حلمي انت ~

الفصل الثامن

( معليش على التأخير نتفق انا بعلق
تعليقات جانبية بختها يعني رأي شخصي في البحصل تمام 😂)
(يلا نكمل)

دكتورهم خشى كشحهم كلام و مرق الطلاب ديل ما خلو ليهو جنبة ينوم بيها
😂😂😂
مرقوا البريك لانو عندهم تاني زي محاضرة كلهم مشوا الاستراحة عشان
يأكلو جابوا الاكل و قعدو يتونسوا

ريان: اهااا يا ليلى ..... احكي لينا كيف
بتعرفي الولد دا ؟!
ليلى: طيب ..... دا كان قبل الجامعة يعني الليلة و بكرة الجامعة، مشيت انا و اختي لمول عفراء و نحنا داخلين لاحظته انو الشبط قرب يتقطع وهو مارق ضربني بالغلط وتم الناقص قام شالو كنوع من الأعتذار مشى وجا رجعوا لي جديد كرت😂
اسماء: دا دليل على انو ود ناس أصيل
ليلى: والله زينة قالت الكلام دا😐
اكلوا سرعة عشان المحاضرة كان خلاص حتبدأ و ما شاء الله  دكاترتهم مواعيدهم مظبوطة ظبطة😒
خلصوا و مشو القاعة

(طبعا لاحظتوا اني مهملة زين الدين
شديد ، حنتفق انو زين شخصية رئيسية بس ظهوره ما كتير اوك👍)

يلا نمشي لي زين الدين شوية:-
بعد المحاضرات انتهت زين كان مع الشلة الجديدة بتونسو (ديل بجيبوا المواضيع من وين 🌚) ، قبل ما واحد منهم يفتح ليهو موضوع غريب .

ايمن: يا جماعة سمعتوا بالعصابة حقة الممنوعات والخطف الأيام دي؟؟
زين: عصابة شنو؟؟
ايمن: عصابتين من حقين المخدرات بيخطفوا الناس عشان يهددو بيهم الشرطة لو كشفتهم
ياسر: إشاعة سااااي .... ما معقولة😕
مؤيد: ليه؟😶
ياسر: ياااااخ فالنفترض انو بخطفوا الناس حيأكلوهم من وين او ممكن الزول المسكوا دا قلنا هرب مثلاً😑
زين: والله صح كلامك لانو بيخافوا على سمعتهم قبل اي شي.
مؤيد: حمانا الله و اياكم 😇
كلهم: اميييين
ايمن: خلاص خلونا من الكلام دا ..... رأيكم شنو نمرق فسحه 😉
ياسر: هو متين بدينا 😐
ايمن: ما قبل ما نبدأ لانو الفترة الجاية شعر راسك ما حتحكوا 😂
زين: و الله فكرة ما بطالة
مؤيد: اي والله
كانوا بتكلموا قبل ما تجي بيتين كدا شكلهم ما تمام

رؤى: هاي شباب
كلهم عاينو ليها بطريقة استفزازية
رفاء: سمعناكم ماشين فسحة للصدفة نحنا كمان مارقين فسحه😚
ايمن: دا قرار سااااي احتمال نخليهو😐
رؤى: ماف اي مشكلة لمن تكونو ماشين ادونا خبر 😉
مؤيد: ربنا كريم
رفاء: يلا باااي 😘
لمن مشوا الجماعة كلهم أعصابهم باظط

ايمن: والله من ما شوفتهم ما ارتحتا ليهم 😶
ياسر: والله بالغوا عديل كدا😐
زين: كان ما كذبتا ديل قدر اخواتي
مؤيد: اقطعوا علاقاتكم معاهم ديل يرمونا وراء الشمس !
ياسر: يلا انا لازم امشي 😊
زين: على وين ؟
ياسر: والله مشوار كدا لي امدر
ايمن: نحنا كمان ارح نمشي😅
زين: خلاص ارح
مرقوا و كل واحد على بيتو

جامعة زينة:-
زينة بعد خاصة المحاضرة جاها زي شعور بالألهام و هي زولة محبة لي كتابة الشعر فما كانت عايزة الألهام دا يروح لمن تصل البيت طلعة الدفتر حقها و بدأت تكتب قبل ما يجي دكتور احمد:-

احمد: انسة زينة مالك قاعدة هنا؟ الناس كلها مرقت 😕
زينة اتهجمت و دخلت الدفتر سريع

زينة: لا كنت بكتب في حاجة!
احمد: ما تقعدي براك .... خلصتي؟؟
زينة: ايواا خلصتا 😅
احمد: يا بت مالك خايفة كدا 😕
زينة: والله ما خايفة يا دكتور
احمد: دكتور ..... ههه.... زينة قولي لي احمد تاني تمام😅 ...... و كنت عايز اقول ليك مشاركتك في الشرح حلوة ......أن شاء الله تستمر لمن نهاية السنة 😊
( الزول دا متواضع اكتر من اللازم ياااخ انا لو زول قال لي يا دكتورة بقول ليهو عيدها عليك الله 😂😂)

زينة: شكرا ليك يا دكتور ......احمد😣
احمد: ماف فايدة معاك ههه😁 ارح ننزل
زينة: ارح........
نزلو مع بعض و زينة لاحظت انو احمد
مبسوط منها لو ما كضبت هي زاتة مبسوطة منو!! و لما وصلو تحت :

احمد: اوصلك يا زينة ولا معاك زول😊
زينة: لا اخوي بوصلني ....تسلم يا دكتور احمد😄
احمد: ولو الله يسلمك
كانوا نازلين ياداب قبل ما زينة تسوف اخوها من بعيد واقف مستنِها

زينة: بستأذن يا دكتور احمد....... لازم امشي اخوي جا
احمد: ااااسف .....اخرتك😢 ..... يلا مع السلامه 😅
زينة: الله يسلمك
خلتو و مشت هو قعد يقول في سره

احمد: لسا بدري عليهم

(يتبع.....)