روايـة إنقـلاب

الحلقـة الثامنـة 8

•• الحلقة الثامنة ••

#انقلاب...

روايات هدوشة...

الصبح...

ناض عبدو عنده مراجعة عند الدكتور...

كلم حسن يجيله باش يرفعه...

عند رمزي...

راقد في سابع نوم و تامن حلمة 😂...

وريم اخته تفتش في هاتفه تبي رصيد 😂...

ريم: هدا دايرله بصمة لمن مش عليا يا زيزو 😉

خدت صبعه السبابة وداراته ...ما باش يفتح...

ريم: شنو هدا شكله مداير صبع رجله 🙂

وخدت صبعه السبابة التاني...فتح...

فتحت شافت الرصيد لقاته " 672 درهم "...

ريم: خزيي 🙂💔💔💔💔

طبعن كان هاتفه صامت...فجأة اتصل حسن و رمزي كان حاط صورته علي رقمه و مسجله لمختش ✌...

ريم قرت الاسم بدت تضحك و بعدين قعدت تشوف لصورته 🤤...

ريم: معقولة عنده صاحب هكي طرف و مانعرفاش 🤔😍؟؟؟؟ ...

" طبعن حسن ما يسكنش جنب عبدو و رمزي...هو في المنطقة نفسها لاكن بعيد عليهم شوية "...

فصل اتصال حسن و بدت ريم تفتش ع الصور بالك تلقا صور ل حسن و فعلا دورت و لقت صور لرمزي مع صحابه مزردين و معاهم حسن ، بدت تتفرج و هيا هايمة في حسن 🤤...

عند لجيـن...

ناضت الصبح دارت الفطور ، فطرت هيا وسالم ، بعدها طلع...

مشت لجين اتصلت برمزي و كان الهاتف عند ريم...

ريم رمت الهاتف جنب رمزي و مشت تجري لدارها...

حس رمزي بحركة جنبه ناض ، لقي مكالمة من حسن و 6 مكالمات من لجين...عاودلها...

لجين شافت للهاتف ردت...

رمزي (بصوت ناعس): ايواا 😪

لجين: هدا كله نووم !! شوف للساعة 🤨

رمزي: وعليكم السلام

لجين: ههههههه اسمع

رمزي: هاااا 😴

لجين: عصااا علي جلدك...تعالالي نبيك 😶

رمزي: ان شاء الله خير

لجين: غير تعالى بعدين ساهل

رمزي: توا عالصبح نجيك...خيرك انتي 🤨

لجين: صبح شنو الساعة 12 😑

رمزي (نط): اياه 12 😨 !!

لجين: صباح الخير هههههههه

رمزي: باهي به نفطر و نجيك...

~~~~~~~~~~~~~~~~~

عند عبدو و حسن في السيارة...