيش خلاص
سها : كريم انا عاوزة اقولك حاجة
كريم : قولى
سها : انا حامل
كريم بفرحة : انتى بتتكلمى بجد
سها هزت راسها : ايوة
كريم : يعنى انا هبقى بابا
سها : ايوة
كريم شالها و لف بيها و صرخ : بحبببببببك
سها بسعادة : نزلتى يا مجنون
كريم : انتى متعرفيش انا مبسوط قد ءايه ده احسن خبر سمعته فى الفترة دى
سها بسعادة : انا بحبك اوى
كريم : وانا كمان بموت فيكى تعالى نخرج ليهم يلا
سها : يلا
—————————————————————
بره فى الصالة
اياد لادم : يا بنى اقعد خيالتنى
احمد بضحك : يا بنى ده هيطق لو هما متصلحوش
ادم : اتريق انت و هو مش حابب تضيف حاجة يا استاذ اسر
اسر بضحك : لا ابدا مافيش حاجة فى دماغى دلوقتى
ادم بغيظ: يارب صبرنى و بعدين وجه كلامه يارا : لو سها مرجعتش هعمل الفرح و لو موافقتيش هخطفك و هو يبقى اسهل
يارا : والله
ادم ببرود : اه
اسر : يا عينى عليك يا بنى اهدى بس
وفى الوقت ده سمعوا صريخ كريم و اسيل طلعت من الاوضة تشوف فى ءايه
اسيل : فى ءايه يا اياد
اياد : معرفش يا اختى بس اكيد اتصلحوا
وفى الوقت ده خرج كريم و هو حاضن سها
اسر : ايوة يا عم اخيرا شفناك بتضحك
اياد : الكل اللى فى البيت شهد ان هو بيحبها
سها انكسفت منهم
ادم : طب بصوا بقى الفرح اخر الشهر ده و سها هتيجى اهى يا اختى اللى هتعملك شقتك
كريم : انا مراتى مش هتعمل حاجة خلاص
ادم : ليه بقى
كريم : اصل سها حامل
شذى بفرحة : بجد الف مبروك يا سوسو
سها : الله يبارك فيكى يا حبيبتى و الشباب باركوا لكريم و سها
سها : يا كريم مش مشكلة علشان خاطرى
كريم : هبقى اشوف
سها بمضض: طيب
الاء : هيبقى عندنا فرح و اخلص منك انتى الاول
يارا : والله طب غورى من قدامى يا بت انتى
و قعدوا يتكلموا و بعد شوية لحظت سها ان اسيل مش موجودة
سها : اياد هى اسيل فين
اياد : كانت هنا دلوقتي
سها : طب عن اذنكوا هدخل اشوفها
سها دخلت لاسيل لقيتها بتعيط
سها بخضة : اسيل مالك
اسيل مسحت دموعها : مافيش
سها : لا فيكى حاجة اتكلمى
اسيل : انتى هتمشى و تسيبنى
سها اخدتها فى حضنها : متخافيش هبقى اكلمك علطول و هجيلك و بعدين يا حبيبتى انتى لازم ترجعى القاهرة
اسيل : انا مش عاوزة ارجع الا على الامتحانات
سها : بس انتى مش هتعرفى تقعدى لوحدك
اسيل : متخافيش بابا جاى هو و ماما الاسبوع الجاى
سها : طيب خلاص متعيطتيش و الله اجبلك اياد يظبطك
اسيل : انتى بقؤ و هو ميقدرش يعملى حاجة
سها : بقى كده طيب تعالى بقى و سها قعدت تزغزغ اسيل
اسيل بضحك : خلاص حرمت يا ايااااد الحقنى
سها : بقى انا بؤق ماشى و بتنادى لاياد
اسيل : خلاص سورى
سها : طيب قومى ذاكرى
اسيل : هو انتوا كل لما تشوفونى تقولولى ذاكرى و بعدين انا خلصت
سها : هى المذاكرة بتخلص قومى يلا يا زفتة
اسيل : يخربيت الكلمة دى من ايام اجدادنا المذاكرة بتخلصش
سها بضحك : تصدقى صح انا سمعت الكلمة دى كتير اوى فى حياتى
اسيل : شوفتى بقى
سها : بردو هتقومى تذاكرى
اسيل : قومى يا رخمة
سها : انا اصلا هسبلك البيت
اسيل : اهون عليكى
سها : بصراحة لا و قومى ذاكرى بدل ما نديلك اياد يخليكى تذاكرى
اسيل : هما نص ساعة راحة بس
سها : هما نص ساعة بس
اسيل : حبيبتى يا سوسو
سها : طيب انا هطلع بقى تعالى معايا
اسيل : لا انا هقعد على تليفون شوية
