حلمي انت ~

الفصل السابع عشر (٢)

ليلى انتظرت جنب السوبر ماركت
شهاب جا مارق منو و لقاها واقفة
بعيد فجاءة جو تلاتة اولاد بشاغلو
فيها

ولد¹: يا مان كشف المزة دي
ولد²: اي يا اصلي شغل عجيب
ولد³: القمر طلع بدري ولا شنو...
قعدو يشاغلوا فيها لمن واحد جاء عايز
يمسك يدها شهاب جا طااير و اداهو بونية👊 خلتو يقع واطة الاتنين الباقين
هربو و خلو صاحبهم يقوم براهو
شهاب جا لي ليلى

شهاب: معليش..... اتأخرتا 😔
ليلى: ولا يهمك....شكرا ليك
شهاب: ارح.....اسي رغد بتدق لي تلفون
و تقول اتأخرتو
ليلى: ارح......
ركبو و أثناء ما هم في الطريق تلفون
شهاب دقة طلعة دي رغد

شهاب: الو......نعم يا لصقة.....لالا في
الطريق اي معاي.......مسافة السكة بس
....يلا
قفل التلفون و ختاهو و عدل المرايا

شهاب: رغد شوفتيها متحمسة كيف.....
ما قلتا ليك حتدق اسي😁
ليلى: خايفة اهدم ليها حماسها دا لاني
ما الزولة الواو 😊
شهاب: يا بليل بطلي الكلام دا انا بتشرف
بيك كان هم لا
ليلى: نفسي اشوفها قربنا ولا 😅
شهاب: خلاص البيت داك ياهو
وصلو و نزلو ليلى عجبتها الڤلة نظام الڤلل الكلاسيكية الحديثة و حوشها
ملعب كرة قدم بس وااااااسع.
الحارس فتح الباب الكبير و خشوا
خمسة دقايق لقة بت جاية من بعيد
شهاب سلم عليها بي جر الشعر و المعط
شوية و جات وقفة قدامها طلعة بت
حلاتها سمحة مبتسمة ليها بي روح
طفولية

شهاب: بليل اعرفك على اختي رغد...😊
رغد: اتشرفتا بي معرفتك يا ليلى😆
مدة ليها يدها و سلمة عليها بي طريقة
الشفع ديك

ليلى: الشرف لي يا رغودة😄
رغد: شوفتا لقية زول يدلعني اخير من
يا لصقة 😜
شهاب: كتر خيري اني بدلعك اصلا😑
قعدو يضحكوا و يتمشو قبل ما رغد تجر
ليلى

رغد: ارح يا بليل نخش لي حبوبة....
شهاب: يا لصقة دي كلمتي ودلعي ليها😒
رغد: مطبوع بي اسمك 😝
هنا شهاب زكاها و قبضها و قعد يمعط ليها في شعرها و ليلى تشيل و تضحك
بعد داك دخلو جوا ، في الصالة لقة
حبوبتهم فايزة قاعدة اول ما خشة
سلمة عليها بالأحضان

فايزة: كيفك يا بتي والله شهاب دا كلمنا عنك كتيير 😅
ليلى: الحمد لله يا حبوبة واااضح 😄
فايزة: بس ما اكون ازعجتك 😦
ليلى: كيف الكلام دا والله ماف ازعاج 😊
شهاب: اووو حبوبة مشتاقين😂
فايزة: بكاااااش والله كضبك دا بودرك
شهاب: لي اكضب....لي اسبوع ما شوفتك 😁
فايزة: واااضح يا ولدي.......اهااا تعالي يا ليلى اقعدي مالك واقفة
قعدة و كلهم قعدو معاها اتونسو قبل ما جرس الباب يدق

فايزة: انا متأكدة انها فلانة😒
الحارس فتح الباب دخلة ليك بت حلوه
حلا سماحة الدنيا عليها لابسة بنطلون كباية و فاكة شعرها و تاكل في لبانة
وقفة في الصالة بعد داك جات صالة
الضيوف و اول ما شافة شهاب

ميناس: شهوبي.......😍
جرة حضنتو ، ليلى قلبها قبضها و انزعجة لكن ما قالت اي شي او اظهرة
اي شي كل الكانو في المكان حسو بي
ضيق حتى الخدامة خلقها ضاق.
شهاب يشيل و يزح فيها لمن خلاص في
النهاية فكتو عشان تسلم على فايزة   

( يتبع......)