احلام مدمرة

البارت الثاني

هلاوو يحلوين شلونكم لتنسون تصوتون للقصة قبل لا تقرون وشاركوا القصة كاتبتكم وصديقتكم
#فہضہهہ آلطہآئيہهہ
♥♥♥♥♥♥♥♥♥♥♥♥♥

الدكتور:بنتكم ان شاء الله عدها تحسن لان جاي اشوف رجليها بيهن مناعه مو مشلولات وان شاء الله نهاية ال ٦ سنين نسوي اول عمليه الها امي فرحت وابوي فرح وامي ضلت تبوس بيه وتبچي وابوي هم يبچي ويگول يبويه بعد ما اشوفچ تزحفين گبالي يبويه راح اشوفچ حالچ حال خواتچ واني صح طفلة بس من شفت اهلي فرحانين فرحت على فرح امي وابوي وابوي ضل شابگ امي وهو وامي ضلو يبچون ويگول

_بعد منشيل هم راح تصير رغوده زينه

(ابوي صح عذب امي هواي بس چان يموت عليها يحبها حب كارثه بس هو من يشرب السم يأذيها ويضربها وكلشي يسويلها من يضربها چانت تعذره لان تدري بي مو بوعيه وامي هم كلش تحبه)

رجعنه بيومها لبيت خالتي دخلنه تقريبا وي اذان المغرب چان خالتي تتلگه امي وتگول

_متگليلي ليش شايلتها على متنچ بنيه شكبرها شايلتها على متنچ

_متشوفيها متگدر تمشي ولا تتحرك شلون ما اشيلها وهي ما عدها كرسي متحرك

_يمعوده دعوفيها ليش شالعة گلبچ بيها

(امي چانت كلش حبابة وهادئه بعكس خواتها وخواتي حتى صحيح هسا تگولون لان امها هيچ تگول بس كل وحده بينه عدها امها اعظم ام بالكون بس مستحيل تصير مثل امي لان امي چانت فقيرة كولش شلون يگولوها اهلنه مگروده كولش) امي من شافت خالتي هيچ حچت وقهرتها گالت الها

_ اگوم اصلي احسن

_يا ام حيدر زعلتي اني غير لمصلحتچ ادري بيكم فقراء (چانو الناس كلها تعيرنا بفقرنه حتى اقرب الناس النه خالاتي يعيرنه بمعنى احنه ما چنه فقراء چنه احنه كولش اغنياء يعني چانن خالاتي كلما يستلم ابوي راتب يجن يتغدن افخم غده ياكلن الاكل الي يتحسرن عليه ببيوتهن عدنه بس ابوي يضل يخلصه على الزقنبوت الي يشربه وتضل الناس تطرد بينه)

(اقوال الناس)= ايمان اخذي بناتچ وروحي احنه عدنه اولاد ومالنه خلگ ابوهن السكير لو خلي بناتچ يروحن يم ابوهن وانتي ضلي هنا ارتاحي شوي من الفگر ولا چن الناس من يقبض راتب تضل محيحه (مستقره) عدنه وامي متگدر تعوفنه وحدنه يم ابوي لان تگول سكران وميدري بروحه شيسوي وخاف يأذيچن وانتن بنات امي ترجع ويانه للبيت (نرجع لخاله رغد)

_اگلچ ايمان انتي تضلين يمنه موو

_ هاا ما ادري اشوف احمد شيگول ياله

_ عفيه ايمان اذا تباتون گولي لاحمد ليشرب گدام اولادي لان رجلچ يستودن من يشرب

( طبعا اكو نوعين من الي يشربون نوع من يشرب ينام ونوع الثاني يضل يضربويكسر ويصيح ابوي من النوع الثاني)