DASHER: THE DASHING DEVIL

CHAPTER 19

EVERYTHING happened too fast. Kanina lamang ay halos ubuhin siya dahil sa alikabok na iniwan ng humarurot na sasakyan ni Homer, ngayon naman ay para siyang estatwa, nakataas ang dalawang kamay sa ere at nakatitig sa isang lalaking nakatutok ang baril sa mukha niya.

"Huwag kang gagalaw kung ayaw mong mabutasan ang ulo mo," matigas na turan ng lalaking nakauniporme ng puti. He was obviously the guard on duty. Ilang sandali pa, bago pa man siya makasagot, ay nagsidatingan na ang mga kasamahan nito. One of the guards cautiously walked behind her and cuffed her hands on her back.

Hindi niya alam kung paano nangyaring napunta siya sa ganoong klase ng sitwasyon. She didn't know how to react. Iyon ang kauna-unahang pagkakataong nahuli siya. She was caught off guard. At hindi niya iyon mapaniwalaan. Bakit siya ang hinuhuli ng mga ito?

"What the hell is going on here?" dumagundong ang boses ni Dasher.

"Nahuli namin siya sir," sagot ng gwardiyang nasa likuran niya.

"Nahuli? At ano naman ang ginawa niya?" kunot-noong tanong ni Dasher.

"Binasag niya ang salamin sa kotse ni Miss Escueta," direktang sagot ng gwardiya.

Pinanlakihan siya ng mga mata habang si Victoria naman ay biglang napasinghap. Everybody's eyes automatically flew towards Victoria's car.

"N-no! Hindi ako ang may gawa niyan!" maigting niyang iling.

"Huwag ka nang magkaila miss. Ikaw lang ang nandito, alangan namang bigla na lang nabasag ang salamin ng kotse?" sarkastikong sagot ng isa pang gwardiya sa kanya.

"Nagsasabi ako ng totoo! Hindi ako ang—"

"Sige nga! Kung hindi ikaw ang may gawa, sino?" naghahamong tanong ng gwardiya.

Natigilan siya at hindi agad siya nakasagot. Dapat na ba niyang sabihin kay Dasher ang tungkol kay Homer? She looked around. No, hindi pwede. Nobody knew about Dasher's stalker.

"Kita mo na? Hindi ka makasagot," iling ng gwardiya. "Isa pa, nakita ka namin sa cctv camera. Ikaw man o hindi ang may gawa, kailangan mo pa ring maimbestigahan."

Natilihan siya. She couldn't be investigated! Malalaman ng mga ito na peke ang pagkatao ni Danica Mae Solis! Kinakabahang napatingin siya kay Dasher.

"It's okay. She's my secretary. Pag-uusapan na lang namin ang lahat ng nangyari. Would that be alright, Victoria?" malumanay na baling ni Dasher kay Victoria.

Victoria looked so stricken that she wasn't able to answer right away. Napansin niya rin ang panginginig ng mga tuhod nito. Napabuntong-hininga siya. Hindi naman niya ito masisisi, kahit sino namang mapunta sa ganoong sitwasyon ay matatakot talaga.

She was about to say something to comfort Victoria when another group of people swarmed around them. Ngunit sa pagkakatong iyon mas marami na ang pumalibot sa kanila. And the new group alarmed her even more—hindi dahil mas malalaking mga baril ang dala ng mga ito kundi dahil imbes na baril ay mga camera at mikropono ang humarap sa kanya.

Ano ang ginagawa ng mga reporters sa lugar na iyon? Paanong...napakurap siya. Oo nga pala, may media sa lugar dahil sa press-con kanina. Mariin siyang napapikit. Kung minamalas nga naman siya! Ngayon ay hindi na lang ang pagkukwestiyon ng mga pulis ang dapat niyang problemahin, pati ang sunud-sunod na pag-atake ng mga reporters.

"Mr. Claus, ano ho'ng nangyari?" masigasig na tanong ng isang reporter na nakilala niyang nagta-trabaho sa isa sa pinakamalaking istasyon ng telebisyon ngayon.

"Mark, please stay out of this," Dasher sternly replied to the reporter.

Nagkislapan ang mga camera nang mapansin ng mga ito ang kotse ni Victoria. Sumunod siyang pinaliguan ng flash ng camera nang mapansin nilang nakaposas ang mga kamay niya. Hindi niya malaman kung paano niya magagawang takpan ang kanyang mukha. Napasinghap na lang siya nang biglang hubarin ni Dasher ang coat nito at itinalukbong iyon sa kanyang ulo.