وجعتي

١

شهد ي بت قومي ،،قايمه دقيقه بس ي امي،،م تقولي لي دقيقه اصلك مستحيل تسمعي الكلام ي بت الكتب الكتيره دي بتجيب آخرك اصلها م منها فايده،،ي امي الكتب دي عشان انتي م قريتي الفيها عشان كدا بتقولي م منها فايده لكن هي حلوه والله،،كدي تعالي اقعدي،،وريني بتقري ف شنو؟ ،، كنت بقرا ف روايه حلوه شديييد💜،،اسمها شنو؟ اسمها  خلودي💜
بتحكي شنو؟ اديك تقريها احسن م اقول😝،،سمح قومي قليله ادب دي،،لي ي نبع الحنان،،كدي تعالي يختي انتي ،،نعم!، شهد ي بتي انتي كبرتي بعد دا ومفروض خلاص تعرسي،،هيا حجه قولي بسم الله انا بمشي اعرس براي؟ كدي وينو العريس؟،،انتي كدي اسكتي خليني اتم كلامي،،اها سمح،،ولد نور صحبتي قال عايزك،،ياتو دا؟،،اسمو مهند،،دا الكبير دا؟ ،،بس ياااااهو اها رايك شنو؟ ،،والله فاجأتيني وانا م بعرفو معرفه شخصيه كدا☺،،خلاص قومي امشي فكري و استخيري ووريني رايك انا م بجبرك على العرس لانو ف النهايه دي حياتك،،اوك انا قايمه،،م القاك ماسكه كتاب تاني كتبك دي بجدعا ليك😒،،حاضر يلا😂،،
انا اسمي شهد عمري 25 سنه بايره بوره كعبه😂😂
اها شفتو الحجه عايزه تعرس لي وانا اصلا م عندي فكره عن الحب ولا العلاقات بس قاعدين ناكل وننوم ونقرا وخلاص😂✋ف عشان كدا موضوع العرس دا م في بالي بس عشان الحجه م تشبكني بايره وتعملا قومه وقعده وكمان تجيب ليها موت قبل شوفه الاحفاد😂غايتو النسوان ديل المهم م علينا انا حياتي كدا مبسووطه عندي اختي اكبر مني متزوجه ف قطر مستقره وعندي اخوي اصغر مني عمرو 24 سنه معرس ومستقر ف كندا،،شفتو اخوي الاصغر مني عرس عشان كدا الحجه مشغلاها لي😂😂ابوي قاعد وصحبي شديد وزول ضحك لكن وقت الجد ماف كلام😾✋،،اها ف البيت انا وامي وابوي بس،،يلا انا اوضتي ولا غرفتي احسن اكون راقيه شويه😂😂المهم غرفتي دي كلها كتب وكلها روايات وقصص وطبعا انا بعشق حاجه اسمها روايه😍يلا انا حاليا واقفه ف المكتبه وم عارفه اختار ياتو وحده ،،اصلا كل م تخلص وحده يجيب وحده تانيه ولمن اقراهم كلهم بنزل من النت وبقرا ومرات بشتريهم،،اها لفتني كتاب اسمو وجعتي😻،،اصلا م اظن يكون ف وجع زي وجعي وحده بايره وعمرها 25 سنه😂😂،،المهم قلتا اقراها ،،سمعتا صوت الحجه تحت " ي بت ي شهد م القاك ماسكه زفت كتاب بجي بشرطو ليك هسى بدل م تفكري ف بورتك وعرسكك دا م اخير ليك من الفارغ البتقري جاب ليك شنو؟ " ،طبعا كتمتها ف حناني عاد نبع الحنان دي قاسيه كيف😂😂،،اها يلا انا لو مسكت الكتاب الحجه بتجيب اجلي،،مشيت استحميت وصليت وبقيت بفكر ف موضوع العرس☺اها يخوانا حياتي ح تكون كيف؟ انا م حصل لي موقف معاهو  ولا واتونسنا ولا بنعرف بعض ولا اي شي😕،،طيب الحل شنو؟؟،،طيب اتعرف عليهو اول وبعداك اقرر لو نفع معاي خلاص ولو م نفع؟ اكيد ح ارفضو بس كيف؟،، يا الله ي شهد انتي متخلفه هو انتي اتعرفتي يعني لمن ترفضيهو،،خلاص اقري روايه وجعتي دي يمكن تكون شبه قصتك وتستفيدي،،شهد خلي الغباء هي اسمها وجعتي الجاب العرس والحب  والاسره السعيده  فيها شنو؟ المهم م علينا بكره بقراها ونشوف،، بقيت بفكر ف النهايه استسلمتا نمتا على كدا،،..
