عشق قاسم (مكتمله)

الجزء الخامس والعشرين

يقف وهو ينظر له بغضب وقد قبض على تلابيب معطفه الطبى صائحا :يعني ايه يعني.... يعنى هى فاكره الناس كلها وناسيه جوزها.
الطبيب بتلعثم وهو ينظر لمليكه :حضرتك هو ده اللي حصل... عندها فقدان جزئى فى الذاكرة... ناسيه اخر سنة من عمرها.
قاسم وهو يتمسك به ويدفعه يميناً ويسارا:نعم.... انتو بتستعبطوا... اتصرف دلوقتي خليها تفتكرنى.
تدخلت مليكه قائله:لو سمحت ياقايم بيه هو هيتصرف فى حاجة زى دى ازاى... ثم نظرت للطبيب ابن خالتها قائله :ماعلش يا ابيه مازن هو بس متعصب ومش مدرك هو بيعمل ايه.

نظر لها قائلاً وهو يحاول فك قيد قاسم عن تلابيبه قائلاً :ايوه انا ذنبى ايه فى كل ده.... هى دى حالتها.

قاسم بحده:يعني هى دلوقتى فاكره الناس كلها الا انا.
مازن بزهق:يا استاذ بقالى ساعه بقرر كلامى هى ناسيه اخر سنه بكل أحداثها وشخصياتها... ابعتهالك رساله صوتيه مسجله.
ترك قاسم ملابسه فارتد مازن للخلف قائلاً :وياريت ماحدش يحاول يقول قدامها اى تفاصيل عن السنة دى لان ده غلط عليها حالياً.

قبض قاسم عليه مره اخرى بعدما كان قد تركه ولكن بعنف اكبر:نعم يا روح امك.
مازن بغضب:ايه يا أستاذ انت ماتحترم نفسك.
مليكه بغضب:قاسم بيه لو سمحت بلاش سيرة خالتو.
قاسم بغضب:خالتو... ده أنا هبعته لخالتك بفتيك تعمله على العشا... ده اتجنن بيقولى ماعرفهاش انى حبيبها وجوزها.
مليكه بتوتر:م. م.. ماهو ده عشان صحتها.. اه... ولا انت مش خايف عليها.
قاسم وهو يدفع مازن يمينا ويسارا مره اخرى:خليه يشوف حل.

مازن وهو يذهب مع يد قاسم يميناً ويسارا وقد انهارت هيبته امام المشفى كلها :أستاذ قاسم... لو سمحت... كده مش نافع...ثم جذب نفسه ويد قاسم معه ومال على مليكه حد الالتصاق قائلاً :ابوس ايدك انا اتمرمطت قدام الممرضين...خليه يسيبنى بقا.

_ايه اللي بيحصل ده.
صرخ بها احدهم بغضب وهو يرى ذلك المازن يميل على صغيرته بهذا الشكل.
التفتت له وهى تتمنى إلا يكون من بعقلها ولكنه هو تعرف صوته جيدا.

مليكه بخوف:ابيه عامر.
مازن بنبرة بكاء:كملت.
عامر وهو يبعد مازن عنها فجذبه قاسم الذى مازال قابض عليه أيضا :ابعد عنها انت اتجننت.
مليكة :ابيه عامر انا..
قاطعها قائلاً بحزم وحده:حسابنا بعدين مش هنا... سيبتى كليتك ليه.... وايه اللى جايبك هنا.
مليكه :وعرفت منين.
عامر بحزم:انتى هترضى على السؤال بسؤال.
قاسم بغضب:انا فى ايه وانتو فى ايه.

نظر لمازن بغضب:وانت يادكتور البهايم انت.... تشوفلى حل حالا تخليها تفتكرنى.
عامر وقد انتبه للتو لقاسم:قاسم... بتعمل ايه هنا.
قاسم بغضب:مراتى وقعت واتعورت جابوها المستشفى هنا على أساس أنها مستشفى خاص ونضيفه وكده... فا الاقى البيه بيقولى انها مش فكرانى انا بالذات.
مازن :يا استاذ قولتلك م فاكره اخر سنه.
قاسم وهو يهزه بغضب:ايوه ماهى اخر سنه دى اللى انا كنت فيها.
عامر وهو يكبت ضحكاته المتشفيه فى مازن:يا قاسم اهدى بس عشان نفهم... مش كدة... الراجل اتهزء خالص.
قاسم بغضب وهو مازال يحركه يميناً ويسارا :اهدى... اهدى ازاى اذا كان بيقولى حتى أنى ما احاولش افكرها بأى حاجة دلوقتي... انا اللى اسمعه لما حد بيحصل معاه كده يقولو لاهله احكوله عن حياته يمكن يفتكر.... مش زى ما الحيوان ده بيقول.