احلام مدمرة

البارت الاول

هلاوو حبايبي شلونكم جيبو الكم شي تاكلو لان البارت طويل ومليان احداث كاتبتكم المحبة #فضة الطائي

ام حيدر:  حيدر يمة متگوم تجيبلي گيمر ولله يمه كلش مشتهيته

حيدر: اي يمه گايم (رحت ركض ورجعت ركض لان امي من الليل چانت تعالج (تحتضر)  وماتت اكثر من مرة لكن اخواتي صاحن بوجها يعني نگدر نگول صحوه موت) رجعت للبيت شفت خواتي بالباب ويبچن والنسوان ملتمات عليهن ويهدءن بيهن يعني منظر كل حياتي وعمري ما انسى عرفت الوالده انتقلت يم الكريم انتقلت يم الي يرحمها بعد ما عذبها ابويه اشد انواع العذاب دخلت للبيت وضليت اضرب براسي بالحايط وشگگت ملابسي عليه واني ما احس بنفسي وابچي يجوز اكثر من خواتي ابچي واعاتب امي رحت شبگتها وما همتني كل الصوندات الي بجسمها (لان هي چان تعاني من مرض السرطان ومتگدر تاكل فبالمستشفى خلو الها صوندات تودي لبطنها) وكلت الها يمه ما حضنتيني حضنه اخيره قبل من ترحين هو هذا وعدچ الي مو گلتيلي ما اعوفك يمةةةةة گوووووووومي واصرخ بكل علو صوتي
يمه وين عفتيني شنو عفتيني يم الي ما رحمچ شنو يمه هو الچ ما رحمچ تردي يرحم بيه واحضن بيها وابچي اباوع لخواتي بعدهن صغار اكبر وحده بيهن ٢٣ سنه واصغرهن ٦ سنوات واگول يمة ولله اني مو گد هذا الحمل يمة تعالي رجعي يمة بعد منو يحمينه من الضرب بعد منو يحمينه من الظلم يمه انتي چنتي موجوده واحنه ملعوب بينه طوبه من تروحين شيصير بينه ولچچچ يمة كووووومي شلچ بالنومه گومي يمه حبابة بلا شقه گومي يلا گومي يلا يمة اني جبتلچ گيمر مو گلتي مشتهيه گيمر جبتلچ يلا نسرين گومي احمي الچاي وحطي الاكل بالصينيه امچ جوعانه يلا گومي گومي يمةةةةةةةةةة شنو بعد متگعدين يمه انتي مو تخافين من الظلمة شلون تضلين وحدچ مو انتي تگولين ما اگدر بدونكم يلا گومي يمةةةةةةةةةة باوعت لابوي شگ دشداشته گتله شنو ستوك انقهرت عليها من راحت من ماتت گاعد تشگگ بهدومك ارتاحيت ولك شنو تگول لربك بعدهي شباب ٣٧ سنه ششافت من عمرها ششافت منگ غير الاذيه يوميه تجيها باليل سكران وتضل تضرب بيها بلا سبب ارتاحيت من مرضتها وكتلتها كله بسببك روح الله لا يوفقك لا دنيا ولا اخره ماتت هسا مو چنت تگول الها الله يخلصني منچ ماتت هسا خلصت منها صحت بعلو صوتي ارتاحيت واغمى عليه گعدت شفت اختي الصغيرة رغد يمي وتبچي شبگتها وضليت ابچي تمنيت يطلع الي شفتها وگمت اركض بالبيت واصيح يمة وينچ يمه حلمت بيچ حلم مو زين يمه وينننننچ يمة اتآكدت الي شفته صحيح وضليت ابچي اجت اختي الصغيرة بحضني وضلت تبچي سآلتها

_رغوده حبيبتي مما شوكت تجي اباوع الها خايفة وتبچي وياي لان ابچي شبگتها واحچي وي امي يمة گومي بنتچ رغد منو الها وابچي

