•• الحلقة الثالثة ••
#انقلاب…
روايات هدوشة…
فتحية: وعليكم السلام منو معاي !!
الراجل: معاك الدكتور منذر من عيادة ال*****
فتحية: ان شاء الله خير 😧!!
الدكتور: عندك حالة حالياً في الاسعافات نقلوه مجموعة شباب من الطريق قالو دار حادث سير خش في شاحنة ، اغمى عليه و انصابو رجليه الزوز
فتحية (ضربت وجهها): م مـ منو من هوا اللي في العناية !! 😨
الدكتور سأل حسن صاحب عبدو علي اسمه…
الدكتور: عبدالعالي...
فتحية (بدت تخبط فـ رجلها): يا حليلي وليدي وووووه عليا وووهه😭😭
الدكتور (ارتبك): غـ غير صبري بالك يا حاجة…عطيني اي حد جنبك عطيني 😓
فتحية (عطت التاليفون ل كريمة و بدت تعيط): وليدي 😭 ووووه عليا يا حليلي وليدي دار حادث اااااه 😭💔
كريمة (ترعش): ه هـ نعم !!
الدكتور…
~~~~~~~~~~~~~~~~~
خلي نرجعو بالزمان شوية… 🕖
عبدو يجري بالسيارة معش قدر يتحكم فاها … بعدين … بوووووم …خشت فيه الشاحنة او هوا خش فاها ، سيارته انضرت هلباا من قدام ، كلها ما تنشبحش تكرمشت وين خبط الشاحنة و عبدو حُصلو رجليه مع الحديد متع السيارة … ووين خش لحديد جسمه…اغمى عليه…جو ناس إلتمو عليه و يحاولو يطلعوه ووقت فتحو عليه الباب لقوه دااااايخ ، حاولو يجبدوه من السيارة لاكن بلا فايدة … رجليه حاصلات تحت الحديد و هما يحاولو فاق و بدي يعييط علي طول حسه ، جابو رافعة جبدت السيارة و قعدو يجبدو فاها من علي عبدو و بعدين نقلوه ل اقرب مستشفى …الحادث كان صدمة لاهله …لان عارفينه سواق و يركز و مش من النوع اللي يجري في الطريق …بس وين !! راح التركيز لما صدماته لجين بخبر زواجها …💔
~~~~~~~~~~~~~
نرجعو للحاضـــر…
مرو أسبوعين زيي رمشة العين…
ولجين تتصل ب عبدو و هو مقفل لان هاتفه تكسر في السيارة و هيا مشغول بالها عليه و مش قادرة توصل فيه ، اسبوعين فاتو علي لجين و هيا تفكر في عبدو و في زواجها اللي بعد اسبوعين تانيات…و الاسبوعين هادو هما نفسهم اللي قعد فيهم عبدو في مستشفى اكبر بعد لا نقلوه من مستشفى محصلوش فيه دكتور وقتها باش يركبوله بلاتين…
و اخيراً جي موعد خروج عبدو…
الكل يستنو فيه في الحوش ، اهله من عمامه و خواله والجيران ، طلعوه صحابه من المستشفى وكانو مدارينله جو في الطريق ، العاب نارية و تشليش وجو مش عادي لن خشو للزنقة اللي يسكن فاها عبدو و هما علي هالحال…
أنت تقرأ
روايـة إنقـلاب
Mystery / Thrillerأوّل رواياتي ، واللي كانت بداية مشواري الكتابي في الـ2019 💜.
