رجعو البيت و هم مبشتنات بشتنة 😂
سوسن: حمد الله على السلامه........ بسم الله ما لكم يا بنات خلقتكم دي كدا😨
ليلى: قصة قصيرة ولا طويلة بعدين بحكيها ليك سووونتي
زينة: ضروري الفضيحة دي
سوسن: خلاص يا بنات امشو غيرو و تعالو احكو لي
بعدها مشو غيرو و استحمو و اخذوا راحة شوية قبل ما تندهم امهم للغدا نزلو و قعدوا
لقو ابهم قاعد و زين برضو
عبد الرحمن: اها يا بنات أن شاء الله تكونوا لقيتو الدايرين في السوق
زينة: والله يا ابوي نقول الحمدلله
سوسن: اها ما قلتو لينا شكلكم داك بسبب شنو!😕
ليلى: انا حاحكي ؛ اول شي لمن ما لقينا الحاجات الدايرنها في عفراء قلنا نمشي
السوق الشعبي و هناك في واحد زبونة عندو محلو ببيع طرح و أقمشة حلوة يلا
لمن دخلنا المحل لقينا الناس دي جايطة و فجاءة في راجل كدا غريب جا ضرب
زينة و وقعت و انا مشيت ليها و قعدتا جمبها عشان ماف زول يقع عليها
عبد الرحمن: يا ساتر مالو هو كان في شنو؟
ليلى: والله شكلو حرامي لانو الشرطة كانت وراهو
سوسن: و انت يا زينو عملتا شنو؟
زين: والله مشيت اشترية لي كم قميص و بنطلون
ليلى: ايواا .... زول الجامعة يااا😂
عبد الرحمن: يلا يا شباب امشو جهزو حاجاتكم و نومو بدري يلا سلام عليكم
كلهم: و عليكم السلام
كلهم مشو غرفهم ليلى قاعدة الباب دقة عارفها منو
ليلى: خشي يا بت امي
زينة: كيف عرفتي 😶
ليلى: ما تسألني اها عايزة شنو؟😑
زينة: دايرة أسألك اصحا بكرة الساعة كم ؟
ليلى: نومي ساااي اول محاضرة الساعة 10
زينة: تمام
زينة رجعت غرفتا هي زاتة باب غرفتها دقة
زينة: اتفضل
زين: صحيتك
زينة: لالا اصلا ما نومتة... عايزة حاجة
زين: اي عاوزة استشارتك
زينة: طواااالي في شنو يا الاخ
زين: في هدوم بكرة ما عارف البس شنو😓
زينة: مااف اي مشكلة ارح
اختارت ليهو لبسا حلوة كدا ( بعدين بوصف ليكم اللبسة)
و مشو نامو
الصباح:-
سوسن دخلة غرفة ليلى و بتصحي فيها
سوسن: يا بت قومي الساعة 9 ونص😦
ليلى: ياااخ لسا فضل نص ساعة
اخذت ليها سكتا و قامت نافضة البطانية و جري على الحمام وشي هدوم
و شي طرح
مرقت لقت زينة قاعدة و متجهزة
زينة: حمد لله على السلامه 😂
ليلى: زفتة لي ما صحيتيني😠
زينة: صحيتك لكن ما قومتي
زين: خلاص جهزتو نمرق
ليلى: ثواني
ليلى رجعت غرفتها و قعدت مسافة
سوسن: البت دي سجمانة خلاص ... اصلو ما بتخلى عادتا
زينة: الخلا عادتو قلت سعادتو😁
سوسن: يا بت امرقي ما تعطلي اخوانك
ليلى: خلاص جيت اصلو الزول ما يجيب تلفونو😒
زين: نتوكل
سوسن: الله يفتحا عليكم يا اولادي و يحفظكم .... يلا ربنا معاكم
مرقو على الجامعة
يتبع .......
أنت تقرأ
حلمي انت ~
Novela Juvenilقصة سودانية بتحكي عن تلاتة اخوان كلهم في الجامعة ، بتين و ولد عايشين عيشة عادية هل ممكن حياتهم تظل زي ما هي ولا يمكن تتغير كل شي في القصة .
