Unicode
ဧည့်ခန်းထဲမှာရှိနေသောလူနှစ်ယောက်ကမီးဖိုခန်းထဲမှပန်းကန်သံများကြောင့်အပြေးဝင်လာကြတော့ခုနကသူတို့ရှေ့မှပြေးထွက်သွားသောမိန်းကလေးမှာကြမ်းပြင်ပေါ်တွင်လဲကျနေတာတွေ့ရလေသည်။
"မောင်ရင် သမီးကိုအခန်းထဲသွားပို့ပေး
Uncle ဆရာဝန်ခေါ်လိုက်ဦးမယ်""ဟုတ် uncle"
....................
"ဘာမှမဖြစ်ပါဘူး
သွေးအားနည်းလို့မေ့လဲသွားတာပါ
ပင်ပန်းနေတာလည်းပါမှာပေါ့
ဘာမှစိတ်မပူပါနဲ့
အားဆေးတွေပေးခဲ့မယ် စောနကလည်းဆေးချိတ်ထားတာပဲကို"သူငယ်ချင်းဖြစ်သူဒေါက်တာမှဦးစိုးသန့်(ခိုင်ပွင့်ဝေ အဖေ) ကိုနှစ်သိမ့်နေရတော့သည်။
သူ့သူငယ်ချင်းဖြစ်သူကသူ့သမီးကိုဘယ်လောက်ချစ်တယ်ဆိုတာသူတို့အားလုံးလည်းသိနေတာမို့ပင်။ဦးစိုးသန့်ကတော့ခိုင်ပွင့်ဝေကုတင်ဘေးတွင်ခေါင်းငိုက်ကျနေတော့သည်။
"Uncle ကျွန်တော် ဆရာဝန်ကိုပြန်ပို့ပေးလိုက်ဦးမယ်"
ပြန်မဖြေတဲ့ဦးစိုးသန့်ကိုသတိပေးရုံလေးသာပြောပြီးဆရာဝန်ရဲ့လက်ဆွဲအိတ်ကိုဆွဲကာထွက်လာခဲ့လိုက်တော့သည်။
ဆရာဝန်ကိုကားပေါ်ပြန်တင်ပေးပြီးရဲစစ်သူပြန်လာသည့်တိုင်ဦးစိုးသန့်မှနဂိုပုံစံအတိုင်းပင်။
"Uncle သွားအိပ်တော့မလား
ကျွန်တော်ဆက်စောင့်ပေးမယ်လေ
Uncle လည်းမနက်ကုမ္ပဏီသွားရဉ်ီး......""မောင်ရင်ပြန်ပါတော့"
"ဗျာ?"
"ကျေးဇူးပြုပြီးမောင်ရင်ပြန်လိုက်ပါတော့
သမီးအခုလိုဖြစ်ရတာဘယ်သူကြောင့်လဲဆိုတာမောင်ရင်သိပါတယ်
Uncle ကျောင်းကသတင်းတွေအမြဲကြားတယ်
အဲ့တာကြောင့်မို့ပဲသမီးနဲ့မောင်ရင်ကိုစေ့စပ်ပွဲဖျက်သိမ်းစေချင်တာ
မောင်ရင်လည်းမောင်ရင်ကြိုက်တဲ့အဲ့ကောင်မလေးနဲ့အဆင်ပြေတာပေါ့
ဘာလို့..ဘာလို သမီးလေးကိုစိတ်ဒုက္ခပေးပြီးဆွဲထားချင်ရတာလဲ
ဘယ်သူ့အတွက်မှလဲမကောင်းဘဲနဲ့
မောင်ရင်သမီးလေးကိုချစ်တယ်ဆိုရင်သမီးလေးဒီလိုထပ်မဖြစ်အောင်ဂရုစိုက်ပေးပါ
အကယ်၍ဒီလိုကိစ္စထပ်ဖြစ်ခဲ့မယ်ဆိုအဲ့အခါကျသမီးတားနေလည်း uncle ဒီမင်္ဂလာပွဲကိုဖျက်ရလိမ့်မယ်
ဒီတစ်ခါကိုတော့သမီးလေးမျက်နှာနဲ့ကျော်သွားကြတာပေါ့
ပြောစရာရှိတာလည်းပြောပြီးပြီဆိုတော့နောက်မှထပ်ဆုံကြတာပေါ့"
![](https://img.wattpad.com/cover/193924826-288-k441734.jpg)
YOU ARE READING
MISSION-I (Rest)
RomanceUnicode System:player!!! "ဘာလဲ!" System:player အဲ့လိုလုပ်လို့မရဘူးနော် "နင်ကလည်းဟာ သဘောၤလေးတစ်တွဲရေနစ်သွားရုံနဲ့ပင်လယ်ကြီးရေမတက်လာပါဘူး ပြီးတော့ နင်သိတဲ့အတိုင်းငါလေးကစေတနာတွေတအားကောင်းလို့ အပိုဆုပေးတဲ့ဟာ" system:Player!!!! ...