حلمي انت ~

الفصل الثاني عشر

شهاب: طيب.........اسمي الكامل شهاب الدين محمد المصطفى عمري ٢٢ سنة
عندي ٣ اخوات ٢ متزوجات و وحدة
اصغر مني طبعا دا تعريف مختصر عن
نفسي 😅
ليلى: أوووو..... تعرفك دا summary
ما جابوا😂
شهاب: الظرافة دي وين من قبيل يا بليل😂
ليلى: هه......... المهم دوري.........اسمي الكامل ليلى عبد الرحمن على عمري ٢٠ سنة عندي أخوين تؤام ولد وبت اصغر
مني و على الحظ كلنا عزابة😂
قعدو يتونسوا قبل ما يدق تلفون شهاب
استأذن ليلى و قام مشى الحمام

شهاب: الو.........شنووو ياا مالك😠
(....): انت عارف انو رُجالنا اتقبض
عليهم....... و الاسطوانة اختفت
شهاب: شنوووو....... الزفت ديل انت عارف لو ما لقيتو الاسطوانة دي ممكن
نعدم كلنا.....😬
(....): قالو ختوها في شنطة بت لمن
اتلاحقوا
شهاب: ماف فايدة منكم انا بتصرف
اقفل و اختاني عليك الله قرفتوني 😬
قفل الخط غسل وشو و مشة لي ليلى

شهاب: بعتذر منك.......اتأخرتا😊
ليلى: عادي بتحصل 😅
قعدوا ساكتين ليلى لاحظت انو متوتر
و سرحان وقفت على حيلها

ليلى: انا بمشي اطلب الأكل....
شهاب: شنو انا العازمك انا البمشي تعالي اقعدي
ليلى: انا البمشي......
هنا قام مسك و مشة قدامها

شهاب: ارح مع بعض طيب 😉
هنا ليلى جسمها تقل ولو رمش ساااي ممكن تدوخ و قلبها دا اشتغل الجزيرة
مدني نمرة اتنين ( حرامي القلوب تلب وانا في نومي بتقلب😂)
مشة معاهو طلبوا الاكل و قعدوا اكلوا
و ليلى ما قالت ولا كلمة شهاب حاسي
بيها و بتبسم سااااي😂
اكلوا و مرقوا و دا كلو ما قالت ولا كلمة
وصلها البيت و قبل ما تقفل الباب

ليلى: ما عارفة اشكرك كيف.......
شهاب: العفو.......
دور و فات، ليلى اول ما دخلت امها
اتخلعة

سوسن: ليلى دي انتي......؟😨
ليلى: اي يا سونتي..... لي في شي؟!😕
سوسن: من وين القشرة دي؟؟
ليلى: قصة طويلة......
زينة ما كان جات لسا اول ما دخلة لقت ليلى مدياها ضهرها فأفتكرة انو ليلى ضيفة

زينة: السلام عليكم....
ليلى: اخيييرا جيتي 😒
زينة: ليييييلى😨
اول ما شافتها لمن اتهجمة

ليلى: خييير 😒
زينة: اللبسة السمحة دي ما شفتها😁
ليلى: اللهم انتي الخيير
سوسن: هاااا دكتور احمد قال شنوو؟؟
هنا زينة اتذكرة انو لازم ما تكلم زول بالمهمة

زينة: لا لا ما قال شي بس عن الدرجات و كدا
سوسن: الحمد لله........ المهم امشو غيروا و تعالو

( هنا في محل تاني )
شهاب وصل بيت كدا ماف بيوت كتيرة وهو برا الزلط
نزل و دخل البيت لمن دخل قعد في الكرسي و استلم ليك الكلام

شهاب: خييير قرفتوني معاكم اهااا لقيتو اثر للاسطوانة 😠
راجل: والله...... لحدي اللحظة ماف اثر ليها و........و.... واحد من الرجال اعترف بي مكان المخزن
شهاب: غيرو محلوا بس........الا افكر ليكم😒
(.....): نسيت حاجة مهمة !
شهاب عرف الصوت و أتلفت سرعة لقة راجل مخيف قاعد يعاين ليهو بي طريقة موحشة

شهاب: ما خايف منك😑
(.....): لا ما تخاف عارفك أخطر مني.......بس انت نسيت حاجة مهمة😏
شهاب: الاسطوانة......عارف😒
(.....): ايوااا......بس ما عارف المصيبة النحنا فيها انتبه في زول مراقبك 😶
شهاب: زول مراقبني!!😕
(.....): انتبه بس عشان سلامتك😶
شهاب ما احتمل الموقف ضرب الكرسي و قام مشى و ركب العربية و ساق بي سرعة

( اسفة على التأخير بس يا دوب
عرفته انو ما نشرتا الفصل الا هسي😂😂 معليش )
( خليكم قراب عشان البارت الجاية
اسي)