(هسا ننتقل لبطلتنه رغوده وما ادراك ما رغوده خلي هي تحچي النه معاناتها بذاك الوقت او معاناتها بكل حياتها تفضلي رغوده الچ القلم)
اقنع روحي من #ابجي .... وأكول #الدنيا

#مكضية .....وجهي من #الدمع تعبان

ضاعت كل #معانية.......😔💔
🦋🦋🦋
#رغد

السلام عليكم(لا هلا ولا مرحبا)

انچبي لچ خلي احچي احم احم اني رغد عمري حاليا ٢٨ سنه من محافظه النجف شكلي بيضه ووجهي مدور عيوني وسط لونهن بني فاتح خشمي وما ادراك ما خشمي شوي خشمي چبير هيچ يعني شويه مو هواي بس هو موالم وي وجهي لان وجهي مدبدب راعيه خدود وهذا الي يميزني طويلة مربربه يعني باختصار شكلي موالم وي وجهي بس اووووووف المشكلة الوحيده والعائقة الوحيده الي بحياتي هو مرضي اي نعم مرضي اني مريضة بسنه ١٩٩١ صارت الحرب العراقيه وي امريكا وبهذي السنه اني نورت الدنيا (قصدچ ظلمت) شگلتي لچچ (ها لا ماكو شي) وبنفسها هاي السنه مرضت بيها چان مرضي جدا عادي چانت صخونه عاديه بس باليل

ام حيدر: گوم احمد رغد مدري شبيها مصخنه كولش كولش (گام ابويه وداني لمضمد يمنه چان من ضمن الي شردوا ويانه وضربني ابرة ومن وقتها لحد الان اني معاقة نصفيا من ورا هاي الابرة) فبهاي الفترة والدتي ضلت تراقب حركاتي ابدا ما اگدر احرك رجلي فصار عندي شلل نصفي صحح يگولون مشلولة بس رجليه بيهن دم ويوجعني ويسمنن من يسمن جسمي ويضعفن من يضعف جسمي يعني الي يشوفني يگول بنت عاديه وجسمي مناسق يعني ما بيه عيب عيبي الوحيد انو ما اگدر امشي وبنفس هاي السنه الملعونه رجعنه لبيوتنه من بعد ما شردنه من بيوتنه بسبب الحرب امي ضلت تذب كل دمعه عليه شكبرها بس تريد الي علاج حتى تسوي ودتني للدكتور گال الها هاي تحتاج ٣ عمليات ياله تگدر تمشي وما اگدر اسويهن الها هسا اكدر اسويلها العمليه الصغرى ومو هسا حتى الصغرى خطرة على حياتها هسا لان بنيتها ضعيفه سبحان الله چان ابويه يگول الي من گد ما ضعيفه راسچ بگد راس البزونه عكس هسا (اي ولله صحيح هسا راسچ چنه گدر الدولمة مال يوم الجمعه) شلووون يعني ما احچي ( هاي هي ولله سكتت) طبعا اني چنت صغيره حييل ما اعرف امي مريضة وامي كلما تشوفني هيچ تتعب اكثر وهي تريد بس وسيلة حتى تخليني امشي على رجليه بيهة رجعت ودتني لغير دكتور وطبعا هي مو بس دكتور ودكتورين ودتني الهم لا كومه اطباء  ويوم من الايام وصفوا الناس الها دكتور زين ببغداد حضرتني امي وچان ما عندي كرسي متحرك فتشيلني على ايدها تحضرنه وكملنه ووصلنه لبغداد بعد عناء طويل جدا لان مثل ما گلت ماچان عندي كرسي متحرك وصلنه لبغداد چانت عندي هناك خالتي ف امي راحت الهم واطونه موعد واجه يوم وساعه الموعد من دخلنه للدكتور بعد ما فحصني گال لامي ولابوي

_بنتكم.................

تابعوا احداث البارت الجاي حتى تعرفون الدكتور شنو گال لرغوده واهلها واترككم في امان الله وحفظه

كاتبتكم وصديقتكم
#فہضہهہ  آلطہآئيہهہ😍💙👑