احلام مدمرة

البارت الثالث عشر

هلاوو يحلوين شلونكم شخباركم ان شاءالله زينين طبعا كالعاده احب اشكر الكاتبه ولاء الخزرجي وشي ثاني طبعا هالفتره ولحد بعد اربعينية الامام كلش مشغووله يعني ما اگدر انزل بارتات واذا انزل حسب وقت فرغتي واضافتا الى ذلك الدوام راح يبدي واني هالسنه بكلوريا يعني من كل مكان محاطة بس انزل الكم بارتات قصيرة حتى ما اگطع بيكم لحدد ما تكمل القصة

❤❤❤❤❤❤❤❤❤❤❤❤❤❤

رغد.. فزيت من الصوت القوي رحت الهن شفت بلسم واكفة ومقابيلهة صفا جاي اصيح

رغد.. شبيج شبيج صفا ليش هيج اصيحين

صفا.. لج ملفين وحدة ام السحورة عاميتنة بالسحورة ولج ماكو ركن اذا ماذابة بي سحر

رغد.. عود صدك تحجين انتي ومنين شفتيهن

بلسم.. منو قصدج عود اني الي ذابة سحورة؟؟؟

صفا.. اي انتي يا مامرباية
بلسم..احترمي نفسج اوك احترمي نفسج ولتشوفيني ساكتة الج عود مااسويلج شي

صفا..اي ويابة شنو الي اسوي الي

بلسم..جاوبج يكون يم اهلي

صفا..ههههه همة عاد اشلون عندج اهل ينحطون على الجرح يطيب ههههه خاب كومي

بلسم..اني بعد ماالي كعدة هنة الة مايصير حل اني مو فصلية حتة احصل هيج معاملة ولا اني خدامة حالي من حالج

صفا..بس مو انتي المطلوبة

بلسم..انتي غير لزكتي بهاي الكلمة انتي مامطلوبة وانتي مامطلوبة ليش مارحتي خطبتي لاخوج المطلوبة والي انتي ترديهة لو ماالج كلمة بالبيت وتردين تمشين كلامج علية

رغد..مو كافي بعد صفا زوديتهة انتي خليهة البنية مامسوية شي

صفا..انتي سدي بوزج ومعليج

رغد..ليش معلية مو همزين شايلة حمل البيت

صفا..وغصبا عليهة تشيل حمل البيت وتنضف وتطبخ لعد احنة عليمن جايبيهة غير للشغل قابل تكعد وتتمكيج وتتمشى

رغد..وخزرتني صفا اعرف معنى هاي الخزرة انو حساب كلامج هذا ومدافعتج عن بلسم الهة اذى كبير بأتجهاي وراح اتعنف واتعذب

رغد..انسحبت منهن وكعدت على كرسي وبلسم ضلت مصفصفة وكافة يم الحايط وتتوعد انو بس يجي حيدر اتروح لبيت اهلهة ويكون حسابنة وية اهلهة وصفا تفتر رايحه جاية وتدعي على صفا بالسرطان والموت

لحد مااجة اخوية
حيدر..سلام عليكم

رغد وبلسم..وعليكم السلام

حيدر..كومي رغد جيبلي كلاث ماي بارد عطشان

رغد..اي من عيوني
كمت جبت الة واني كامشة كلبي ومتحضرة للمصيبة الي راح تجي النة