هلاو حلويني شلونكم ان شاءالله زينين اعتذر عن الانقطاع الطويل بس صارت ضروف منعتني انو انزل واني ماراح التزم وياكم بموعد محدد للنشر لان هسا داخله على امتحانات وفتره ضغوطات بشكل مو طبيعي وياريت تقدرون ضروفي
كاتبتكم وصديقتكم
#فہضہهہ آلطہآئيہهہ 👑💙
❤❤❤❤❤❤❤❤❤❤❤❤❤
ام بلسم.. الف الف مبروك حيدوري اجتك بنيه مثل فلگه الگمر
حيدر.. الحمد لله والشكر اهم شي تمام الخلقه والاخلاق
ام بلسم... الحمد لله
حيدر.. وبلسم شلونها؟
ام بلسم... الحمد لله زينه شوي ونجيبها بس تضربها ابره
بلسم... الحمد لله الله سهل ولادتي ورزقني ببنوته تجنن وعلى جمالها حبيت اسميها اسم مميز فخطر ببالي اسم ولاء لان ماكو هيچ اسم منتشر بالنجف رغم هواي عارضن حمواتي لان مو اسم ديني رغم هن اطفالهن اسمائهم مو دينيه بس ما اهتميت لان البنت بنتي اني مو بنتهن چانت من اكثر اللحظات الي فرحت بيها بحياتي لان الله رزقني بلعابه مو طفله چانت ولاء مدنفشه وبيضه ومن صغرها عدها غمازه بارزه وچانت عكس كل الاطفال هادئه ومن عمرها يومين تضحك
حيدر.. مثل ما دريتو الله رزقني ب ولاء رغم چانت امنيتي يجيني ولد وخواتي نفس الشي بس سبحانك ربي اجتي ولاء حبوب مهدئة للوضع الي عدنه لان الناس كلهة فرحت بيها واني شخصيا من فرحي بيها ضليت ابچي من الفرح
رغد... من اكثر لحظات حياتي فرحا جيه لولايتي للدنيا چان البيت مخبوص خبص بجيه ولاء لان اول بنت لاخونه الوحيد رغم چانن خواتي يريدن ولد بس مدري شلون سكتن بقدرته تعالى يلا عوفوهن الله يسكتهن
رغد.. چانت جيه ولاء النه رزق بشكل مو طبيعي يعني اخوي اشتره سياره وفتح مجمع وحده خواتي هدئن يعني بشرفكم تصدگون اذا اگللكم صفا بطلت سوالفها ورا ولاء رغم هي ما طولت 6 اشهر وتزوجت
(طبعا راح امشي بالاحداث بسرعه حتى اوصل للقاء الابطال)
رغد.. ومرت الايام والاشهر وماكوو شي جديد اني وصفا طايرين بولاء وابوي ٢٤ ساعه يحضن بولاء من گد ما فرحان وبعدها بأشهر انخطبت صفا چانت خطوبتها تقليديه كللش حتى مو تقلدييه اسولفلكم سالفتها
چان ابوي وابو كرار (زوج صفا) گاعدين بالگهوه وابو كرار گال
.. اگلك خويه اني جاي ادور بنيه حلال لوليدي كرار متعرف بنيه حلال تفيدنه وعلى گدنه
.. وصلت خويه بنتي صفا الكم
.. تسلم يا طيب النه الشرف نناسبكم
رغد.. وصارت الخطوبه بسرعه وچنت كلش مقهوره لان متعوده انام يمها ومتعوده عليها وياي بس صار موقف وياي اثناء خطوبتها خلاني افرح لان راح اخلص منها الي صار
أنت تقرأ
احلام مدمرة
Terrorقصة حقيقية 100/100 قصة مليئة بالغموض قصة تتضمن جميع افرع القصص من حزن من ظلم من خذلان من رعب من انكسار يعني قصة تتضمن كل انواع القصص حبيت انقل هاي القصة حتى البنات الي بعمري يستفادن منها وياكم اليوم الكاتبة #فضة_الطائي وتنقل الكم قصة صديقتنا رغد الم...
