حلمي انت ~

الفصل الخامس

معليش حأنشر الفصلين ديل
واحتمال كبير ما انشر ليكم لي
فترة بس استحملوني شوية
يلا نكمل😁

الولد: دي شنطتك ....؟
زينة: ا....ا....اي
الولد: هاك...... تاني ما تنسيها عشان ما
تتسرق أو تفقديها😇
زينة: والله ما عارفة اقول ليك شكرا
كيف😥
الولد: ولا يهمك ..يا زينة صح😉
زينة: كيف عرفتا اسمي 😨
الولد: معليش كان لازم افتح الشنطة و افتش عن البطاقة حقتك عشان اعرف
حقت منو😅
زينة: اهاااا ..... لالا عادي ماف مشكلة
الولد: يلا ... لازم امرق ارح اوصلك معاي
تحت (نسيت اقول ليكم انو الجامعة طوابق و هم في الطابق التاني.)
زينة: لالا ماف مشكلة بنزل براي
الولد: يا بت ارح ما تخافي مني😕
زينة: لا ما خائفة منك بس عشان ما ازعجك😣
في اللحظة دي مسك يدها براحة و قلب على جهة الباب زينة جسمها برد لكن ما أظهرت اي شي قدامو وصلو الممر و نزلو مع بعض و قبل ما يوصلوا الطابق الاول فكة يدها
الولد: اسف بس كان ضروري عشان اوريك اني ما حأذيك 😊
زينة هنا ارتاحت للولد دا شديد و حسة بي شعور غريب شوية عليها .
وصلو تحت زينة لقة روان و رهف منتظرنها
الولد: ديك صحباتك؟
زينة: اي لي السؤال!
الولد: لالا ولاشي ....يلا مع السلامة👋
زينة: الله يسلمك
بعد مشى بي مسافة زينة اتذكرت انها تسألو من اسمو بس ما قدرة تحصلوا
روان: زينة... يا بت مالك 😧
رهف: الولد دا سرق منك حاجة ... نبذك .... عمل حاجة عشان اكسرو ليك😠
زينة: لالا ما عمل حاجة بس كنت عايزة اسالو من اسمو
رهف: اوووو.... في ريحة انبراش بي جاي😏
روان: من اول يوم يا كافي البلا
زينة: بطلو
رهف: يخوانا الأنبراش الأنبراش بي جاي انبراش ما عادي بي بكية كمان😂😂😂
زينة: اختوني بالله😠✋
مرقت زعلانة لحقوها و قعدو يتعابطو
و يضحكو فيها لحدي ما سامحتهم
نرجع لي ليلى:-

ليلى قضة اليوم عادي و ضحك و عباطة
زي ايام الثانوي و المحاضرات انتهت بدري عندهم و مرقوا كلهم سوا
و هم على الباب خلاص ليلى و قفت عشان تطلع البطاقة للحارس في ولد ضربة بالغلط و وقعت البطاقة نزل سرعة و رفعة ليها و ليلى خلاص جهزة النبز الحتقولو ليهو
اول ما رفع راسو هي زاتة اتخلعة
ليلى: انت😨
الولد: انتي 😲 بسم الله
( عرفتو ااااي ياهو زاتو بتاع عفراء)
ليلى: الجابك شنو هنا؟
الولد: انتي الجابك شنو
ليلى: ما واضح بقراء هنا
الولد: انا زاتي بقراء هنا
ليلى: في سنة كم ؟😕
الولد: تانية هندسة معمار
ليلى: انت جادي ... انا زاتي 😒
الولد: كان كدا وين يا دفعة 😁
ليلى: دمك خفيف😑
الولد: مارقة
ليلى: اي
الولد: ارح اوصلك ....عندي عربية😊
ليلى: يا ود الضمني شنو ما حتعمل لي حاجة انا بالحيل بعرفك😶
الولد: صريحة شديد لكن...... ما تخافي ما حأعمل ليك اي شي انا متربي و ولد ناس و عندي اخوات و بعرف شعورك
ليلى: ممممم طيب لكن بي شرط 😉
الولد: طلباتك اوامر
ليلى: تكون فاتح الباب يعني ما تأمن العربية 😊
الولد: تمام ماف اي مشكلة
وهم ماشين على العربية فتح ليها الباب
وعمل بالاتفاق و مشو
ليلى: اقسم بالله محرجة منك احراج😣
الولد: لي يااخ😕
ليلى: لحدي اسي ما عرفته اسمك😥
الولد:ههه .... اسمي.......

يتبع.....