هلاوو نوتلاياتي شلونكم شخباركم ان شاءالله
زينين طبعا وبكل بارت لازم اعتذر منكم
علمود التأخير بس تعرفون محرم وهواي
شغلات و ان شاءالله التنزيل راح يصير كل
يوم احد وثلاثاء وخميس وجمعه وسبت
عطله واذا صار عندي مجال انزللكم بارت
عاتي كولش عاتي وها صدگ نسيت اگوللكم
عظم الله اجركم ب استشهاد الحسين
واصحابه وسبي اهل بيته صديقتكم وكاتبتكم
#فہضہهہ آلطہآئيہهہ
حيدر: اني اريد اتزوج
فاطمه: گلووووش يوم السعد واشوف اخوي
عريس وافرح بي گلووووش
حيدر: الله يطول بعمرچ وتشوفين جهال جهالي
فاطمه ونسرين: اخونه خوش اخو يستاهل
الهوسه وهاي الرادهة وهاي التمناهة بنت
الشيخ لابن الشيخ جبناها
حيدر: اوگفن اوگفن بعدنه ما گلنه حلال هواي مستعجلات انتن
نسرين: من فرحتنه يا بعد گلبي
رغد: چان الخبر صدمه بس بنفس الوقت من
اكثر الاخبار الي فرحتني بحياتي لان ضلينه
اني واختي صفا وحدنه وبيبيتي الله يرحمها
مللتنه من عيشتنه لان ضلت يمنه اسبوع
جزعتنه تجزع لان هي مچانت ترغب النه
چانت تحب اولاد خالي احمد اكثر من عدنه
يعني ما عولنه يخلص هالاسبوع الاكشر حتى
نرتاح بس خبر زواج اخوي نسانه الاسبوع كله
اكيد اغلبكم يعرف الفرحه شنو من اخوچ
الوحيد يقرر يتزوج وخصوصا اذا مستقبلا
تصير زوجه اخوچ اختچ واكثر وتصير اكثر من منقذه الچ وچانن خواتي كل وحده حاطه بنت براسها حتى تخطبها لاخوي خلي اسويلكمياها على مخطط وتعرفون شلون
فاطمه (تريد) سراب بنت خالي
تغريد(تريد) مروه بنت خالي الثاني
نسرين(تريد) سها بنت حماها
احمد ابو رغد(يريد) رشا بنت عمي علمود فلوسها
حيدر(يريد) ابتسام بنت اقاربنه
بس سبحان الله ولا وحده صارت لأخوي لان
سراب ما خطبناها ومروه هم ما خطبناها
وسها هم وابوي تكلم وي عمي علمود رشا
أنت تقرأ
احلام مدمرة
Terrorقصة حقيقية 100/100 قصة مليئة بالغموض قصة تتضمن جميع افرع القصص من حزن من ظلم من خذلان من رعب من انكسار يعني قصة تتضمن كل انواع القصص حبيت انقل هاي القصة حتى البنات الي بعمري يستفادن منها وياكم اليوم الكاتبة #فضة_الطائي وتنقل الكم قصة صديقتنا رغد الم...
