•• الحلقة الاولى ••
#انقلاب...
روايات هدوشة...
سوسن: نوضي يا أبلة ياسرك نوم اندادك في الكوجينة يطيبو في الفطور 😡
لجين: الابلة قاعدة تعطي في حصتها 💤
سوسن: نوضي نوضي (حولت البطانية من علاها)
لجين (عين مفتوحة وعين مسكرة) : ايااااه قاعدة نبي نرقد خيرك ماما !! 😖 (وجبدت منها البطانية)
سوسن (ايداها في نصها) : زيدي ارقدي ملا كان مابزعتش عليك مالقي امية 👌، ما تمشيش معاك المسايسة انتي...
ومشت للمطبخ....
°°°°°°°°°°°°°°°°°°↓
اسمي لجين مواليد 2001 شهادة ثانوية ماعنديش لا خوت ولا خوات وحيدة اهلي عايشة مع خوالي اني وماما بوي متوفي الله يرحمه بسبب حادث في 2016 ، خوالي اربعة ثلاثة متزوجين وواحد خاطب وخلاتي ثلاثة وحدة بس متزوجة ، خالاتي نار الله الموقدة 🔥، مايحبونيش واني مبادلتهم بنفس الشعور 😐 ، كأني مش بنت اختهم اما خوالي صح صاعبين بس عادي لكن عندي خالي الصغير غير ، نمووت فيه نحبه وهو يعامل فيا زيي بنته حنيين وطيب ومش منقص عليا ولا حاجة ، وعندي عبدالعالي حبيبي هوا اللي منسيني الهم كله نحبه مووووت ، علاقة لينا 3 سنين ، طبعن هوا يسكن جنب عمامي في طرابلس ، واني في صبراته مع خوالي ، بس هوا هدا ، والباقي توا تعرفوه مع الحلقات...
°°°°°°°°°°°°°°°°°°↑
~~~~~~~~~~
فتحية: نوض سلم وليدي جيبلنا خبيزة صخونة من الكوشة نوض 😊
عبدو: باهي يما شوية بس وانوض 💤
فتحية: تي نوض عمتك كريمة بتجي بتبات عندنا قالت راجلها يبي تونس خلي نفطور قبل لا تجي فييسعع
عبدو: وااك وشن ماعندهاش خوات تقعد عندهم جايتلنا حني !! 😒
فتحية (شهقت): هئئ تحشم عمتك هادي...نوض نوض...خلاص معش في نوم 😤
عبدو (يغني تحت البطانية): ما في نووم بعد اليووم ما في نوووم الا بجنبك حبيبي 😂
فتحية: حي عليا وليدي هبل (وبدت تضرب فيه بالمخدة)
عبدو: اهو بتبدا عاد 😂 ، باهي خلاص تو نمشي نجيب الكوشة كلها وان شاء الله تقوليلي جيب خبزا غدوا
فتحية: اللطف شن بنفطرو الشارع ملا 😱
عبدو: مش تبي خبزة تو نوريك الخبزة كيف 🌚 (وطلع)
فتحية: غير اغسل وجهك و صلي قبل لا تمشي...ياعبدوو...ربي يهديك وخلاص 😩
°°°°°°°°°°°°°°°°°°↓
اسمي عبدالعالي مواليد 95 اصغر واحد في خوتي واخد الشهادة الجامعية قاري لغات لاكن مخدمتش باها شهادتي ، نخدم في الشرطة ، العيلة حالتها المادية باهية وحتا اني ما انقص عليهم في شي بخدمتي ، بوي صحيح ما شاء الله يخدم في حوازتنا واني نخدم علي راسي ما عابي علي حد حتا المطفوش صاحبي حسن ما ينعبا عليه 😂 ، خلاص الباقي تعرفوه في الرواية...خنمشي نجيب خبزة من الكوشة
أنت تقرأ
روايـة إنقـلاب
Mystery / Thrillerأوّل رواياتي ، واللي كانت بداية مشواري الكتابي في الـ2019 💜.
