•• الحلقة السابعة ••
#انقلاب…
روايات هدوشة…
لجين مقعمزة في الصالة…مكسدة ع النت…سالم مهناش…فجأة…
لجين: ع عـ عبدوو 💔💔💔💔
شافت منشور ل رمزي عالفيس مداير تاق ل عبدو و منزِّل صورة ل عبدو وكاتب '' ربي يحفظك يا غالي ، والحمد لله عالسلامة من جديد ''…
لجين خشت علي صفحة عبدو و بدون ما تقصد بعتتله طلب صداقة و ما ركزتش لن طلعلها اشعار فوق "تمت الموافقة على الطلب"…
معش عرفت شن ادير…بعدين قالت: والله لما نبعتله رسالة…💬
'' طبعن لجين لما تزوجت سالم سكرت ايميلها الاول اللي ضايفة فيه عبدو و فتحت ايميل جديد "
لجين كتبت: السلام عليكم
عبدو مكسد في محل عمه متع الملابس…شاف الرسالة…
رد: وعليكم السلام ؟؟
المحـــادثـــة 💬 ……
لجين: كيف حالك خوي
عبدو: الحمد لله بخير
ومعش بعت حد لن……
عبدو: من وين اوخيتي 🙄
لجين: علاش تسأل ؟؟
عبدو: هكي وخلاص …سؤال خطر علي بالي بس 🙄
لجين: اهااا لا لا عادي ( كذبت عليه ) اني من مصراته ❤
عبدو: بالجودة ❤
لجين: وبيك اكتر …اااا عادي نسألك سؤال
عبدو: تفضلي ❤
لجين: مرتبط !!
عبدو: علاش السؤال !! هههههه
لجين: ههههههه ترد فاها
عبدو: لا لا مش مرتبط…
لجين تشوف للشاشة و عيونها دموووع…
لجين: متأكد ؟؟
عبدو: علاش خيرك …تعرفيني اختي ؟؟
لجين: نعرفك عز المعرفة ياخوي 💔
عبدو مقعمز ع الكرسي و مستغرب في كلامها…
عبدو: كيف ما فهمتش !!
لجين: نسيت عشرت العمر اللي بيناتنا…
معقولة اخرتها تقوللي انك "مش مرتبط"…
هكي في يوم و ليلة تخليت عليا 💔…
ما تنساش يا عبدو راهم 3سنين…
3سنين اللي علي قولتك "ضيعتهم علي خاطري 💔" عرفتي توا …
عبدو (مصدووم): لجين…كيف تتجرئي و تبعتيلي رسالة !! كيف تجرأتي و كلمتيني اصلا !! راجلك وين اللي مش مأمن عليك هذا 😡
لجين: راجلي !! راجلي اللي ما نتلاقاش اني و ياه الا علي صفرة الفطور راجلي غير بالاسم بس و الله تعبت اني خلاص معش نقدر نكمل معاه خلاصصص 💔💔💔💔💔
أنت تقرأ
روايـة إنقـلاب
Mystery / Thrillerأوّل رواياتي ، واللي كانت بداية مشواري الكتابي في الـ2019 💜.