صحيت الصباح بدري اتسوكتا وصليت واستخرتا ودعيت ربنا يقدم الفيهو خير،،اها يلا اصلا الليله الجمعه والحجه بتطلع بدري بتجي متاخر بتمشي لي صباحتا عندهم قعدا يلا دي فرصتي عشان اقرا لقيت ابوي طالع على الشغل مشيت سلمتا عليهو وصبحتا واتونسنا شويه وطلع مشيت عملتا نسكافيه وطلعت غرفتي وجبتا الكتاب وبديت اقرا"
*لو كان لي ان اختار حياتي لما اخترت هذا المجتمع بل كنت اتيت ف مجتمع نظيف خالي من اوساخ الحقد و الكره كنت اتيت ف مجتمع يساعد الضعيف لكن لا بأس لابأس ف هذه الحياة مجرد لعنه💔"
انا اسمي رنا احمد عمري 20 سنه عايشين ف ولايه. ال.....عندي ابوي وامي واخوي  واحد بس اكبر مني و م عندي اخوان  ،،،والحمدلله عايشين بسلام ومبسوطين💜رغم العيشه البسيطه ورزق اليوم باليوم الا انو كنا اسعد ناس والحمدلله💜ابوي م بقصر مننا واخوي كذلك شغال مع ابوي وانا وامي بنبيع حاجات صغيره صغيره وبناكل رزق اليوم اليوم والحمدلله ربنا ميسر الامور💜،،وانا واخوي اصحاب شديييد وطوالي بنهظر وبنلعب امي كانت بتقول عندها شفع لسه م ربتهم😂يعني بالخلاصه كنا اسره حلوه شديد❤وطبعا ناس الاقاليم بتقولو انو م بتمو القرايه وكدا وبعرسو بدري بس انا رفضت اعرس وتميت قرايتي لحد الثانوي وابوي م عارضني بالعكس دعمني وكذلك اخوي 💜احنا م كان عندنا قروش جامعه عشان كدا لحد تالت امتحنتا وخلاص ،،،طبعا بقولو انا بشبه امي وكانوا بقولو علي مزه شديد المهم م بعرف😂لوني قمحي وجسمي مقسم تقسيم ماشاء الله م اسحر روحي😂المهم م علينا..ف يوم امي رسلتني قالت لي امشي ناس الحله البهناك لي ناس حسنيه جيبي لي منها طبق كدا،،قلتا ليها طيب شلتا توبي ومشيت،،يلا ناس حسنيه ديل حلتهم كلها شماسه كدا ،، انا اول ايام كنت يخاف لكن اتعودتا مع الايام بقيت م يخاف منهم،،يلا اثناء م انا ماشى ف واحد فلقني بي حجر صغير،،م اتلفتا عليهو لانو عارفه الحركات دي،،الولد تاني فلقني بي حجر قبلتا وراي لقيتو قاعد ف مصطبه وجمبو عربيه كدا نوعه غريب لكن سمحه شديد وطبعا احنا ف حلتنا م عندنا عربات😂ف دي كانت حاجه غريبه ،،رفعتا حاجبي وعاينتا العربيه وقبلتا ،،مشيت وانا بفكر ف العربيه الحلوه دي اتمنيت انو يكون عندي زيها💜،،مشيت جبتا الطبق ولمن جيت ماره م شفتو،،
اها باقي اليو م م حصل شي تاني يوم جاتنا جارتنا اسمها فاطمه وقعدت مع امي وقعدتا معاهم،،فاطمه قالت ،،شفتي رامي جا ،،امي قالت ليها عليك الله! متين جا،،قالت ليها ليهو يومين كدا ارح نمشي ليهم عيب م نمشي،،امي قالت ليها سمح نمشي بكره نتغدا معاهم ونشيل معانا اكل،،فاطمه قالت ليها خلاص سمح وقبلت علي وقالت لي رنو ي حلوه اعملي لينا تحليه حلوه زيك كدا لي بكره،،قلتا ليها حاضر ي خالتي عيوني ليك💜 اها تاني يوم مشينا وعملنا الغداء والتحليه ولمن وصلنا جمب الباب شفتا نفس العربيه😕،،قلتا دا يكون رامي القاصداهو خالتي فاطمه ي ربي؟  بقيت متوتره ،،امي لاحظت لي قالت لي مالك ي بت ؟ قلتا ليها لااا ماف شي،،ودخلنا ولقينا امو خالتو يسرا وسلمنا عليها وقعدنا شويه كدا جا هو نازل سلم على امي ف راسا وسلم علي وضغط على يدي شديد انا زحيتها سريع،،بقينا قاعدين بنتونس وهو طول القعده م شال عيونو مني،،صراحه حسيت بشعور غريب انا م حسيتو،،قمتا لعنتا الشيطان وتمينا قعدتنا ومشينا طول الطريق انا بفكر فيهو وسرحانه،،
