احلام مدمرة

البارت السابع

هلاوو كيكاتي شلونكم شخباركم  ان شاءالله  زينين طبعا كلش اسفه لان تأخرت بالقصه بس هستوني حصلت البطله وهذا البارت كلش تعبني يعني انمسح مني اول مره ورجعت كتبته وبعدني ما مكمله الكتابه وتم النشر حذفته ورجعت كتبته ويارب يعجبكم  صديقتكم وكاتبتكم
فہضہهہ  آلطہآئيہهہ
♥♥♥♥♥♥♥♥♥♥♥♥♥♥

ام عبد(جده رغد):  گالو بنتكم مديوسه وعدها تابعه كلش قويه وتتخيل اشياء مموجوده وصايره بيها حاله نفسيه وانطوها غسولات وطين وگالو تبعدوها عن الحزن والخوف واي شي يقلقها وياريت تضلون يمها دائما حتى متئذي نفسها وولله ييمه لو تشوفين شلون انقهرو عليها

زوجه الخال: حقهم يمه حالتهة تقهر العدو شلون مينقهرون

رغد: بصوت ناصي ( ولله يا ربي هو وين تلگه المزاج الزين بهذا القهر بس شنسوي الله عالظالم)

الجده: شگلتي يمه

_لا ما گلت شي

في مكان اخر
*****************************

انس: لك تعال زمال وين وليت

ايهاب: اوگفلي ابن اللذين اريد اروح للتواليت هم تلحگني اللله واكبر على راسك

انس: لا مو عبالي تروح منا منا

ايهاب: اگول اكرمنه بسكوتك

انس:(ضل يقلد ويتماوع بصوته) اووي عابت شنو هل اسلوب

ايهاب: ولله بيك انوثه اكثر من زوجه ابوي

انس: اي اصلا اني مليان انوثه اصلا اني علمت ليلى علوي الانوثه

ايهاب:يعني شلون اضل مگابلك اليوم

انس:(جلى صوته) اي متولي ياهوو كاضك

ايهاب: ادري انت مدبلج كلساع لهجه يلا لك اشططح

                     ايهاب  

بين ما ارجع لهذا الكلب خلي اعرفكم عن نفسي اني ايهاب من سكنه الفلوجه مواليد 1990 يتيم الام والاب بس ابوي عايش (عجبتني هاي الفيكه جديده محد حچاها گبلك) يبووو اخلص من انس تجيني هاي (يلا كمل كمل) اي امي توفت من ولدتني وابوي تزوج جوارينه الي هي چانت صديقه امي بس هي چانت مخليه عينها على ابوي من امي چانت عايشه ف من توفت امي ضلت دائما تجينه للبيت علمود تلفت انتباه ابوي وتمثل هي تهتم بيه لحد ما جذبت انتباه ابوي (ووگع بالفخ) انچبي (😒) اي عموما  اكيد هسا تگولون انت من وين تعرف هاي المعلومات هذني المعلومات كلهن جدتي (ام امي) مسولفتهن الي وشكليا اني جدا جدا وسيم  اني طالع لأمي لان امي اصلها كرديه وشكلها يمممملخ (احچي عدل) ولچ انتي شنو گاعدتلي على الحچايه (😛😛) ضمي لسانچ خلي اكمل اي عموما امي جميييله بشكل مو طبيعي لان تعرفون جمال الاكراد شنو اني بعائلتي رغم صغر سني بس چان عندي طول وجسم نهائيا مو لعمري يعني دائما من يشوفوني يگولون انت مستحيل عمرك ١٨ لان بوقت تعرفت على رغوده چان عمري ١٨ او ١٩ سنه بس بيني وبينكم الموقف الي تعرفت بي عليها ابد مو مال تعارف مال دگ ولطم

