روايـة إنقـلاب

الحلقـة الرابعـة 4

•• الحلقة الرابعة ••

#انقلاب...

روايات هدوشة...

سالم: تعالي قعمزي ياحلوة مانبي شي 😍

لجين: 😑😤 ...(مشت قعمزت)...

سالم: قعد يتأمل في لجين و هيا مواطية راسها...

سالم: قصدي الجمال هدا كله ليا اني 😍

لجين (تعصبت قامت راسها و شبحتله شبحة): هيا عجل 😑

سالم: خيرك شنو وراك 😊

لجين سكتت...

طلع باكو الدبلة و فتحه ولجين تشبحلها عجبتها ...كانت راقية و نازكة هلبا ...شد سالم يد لجين ...باسها و لبسها الدبلة و عطاها دبلته و لبستهاله والدموع ما فارقوها ...شافلها لقاها تبكي ...

سالم: هادي دموع فرح ولا شنو 😊

لجين (ناضت)...

سالم: وين علي خير (وناض)...

لجين: خلاص لبستني الدبلة شن مزال تبي تاني 😞

سالم قرب منها و حط يده في علي خصرها و باسها علي خدها ...ولجين جاااامدة في مكانها ...و بعدين وخرت من عليه ...

سالم: خيرك 😅

لجين: ااا ا ام لا لا شي (وجت بتطلع)...

سالم: ترا استني شوية

لجين (وقفت و قبلت وراها): نعم !!

سالم: اممم عندك هاتف !!

لجين (هزت راسها بـ اي)...

سالم: عندك شفرة ؟؟ شن فاتحة فيه هاافك ؟؟

لجين (تنرفزت): وعلاش الاسئلة هادي 😤

سالم: تمام الشفرة بنغييرها و اي برنامج فاتحاته بضيفيني فيه ولا يتسكر ، ولما نكلمك بأسلوب جاوبيني بأسلوب 😡 ، وهاتيه هاتفك

لجين طلعت الهاتف من جيبها و عطهوله ...فتح الكفرة و طلع الشفرة و دخل شفرة جديدة ...وعطاهولها ...

سالم: هادي شفرتك الجديدة و هادي (يأشر علي الشفرة القديمة): انساها 🙅🏻‍♂️...

لجين: تمام 🙍

طلع سالم روح و خشت هي للحوش...

سوسن: هاا شنو ورينا ☺

لجين (مدت يدها)...

سوسن (دمعو عيونها): روروروروروري

فجرة: محلاها تجنن 😍

فدوة: اي 😒

بعد نص ساعة جي رمزي و رفع لجين...

في السيارة...
رمزي شاف لي يد لجين...

رمزي: مبروك 💔

لجين (تحشمت واطت راسها): الله يبارك فيك ...عقبال منفرحو بيك حتا انتا 😔