احلام مدمرة

البارت الرابع

هلاوو حلوياتي شلونكم شخباركم ان شاءالله زينين طبعا كل عام وانتم بالف خير حبيت اكون اول من يعايدكم ويارب عيد سعيد عليكم وينعاد عليكم بالصحه والعافيه وتحقيق الاماني يارب لتنسون تصوتون للقصه قبل ما تقرون كاتبتكم وصديقتكم #فہضہهہ  آلطہآئيہهہ
❤❤❤❤❤❤❤❤❤❤❤❤❤

حيدر: يعني فرحان من حرگت كلبي فرحان من صارلي شهرين مگابلك بالبيت واني اشوف اصدقائي كلهم يداومون فرحان من مدرسي الي هو صديقك دزلي ورقة الفصل مالتي واني ما ادري شنو اگللهم ومن غير الغرامه الي راح يغرمونياها عالكتب بيا شرع بيا قانون بيا دين انت تنحسب ابو

فاطمة: يعني لهذا صارلك شهرين كلما اگلك سبيك ضايج تسكت ومتگول ابوي ميخليني اداوم ومتگول فصلوني من المدرسه (باوعت فاطمة لابوي وحچت)

_ عود انت تحچي صدگ حرگت الكتب عليمن على السوالف الي جاي تجيبيها للبيت وتطبب الزلم السكاره على بناتك كافي مو من ما وراك گامو يگولون عليهن گ...اب من گد ما كل يوميه مجموعه شكل تدخلها عليهن خاف من ربك شويه

احمد: لچچ انتي منو گلچ اسكر اني بس ادوخ

فاطمة: هاا بس تدوخ يعني انتي واعي للي تسوي

احمد: ضل يصيح ويغلط ويفشر اخير شي تعب وراح وگبل لا يطلع گال

_ اسممع لكك ارجع بالليل الگه خواتك بالبيت واذا ما لگيتهن قسما عظما اهججك من البيت ما اخليك گاعد بي باوع لنسرين وحچه

_سمعي لچچ ارجع الگه العشه صاير لا ومذبح الحسين متطبين عتبه باب الحوش صيري خوش بنيه وردي خواتچ ورجع لفاطمه وحچه

_گرصي صفحتچ ولتسوين هاي السوالف بعد ترى اخلي رجلچ يخيس بالحبوس وترجعين انتي هم يمهن وطلع ورگع باب الحوش ورا

رغد: طلع وخله خواتي يشيلن رواحهن ويدگنها بالگاع ونسرين ضلت تدعي على روحها وفاطمه تهدي بيها حيدر گال لنسرين

_انتي رجعيهن للبيت اني عندي شغل وكون اطلع للعلوه من الصبح ومالي خلگ ابوچ

فاطمه: لااا لو على گص رگبتي ما اقبل اني اروح لعمي جواد واگله

حيدر: يمعوده خليها سكته هو منو يگدرله

رغد: اختي نسرين ضلت تلم ملابسنه اني باوعت لحيدر چان يغسل لام ستوه جاي من الشغل وگتله

_ اني ما اروح وياهن

_ليش مترحين وياهن

_لا ما اروح (چان عمري بوقتها 13 سنه) اي ما اروح لان اخاف من ابوي ابوي يخوفني

_انتي تدرين ابويه رغم هاي تصرفاته بس هو يحبچ ومتعلق بيچ وميگدر يعوفچ تضلين تسوين مشكله لاختچ

_ لا ما اروح

_يمعوده اني مالي خلگ امشي

_ضليت اصيح وابچي واگول اني ما اروح اني ما اروح چان اجتي نسرين كمشتها من رجلها وگلت الها