•• الحلقة التاسعة ••
#انقلاب…
روايات هدوشة…
الدليل الاول فيديو البلاكونة و التاني…
نرجعو التالي شوية…🕗
وقت كانت لجين تضم في الحوش ركبت كاميرا في الكوجينة خداهالها رمزي باش سجلت باها اللي صار لما خش علاها سالم وهدا الدليل التاني…
بعد اسبوعين تحقيق في القضية…رفعت لجين دعوة طلاق على سالم…وطلقها و انحبس هو وصحابه بتهمت تعـ*&*ـاطي و تجـ"ـارة المخـ*&*ــدر*ات…
ورجعت لجين لحوش عمامها يعني معش بتعيش مع خالاتها من بعد اللي داروه فاها…كملت قرايتها بعد ما سجلت في جامعة قريبة علي حوش جدها…و ام سالم صاير فاها حااالة بعد لا انحبس…
كملت لجين العِدَّة...
طبعن لجين ما تمشيش لحوش خوالها الا في ايام العطلة بس…اما القراية رسمي عند عمامها…ومع هدا امها مش عاجبها الوضع…
جي يوم عطلة و رفها عمها عند خوالها…
خشت للحوش لقت خوالها كلهم بنسونهم و صغارهم الا خالد "بو سالم" معش يواصل فيهم بكل…
لجين تهدرز علي بناويت خوالها…
مودة: والله لا صح عليك كيف يا لجين كيييف قدرتي الديري هكي 😅 !!
لجين: اللي يلعب عليا هكي يصير فيه والله 😌
هناء: اي وشن ناوية اديري تاني 😂
لجين: خززي يا باردة 😂
~~~~~~~~~~~~~~
عند عبدو…
لما مشي راجع بعد اسبوعين عند دكتوره "منذر" غييرله الدوا و بعد شهر عبدو تعب هلبااا شوي اهله حددوله موعد بش يرفعوه ل تونس و الدكتور منذر رفعو عليه قضية حتا هو…طلع غاش الدوا ل عبدو و دخل معاه فدوة في القصة…طلعت هيا اللي دافعتله فلوس بش يغيير الدوا ، منذر انحبس لاكن فدوة طرداها من شغلها و معش تقدر تخدم في اي مستشفى تاني لان ملفها ختموه بالاحمر…طبعن لجين و سوسن و فجرة و فادية بس اللي يندرو علي اللي صار مع فدوة ، لاكن الخوال و الجد و والجدة يحسابوها هيا اللي بطلت خدمة…
روح عبدو من تونس بعد لا خدي علاج و استمر عليه لن تعافة…
فاتت سنة…
ولجين و عبدو كل يوم يزيد حبهم لبعض رغم الصعوبات اللي مروو باها…❤❤❤❤
ورمزي و راما نفس الشي…
وحسن قاعد سنقل ههههههه…
وطبعن فجرة خالة لجين انخطبت و عرسها بعد اسبوع…
ولجين و راما نجحو في السمسترات الاولة في الجامعة ولا حد الان مستواهم تمام مفيش صعوبات طبعن الاتنين خشو صيدلة…
أنت تقرأ
روايـة إنقـلاب
Mystery / Thrillerأوّل رواياتي ، واللي كانت بداية مشواري الكتابي في الـ2019 💜.