انس: لكككك وين صرت

ايهاب: اي اي اجيت

انس: اگلم شنو رايك نروح للحبانيه

ايهاب: خطيه تدري بسعودان يرضه وحتى اذا رضى اروح سجودان مترضه

انس: هم شلون ثنين سجوده وسعد

ايهاب: الثنائي المرح يلا لك وصلت للبيت روح تدعبل لبيتكم 🤣🤣🤣

انس:  گبر شلون صاحب بس صدگ گول لابوك على الروحه بلكت يقبل

ايهاب: يلللللا لككك تدعبل ميخالف اگول اله

ايهاب:  كالعاده دخلت للبيت تلگتني سجوده من الباب بالصياح

سجوده:  لا هلا ولا مرحبا صارت زحمه من شرفت استاذ هوبي شنو رأيك اصبلك الغده وامرغلك رجليك وافرشلك وتنام بس هو انت مثل امك الساقطه

ايهاب:  بداخله چنت اتمنى عندي ام تگول الي نفس الكلام بس بحنيه وخوف عليه مو تقلد عليه بس من شفتها حچت على امي ما ادري شلون رديت عليها وطلع مني الكلام لان اني عندي امي خط احمر رغم ما مدحگ الها بس بالصور زگحت (صحت) بوجها وگلت

ايهاب: لا ولله مو امي الساقطه الساقطه الي تلتف على رجل صديقتها وتاخذه منها

سجوده:  لا يا ادب سز يا گ... د شنو اني خطافه زلم اني اعلمك

ايهاب: اني من گد الضرب والاهانه صار عندي ضعف بالشخصيه يعني من واحد يحچي عليه لو يضربني (من اهلي) ما ادافع عن نفسي

سجوده:  عسا الله يقصف بعمرك اي ولله تعبتني لا شغله ولا مشغله وبس اكل ونوم يلا روح نضف يا خنيوه(عديم الشخصيه او طرطور بلهجتنه)

ايهاب: ماچان عندي خيار غير بس اروح انضف وهي مخليه بناتها واولادها گاعدين و اني انضف الهم يعني بحيث حتى الاكل اني اسوي ومن غير الشغل خارج البيت اني اشتغل بمطعم وحتى مو بمحافظتي اشتغل ببغداد شيف بمطعم صديق ابوي يعني اروح من الصبح ارجع العصر يعني من يمكم تخيلو التعب شلون ومن ارجع هم محد يرحم بحالي

سعد(ابو ايهاب): لك ادبسز شلون تغلط على امك وتضربها متستحي طايح الحظ شكم مره اگول كبر بعد ما اضربه بس انت ينراد الك تربيه من اول وجديد وهجم على ايهاب ضرب بكل قوته

ايهاب: شگد تمنيت يطلع الحچي من لساني وارد على ابوي وادافع عن نفسي بس ما گدرت لان هجم عليه وضل يضرب بيه تگول متحلفلي ومنتضرها حتى يضربني بس اني برغم هذا كله ما رديت ودافعت عن نفسي لان ممكن ارد بوجه اي شخص بالكون الا ابوي وضل ابوي يضرب بيه بوكسات وين ما تطيح تطيح وهي واگفه يم الباب وتضحك هي وبناتها

في مكان اخر
🖤🖤🖤🖤🖤🖤🖤🖤🖤🖤🖤🖤🖤

رغد: بعد الي شفته ببيت اختي قررت ارجع لبيتنه لان ما اتحمل بعد رجعت لبيتنه ومرت الايام والسنين واخواتي نسرين وتغريد وحلا تزوجن وصفا هم رجعت لبيتنه الي هو بيت امي يعني بقينه بالبيت بس اني وصفا واخوي وابوي لحد ما بيوم اخوي جمعنه كلنه وگال النه

حيدر: اني جمعتكم كلكم اريد اگللكم شغله

فاطمه ونسرين وحلا وتغريد: گول خويه

حيدر: اني..........

ولهنا ويخلص هذا البارت ويارب يعجبكم وطبعا ردت انشر صور الابطال بس لان جهازي هواوي مينشر صور بالواتباد ف كلش كلش اسفه وطبعا لتنسون التصويت والتعليق الحلو مثل وجوهكم كاتبتكم وصديقتكم

#فہضہهہ  آلطہآئيہهہ 👑💙