حلمي انت ~

الفصل الثامن عشر (٣)

مرا شهر و الجامعات شغالة و كل زول في محل ، زينة كانت متوقفة البحث
عشان تقرأ لمن يوم احمد ناداها على
المكتب

احمد: هااا زينة بشري......في اثر
زينة: والله يا دكتور احمد ماف......
والله لي شهرين بدقق و ماف زول
مشتبه 😔
احمد: مممم......معناها الزول دا في
قسم تاني 😶
زينة: انا ما بقدر افتش في كل الاقسام
+ ممكن نعمل مجموعة لانو نحنا بس
ما حانقدر نلقاهو ابدا😕
احمد: زينة........ما ممكن نخاطر بالموضوع لانو لو اتكشف ممكن يقفلوا الجامعة😠
زينة: معليش على السؤال بس انت لي متحفظ على الموضوع كدا؟؟😕
احمد: ما بقدر اجاوب........عندي لازم امشي
مرقة زينة طوالي و مشة القاعة

في مكان تاني في الجامعة:-

(.....): الزولة دي عاوزين نعرف كل المعلومات عنها
الراجل: و المقابل يا كبتن 😏
(.....): هااااك........بس جيب لينا المعلومات سريع😠
الراجل: خليها علي😏

نمشي لي شهاب :-
شهاب كان قاعد في شارع النيل و مرجع الكرسي لي ورا شوية و جاتو مكالمة من
ميناس

شهاب: دي مالها........الو........تمام😑
ميناس: شهوبي انت قاعد في البيت 😶
شهاب: تقريباً.......لي😕
ميناس: انا ومامي جاين عندكم الليلة😍
شهاب: اهلا و سهلا 😓
ميناس: تسلم......يلا باااي😘
قفل الخط وهو مصدوم لانو امها ما بتحب تجي عند الناس ابدااا في سبب
عدل الكرسي و دور العربية و ساق على
بيت حبوبتو
وصل هناك لقة البيت مرتب و الاكل جاهز و حبوبتو و رغد لابسين لبسات
رسمية

شهاب: من وين عرفتو فلانة جاية😶
فايزة: كيفن ما نعرف و هي داقة في التلفون عشرين مرة 😒
رغد: يا ربي جاية لي شنو امها😓
شهاب: والله السؤال دا زاتو الواقف فيهو
شوية و الجرس دقة الحارس فتح الباب
دخلة عربية (برادو) اخر موديل و التظليل
و الحركات وقفة خشم الباب نزلة منها
وهم يسوو كدي👋.
دخلو جوا و سلمة على الحبوبة و رغد
بي طرف اصبعاها لمن جات لي شهاب
حضنتو اما امها ما سلمة زاتوو .
قعدوا و كانو ساكتين لمن بتها فتحة
موضوع

ميناس: شهوبي كيف مع الجامعة😘
شهاب: تمام الحمدلله.......😓
ميناس: بس شكلك تعبان....😔
شهاب: والله ما اكذب هي متعبة بس
بعدين برتاح 😶
ميناس: كيف و لسة راجيك شغل😏
شهاب: الشغل راحة بالنسبة لي😐
ميناس: طيب ما فكرتا تخلي القراية لي
اي سبب 😉
شهاب: كيف يعني.......اي سبب زي شنو؟؟😕
سلمى: يااااخ بختصر الموضوع عاينو انا عايزة شهاب لي بتي دي 😤
كلهم:.............
فايزة: نعم...........هو لسة ما كمل قرايتو
عرس شنو العليهو......😠
سلمى: ما ضروري يقرا عندو شركات ابوهو و لانو الوريث الوحيد لازم يمسكها من بدري 😏
فايزة: و الدخلكم شنو في الموضوع 😬
سلمى: عاوزين نوحد شركاتنا و كدا حنبقا المسيطرين على السوق في كل
البلد و يمكن الشرق الأوسط و ما بنقدر
طالما الوريث ما مننا 😈
ميناس: شهوبي الله يخليك وافق...😢
شهاب كان ساكت ما ادا أي ردة فعل لكن حبوبتو حسمة الموضوع

فايزة: عاينو نحنا ما عندنا ولد ولا بنت بخلي القراية انا قرية لمن خلصتا جامعتي لمن حفيدي الوحيد يخليها
.......بلا عرس بلا كلام فاضي😬
سلمى: يا حجة ما انتي البتقرري......اها يا شهاب قلتا شنو....😏
هنا شهاب قام و نفض بي زعل

شهاب: ماف زول يطول لسانو على حبوبتي.......ثم تانيا انا ماف زول بحدد
لي متين اعرس ولا مفكر زاتو اسيي...
و لمن افكر بكون يا اشتغلتا أو اتخرجتا
وانا خاتي وحدة في رأسي غير كدا ماف
......ولو تكرمتوا اذا جاين لي بيتنا
عشان كلام زي دا نجوم السماء اقرب😬😠
ميناس: شهوبي لكن......😧
خلها وفات ساق عربيتو سلمى و ميناس
طوالي قاموا هما كمان اتخارجو

(الموضوع سخن ولسة خليكم
قراب عشان النار ولعة اسي😈😈 )

( يتبع......)