•• الحلقة العاشرة والاخيرة ••
#انقلاب…
روايات هدوشة...
خش عبدو على اغنية محلاكي " لي حسين الديك" 🎼…
وكان لابس سروال جينز بيج على سورية حنية بسيطة و حلوة وقص في شعره شوية…
ووصل في لجين ❤…
عبدو: متأكدة انك لجين 😍؟؟
لجين: لا لا اني عبدو 😂
عبدو: 😂😂😂😂😂
لجين: 😂😂🥺
دنيا و دلال مقعمزات جنب بعض و يشوفو ل عبدو و لجين بحسد…
دلال: شوفيهم كيف يضحكوو خزييي 💔
دنيا: ياربيي 😭😭💔
وكملو الحفلة ومشت علي خير ، لبسو الخواتم و قصو التورتة ، المهم دارو جو مش عادي…
روحو اهل عبدو و بعدين اهل لجين والمعازيم…
بعد اسبوع من الخطوبة…
جابت عبير "اخت عبدو" اول مزيود لاها…كانت مدايرة عزومة عشي…البنات لابسات متأنقات…وعبدو يعول هوا و علي والشباب…
دلال: ديري زي ما قتلك باهي 😠 !!
دنيا: به اني ماشية…
طبعن دلال طلبت من اختها ادير اي عملة لعبدو بش اطيحه في مشكلة…
دلال: تعالى عبدو شوية بالله
جي عبدو… : نعم !!
دلال: في صفر بكلاوة في المخزن باللهي جيب واحدة ما عندي جهد و رزين عليا
عبدو: باهي تو نجيبهم هي
ومشي للمخزن اللي ورا الحوش لاكن في نفس السور…
فتحه و خش يدور في البريزة وين بيفتح الضي…
فتحه و انخلع لما شاف دنيا هني…
ودنيا حتا هيا دارت روحها مخلوعة وطاحت علي عبدو "لبست كعب بلعاني بش تلقاها سبلة"…
وبدت تعييط…"علي خو عبدو" كان خاطم جنب المخزن سمع صوت عياط من المخزن و كان واضح ان الضي متاعه مفتوح…خش شاف منظر عبدو كيف شاد دنيا…تعصصصب…
علي: هادي اخرتها يا عبدو 😡
عبدو: ما تفهمش غلط انا كنـ……
قصت عليه دنيا: اي هوا ما خلانيش نطلع من المخزن اني كنت نبي صفرة بكلاوة بس (ودارت روحها تبكي) 😭…
عبدو حدفها علي طول ايده و طلع قربع الباب…
ناضت دنيا و مشت تجري تبكي و قالت لامها و امها عاد ما صدقت روحو عرب عبير البرانيين و ناضت فيهم كريمة "ام دنيا"…
وصارت عركة لا السمي بين فتحية و كريمة…وكيف ولدك يدير في بنتي هكي و هدا غير خاطبينله و و و و …
ومعش تواصلو وحتا علي خو عبدو معش يمشيلهم و زادت دلال عبتله دماغه زاد كره خوه اكتر و اكتر…
طبعن عبدو فهم امه و خواته اللي صار و هما عارفينه ما يديرش الشي هوا لان اصلا خاطب و كانه يبي دنيا راهو خطبها بدال لجين…
أنت تقرأ
روايـة إنقـلاب
Mystery / Thrillerأوّل رواياتي ، واللي كانت بداية مشواري الكتابي في الـ2019 💜.