سها : ماشى براحتك بس اوعى يا اسيل تنسى نفسك على تليفون و متذاكريش
اسيل : حاضر يا حبيبتى
سها خرجت لقيت البنات بس
سها : امال هما راحوا فين
يارا : منعرفش
سها : اللى هو ازاى يعنى مش فاهمة
الاء : الزفت اخوكى خدهم و قالهم تعالوا هنروح مشوار لحد ما انتى تحضرى شنطتك
سها : طب هو انتى بتشتمى الزفت قصدى اياد
اسراء : يا بنتى الاتنين مبطلوش خناق و احنا جايين
الاء : ما هو اللى لسانه طويل اعمل ءايه
سها : على اساس ان انتى لسانك ءايه بينقط شربات
الاء : ما تلمى نفسك يا بت انتى
سها : هو انا كلمتك مش انا بقول الحقيقة و لا انا غلطانة شذى : بسسسس انتى و هى و يلا علشان نساعدك فى شنطتك علشان نمشى بدرى يلا انتى و هى اخلصوا
سها : طيب يلا ساعدونى
قاموا البنات يساعدوا سها فى تحضير الشنطة و خلصوا و كانوا الشباب جم
سها : هو انتوا كنتوا فين
اياد : و انتى بتسالى ليه
سها : علفكرة انا مش بسالك انت
اياد : امال بتسالى مين
سها : بسال كريم انت مالك انت
اياد : ده على اساس ان كريم يعرف اماكن هنا فى البلد
سها : ياربى على الرخامة بتاعتك مش عارفة جيبها منين
اياد ببرود : من المكتبة
سها بغيظ : باااااارد
اياد : بت انتى لمى نفسك احسن لك
كريم : بس يا زفت انت اللى تلم نفسك احسنلك
سها بفرحة : احسن تستاهل
اسراء : طب بس انا جعانة دلوقتى و مافيش اكل هنعمل ءايه
شذى بصدمة : هو انتى مش لسه اكله سندوتش
يارا : لا متخديش فى بالك دى شوية هتاكل بنى ادمين
الاء : مفجوعة زى واحدة
اسراء : طيب احنا عارفينها ممكن نطلب اكل بقى
روان : ياريت يعنى لاحسن انا هموت من الجوع
احمد : خلاص نطلب اكل بس هنطلب ءايه
اسراء : بيتزا و برجر و مشويات
روان : و شاورما سورى و سندوتشات
اسراء : و واجبات و سلطة
ادم بصدمة : هما هياكلوا كل ده
احمد بهمس: يا عم انا بقيت بخاف و انا نايم لتاكل
ادم : وانت يا اخ اسر
اسر بصدمة : افندم
كريم : ياعينى صعبتوا عليا
اسر : بكرة مراتك تبقى زيهم
احمد : و تجيب الاكل و بعد دقيقة تقولك انا مش عاوزاة هاتلى اكل تانى
اسراء : اخلصوا بقى اطلبوا الاكل
الاء : ثانية واحدة بس هو انتوا الاتنين هتاكلوا ده لو حدكم
روان و اسراء : اه
يارا : ينهار هتاكلوا كل ده
روان : دى حاجة خفيفة و كمان هنحلى لسه
اسر : تحلى ءايه بعد الاكل ده كله
اياد بضحك : بصراحة الله يكون فى عونكم يا شباب
محمود بضحك : بقولكم ءايه فى حل اسهل ما نجيب كل الاكل اللى فى المطعم
شذى بضحك : فكرة والله
اسر بغيظ : اتريق ما انت ليك حق
الاء : طب مفجوعة هانم مش هتطلب اكل
سها بغيظ : لا مليش نفس و بطلى استفزاز.
يارا : الحقى بتقول لا للاكل انتى سخنة يا بنتى اكيد فى حاجة غلط
الاء : انتى اللى بتقولى للاكل لا مستحيل بقى دى البت اللى كانت طول النهار بتاكل
اياد بضحك : الحمدلله صحابك اعترفوا انى كنتى بتاكلى اكل البيت كله
سها : هههه خفة
كريم حضنها : ملكوش دعوة انا هجبلها اللى هى عاوزة
سها طلعت ليهم لسانها
الاء بهمس: هى مرارة واحدة اتفقعت
يارا : طب اخرسى بقى
و طلبوا الاكل و قعدوا اتكلموا و بعدين سافروا و بدات تجهيزات الفرح
—————————————————————————-
يتبع .....
أنت تقرأ
حكايات بنات
Truyện Ngắnحكايات البنات كتير وخاصة لو كانوا بيحبوا بعض ما بالك الصحاب يا ترى ءايه حدوتهم؟؟؟
