هلاوو چكليتاتي شلونكم شخباركم ان شاءالله
زينين مثل ما گلت الكم اذا صار عندي مجال
انزللكم بارت مفاجئ وهذا البارت المفاجئ
وسويته قصير حتى تمشون بي امركم
ويارب يعجبكم لتنسون التوصيت والتعليق
الحلو مثل وجوهكم صديقتكم وكاتبتكم
#فہضہهہ آلطہآئيہهہ👑💙
♥♥♥♥♥♥♥♥♥♥♥♥♥
ام الخيره: انتي عندچ كرامه من ابو فاضل
بكل شده تلگي واگفلچ وهو الياخذ حقچ من
الي يظلموچ ويحچون عليچ ولله كون على
الي شفته الناس تاخذ منچ مراد
حلا: ولله بلسم تستاهل الكرامه من ابو فاضل
لان مضلومه دائما والناس تتهم بيها بكل
صغيره وچبيره
نسرين: ليش هي منو يمها ومضلومه شو
معززه مكرمه والشغل سوده عليه كله على
صفا وهي گاعده وتخدم عالمسكينه
حلا: اي كلش واضح خلينه ساكتين احنه
بمكان عام
بلسم: حلا حبيبتي اسكتي يمنه عالم غرب
مالنه خلگ فضايح وخواتچ اذا فتحن حلوگهن
(بهمس)
فاطمه: اي ضلي اقري براسها هي اختي هم
ثوله وعربانه رئسا تتعربن امداچ اي ولله
حلا: لا انتي كلش (وگرصتها بلسم وسكتت)
بلسم: حلا اريد اروح للتواليت امشي وياي
حلا: اي گايمه لان الگعده هنا لا تطاق
فاطمه: خلي نوصل للبيت وشوفي شلون افرك
حلگچ من وره هاي سوالفچ هاده على اختچ
من ورا هاي الزبايل
حلا: هاي الزبايل انتي ملفيتها والي يلفي
الزباله يعني هوو وفهمچ كفايه
فاطمه: اذا ما خليت اخوچ ينعنع ضلوعچ اني
مو فاااطمه طايحه الحظ اذا محد يعرف
يربيچ انتي اربيچ ادب سز ما بقه عليه غير
بس هالشكول الجايفه (اسفه عالملافض بس هيچ وصلتني القصه)
بلسم: يلا حلاا تأخرنه
فاطمه: اي روحي وزيها عدل ام السحوره
بلسم: لهنا وما تحملت كافي گلت الى متى
صحت عليها وگلت
_ لا ترى كافي لهنا واگطعي شنو مسويتلچ
سحر سابقا لو بس تعرفين تترهمين عليه اشو
انتي سويتي طلابه من لا شيء مني يمچ منو
حذاچ ليش رئساا نبزتي لو لأن الحچي لصالح
بلسم انگرصتي فوگ ما متحمله اذيتچن
والشغل كله عليه بالاخير اطلع اني المو زينه
فوگ هذا كله بس شسوي الله عالظالم
والچذاب
نسرين: اي طلعي على وجهچ الحقيقي بعد
بعد ما عندچ حچي بس هو صوچ اخوي الي
ملفي وحده گ...ه مثلچ يا سا...ه
بلسم: رحم الله والديچ بالتقرين قران وتصلين
يالتعبدين الله بس يلله هو حضي ويامن گعد
حتى يگعد وياچ
بلسم: طلعت لگيت حلا تخابر من شافتني
گالت يلا الله وياك راح اگللهن يطلعن
بلسم: منو چنتي تخابرين
حلا: چنت اخابر حيدر گتله تعال النه تعبنه
بلسم: يعني لو ما حاچيه چا هذا كله ماصار
عوفيهن يحچن ويسكتن
حلا: 😒😒
بلسم..... بعدها رجعنه وهن گالبات وجوههن
بس ما حچن حتى تعجبت عليهن بس فرحت
همزين عدا اليوم على خير ويا ريته ما عدا
لان چان ينتضرني باليوم الثاني مصااايب مو
مصيبه صبح الصبح هن يبسبسن بيناتهن گلت
خير يا ستار انوب اهلي جابولنه اكل ورا ما
كملن گبت العيطه
صفا: يمةةةةة شنو هذا
بلسم: خيير شكو
صفا: خطيه تسوين نفسچ متدرين على اساس
مو انتي الي سويتي
بلسم: خير شسويت
نسرين:............
طبعا مثل ما گلت الكم هذا بارت مفاجئ
وقصير وحبيت اضيف عليه بعض الاسئله
شنو تتوقعون حيصير بالبارت الجاي؟
تتوقعون حلا شخصيه زينه لو لا؟
شنو تتوقعون حيدر حيتصرف بعد ميسمع
بتصرفات اخواته وهل راح يصير وي خواته لو وي بلسم؟
كاتبتكم وصديقتكم
#فہضہهہ آلطہآئيہهہ 👑💙
أنت تقرأ
احلام مدمرة
Horrorقصة حقيقية 100/100 قصة مليئة بالغموض قصة تتضمن جميع افرع القصص من حزن من ظلم من خذلان من رعب من انكسار يعني قصة تتضمن كل انواع القصص حبيت انقل هاي القصة حتى البنات الي بعمري يستفادن منها وياكم اليوم الكاتبة #فضة_الطائي وتنقل الكم قصة صديقتنا رغد الم...
