حلمي انت ~

الفصل السابع

( اسفة على التأخير طبعا الليلة
حأعوضكم زي ما وعدتكم يلا نواصل)

ليلى لقت الاسطوانة و مهجومة دخلتا تاني عشان قالت يمكن زول ختاها بالغلط نامت و هي ما فاهمة حاجة.
الصباح صحوا و كل واحد اتجهز و مرقوا الجامعة
جامعة زينة:-

زينة مشة الجامعة لقت الناس المعاها ماف سرعة مشة على القاعة لقتهم قاعدين
زينة: سلام عليكم خير في شنو😓
روان: و عليكم السلام ماف اي حاجة الدكتور قال عايز يدخل بدري بس😅
زينة: اهااااا
شوية و الدكتور دخل زينة كانت واقفة
وسعوا ليها عشان تقعد

الدكتور: صباح الخير يا شباب😇
زينة هنا انتبهت للدكتور و شوية
الدكتور: ...طبعا امبارح ما دخلتا ليكم عشان جيت متأخر عشان كدا ما قدرتا
اديكم جاحة😞
زينة هنا العبرة خلاص خنقتها لانو الدكتور طلع هو نفس الولد حق امبارح

زينة: دااااا الدكتور😨
روان: اي...... لي الهجمة😕
زينة: دا.......دا الولد الأمبارح عاوزة أسالو من اسمو......😓
روان: معقولة..😶
زينة: والله العظيم

الدكتور كان ساكت و بعاين لي زينة بي
نظرات عجييييبة😂😂

الدكتور: اسمي الدكتور أحمد الحوتي وانا حأدرسكم قسم وباقي الدكاترة
حيشتغلوا معاكم
واحد من الطلبة قال بي صوت عالى : انت قدرنا .
طبعا ابتسم ابتسامة جانبية خطيرة 😂

الدكتور: ايوااا انا قدركم عمري ٢٤ سنة وأنا ما دكتور انا لسا طالب في التدريس و السنة دي اخر سنة عملية لي يلا انا الليلة حأديكم مدخل المواد الحتقابلكم تمام
بدأ يشرح في حاجات بسيطة و لمن لقى التفاعل حلو عجبوا واكتر شي إتكيف ليهو انو زينة بتشارك كتيير

الدكتور: يلا يا جماعة ما عايز اردمكم من اول محاضرة ،و عجبني حماسكم جدا اتمنى يستمر لمن نهاية السنة، يلا
في آمنة الله😊

مرق الدكتور و الطلبة كلهم مرقوا الدكتور قام استنى زينة لمن تمرق لقاها ما مرقة دخل القاعة لقاها بتكتب

الدكتور: انسة زينة مالك قاعدة هنا الناس كلها مرقة😓  
اتهجمت و قامة قفلة الدفتر الكان بتكتب فيهو

نقيف هنا و نمشي لي ليلى:-

ليلى مشة الجامعة عادي اول ما خشة من الباب لقة الشلة قاعدة مشة ليهم و قعدت.
قعدو يعلقو في الماشي و الجاي لمن دخل ولد كدا خلاهم كلهم يتكسرو فيهو
جاء سلم عليهم و كلهم ما مصدقين لمن ليلى و سلم عليها

شهاب: اوووو ....بليل خبرك 😁
ليلى: ليل اليقطعك اسمي ليلى😬
شهاب: عارف بس ندلعك شوية😅

كل الشلة مهجومة و في نفس الوقت متغاظة لانو الولد دا عبارة عن زول منزوع المشاعر اتجاه البنات
بعد مشى مها جرت ليلى

مها: بتعرفي من وين😨
ليلى: من فترة
ريان: كيف اتعرفتو عليك الله
ليلى: لي انتو مهتمين بيهو كدا ؟😕
اسماء: انتي بتهظري الولد دا اصم و ابكم مع البنات 😢
ليلى: اشمعنة معاي لا😒
مها: حظك كدا احمدي ربك
ريان: يا بنات ارح المحاضرة 😶
اسماء: اي ارح

مشوا و دخلو القاعة لقوها كلها شكلة بين البنات في محل واحد

ليلى: مالم ديل😕
مها: شكلو الولد داك حيقعد هنا
ليلى: لي هو ولد ولا ضبيحة عشان العدد دا كلو يتشاكل 😂
اسماء: تقولي شنو😂

بعد الشكلة ديك خلاص قعدو شوية وجاء شهاب داخل لقى الناس بنات على اولاد حاجزين ليهو المحل طبعا دي اول سنة يخلطوا فيها الجامعة عشان كدا هو مستغرب شويتين.
عاين لقى محل قدام و واحد في النص و اتنين وراء عاين لمن لقى ليلى قاعدة في الطرف طوالي قعد في القسم القصادها بطرف .

شهاب: كيف يا بليل😜
ليلى اتهجمت لأنها اصلا ما انتبهت ليهو لمن جاء بعد .

ليلى: بسم الله الجابك شنو؟!
شهاب: اعمل شنو الإدارة خلطتنا😅
ليلى: ما قصدي كدا قصدي لي جيت هنا تحديداً 😑
شهاب: يعني ما نقعد جنبك يا بليل😉
ليلى: لالا عليك الله تعال نوم فوق الدرج حقي بالله 😒
شهاب: ما عندي مانع 😂
ليلى: يا ود انت جنيت والله انت ما طبيعي 😶
شهاب كان عايز يقول حاجة قبل ما يجي الدكتور داخل ونها الحوار اذا
اعتبرنا دا حوار.

يلا يا جماعة عايزة منكم طلب صغير
ارجووو نشر الرواية