مرو اسبوعين سريع وانا كل يوم افكر فيهو لحد م يوم قلتا ماشى البحر اجيب مويه ،،لمن وصلتا البحر شلتا مويه ف جردل كبير وانا غلبني اشيلو بقيت بشيل حبه واقعد حبه ،،يلا انتو ح تقولو لي تعملي دا كلو لي واخوك وين صح؟،،زي م قلتا ليكم اخوي شغال بجي بليل مع ابوي وانا اصلا اتعودتا ع كدا،،يلا اثناء م انا بشيل وبقعد حبه ظهر لي هو وبقيت مبحلقه فيهو وبعاين ليهو ،،جاني وقال لي بصوت رجولي عذب ممكن اشيلو؟ طبعا انا اتبكمتا ،،وهو طوالي شالو م اتردد وقال لي تقيل عليك،،قلتا ليهو م شديد،،ضحك وقال لي م قادره تشيليهو زاتو😂،،اتونسنا كداااا مسااافه بعدها بدون مقدمات قال لي اسمك منو؟قمتا ضحكنا قلتا ليهو الونسه دي كلها وم عارف اسمي؟ قال لي لا😄قلتا ليهو رنا❤قال لي اناا م بحب اللف والدوران انا من اول يوم شفتك فيهو عجبتيني وانا عايزك ع سنه الله  وروسوله ويمكن تقولي انا م اتعرفتا عليك كويس ويمكن تغير رايك لكن انا م ح اغيرو لاني بالجد حبيتك ،،طبعا انا زي الطقتني كهرباء م حاسه بي اي شي،،،قال لي اخدي وقتك ف التفكير ووريني وانا بوري اهلي واهلك،، وصلني لحد الباب اداني الجردل وفات،،يلا تاني غلبني اعمل اي شي،،بقيت مصدوومه بين مخلوعه بين م مصدقه،،كلوو كانت حالتي صعبه شديد💔بقيت بفكر كيف حباني وهو شافني مرتين ودي المره التالته؟ امي انتبهت لي قالت لي ف شنو،، البدايه حاولتا اخفي عنها واكون عاديه بس هي اصرت علي وحكيت ليها،،اي بحكي ليها م هي صحبتي قبل م تكون امي💜،،امي قالت لي كدي خلي الموضوع دا علي وم تفكري كتير،،كلام امي وترني زياده،،
طبعا انا م حصل دخلتا ف علاقه وكلامات زي دي ف م بعرف عنها اي شي وم بعرف الصادق من الكاذب ف عشان كدا كنت محتاجه زول يشوف معاي هل هو مناسب لي؟،،وانا اصلا م ضد فكره الزواج لكن لازم اتعرف اول حتى اقرر وكذلك لو اهلي شكروهو وارتاحوو ليهو معاي انا م عندي مشكله لانو هم ادرى بي مصلحتي،،اها ف نص تفكيري دا انا نمتا،،
مرو يومين عادي م كان في شي،،ف يوم ناداني اخوي مشيت ليهو قال لي اقعدي طبعا انا اتوترتا اول مره يكون جادي كدا،،قال لي شوفي انتي زوله كبيره وعاقله وبتعرفي االصاح من الغلط صح،،قلتا ليهو ايوه،،قال لي اي شي بجي بالغضب الا الزواج دا لانو مصير وح تعيشي ليهو العمر كلو،،وانتي اصلا م حصل دخلتي ف علاقه ولا كنتي متزوجه قبل كدا ف عشان كدا انا بقول ليك استخيري وصلي وادعي ربنا يقدم الفيهو خير،،قلتا ليهو اتكلمتا مع رامي قاليك شنو؟ قال لي والله زول مؤدب وعندو اخلاق وكونو جا طلبك بالباب دا راجل عديل💜وانا طبعا مشيت سالتا منو وشكرهو لي يبقى على بركه الله،،قلتا ليهو انت وافقتا؟ قال لي انا وافقتا عليهو شايفو كويس بالنسبه ليك وكذلك ابوي وامي لكن انا قلتا تعملو خطوبه تتعرفو اول ،،قلتا ليهو  بس هنا احنا م عندنا حاجه اسمها خطوبه،،قال لي مالو نعملا حرام؟،،طبعا فرحتا شديد بكلام اخوي،،قلتا ليهو سوي البتشوفو مناسب،،قال لي هو شغال ف الخرطوم وبجي هنا مره مرتين ف السنه ،،قلتا ليهو ايواا ،، وطلعتا غرفتي وبقيت بنطط من الفرح،،اخيرا ح اعيش عيشه حلوه وف الخرطوم،،ح اسوق اهلي ونسكن ف بيت حلو كبير ونتلما كلنا،،ح اريح لي ابوي شويه من تعب شغلو وكذلك لي اخوي وانا وامي نرتاح حبه💜ي رب تسعدني واسعد اهلي❤،،اها مرت الايام وعملو خطوبه وانا كنت خجلانه شدييد ،،وجاب لي تلفون ووراني بستخدموهو كيف،،كان زول راقي بمعني الكلمه❤
بليل اتصل علي وانا بعد تعب حتى عرفتا بردو كيف(م متعودين على تلفونات الشاشه)،،قلتا الوو،،قال لي ي جمال الصوت،،انا خجلتا وسكتا ساااي،،قال لي طالعه قمر الليله❤،،قلتا ليهو تسلم،،ضحك وقال لي ح تكون بينا حواجز كدا،،قلتا ليهو م ياهو دا سبب الخطوبه اذا م كان بينا حواجز عاملين خطوبه ليه😂،،قام ضحك قال لي تصدقي نسيت،،انا لمن اسمع صوتك بنسى الدنيا كلها،،،قلتا ليهو تصبح على خير،،ضحك وقال لي معزوره ويلا انتي من اهلوو😂💜،،،قفلتا منو وحاسه بشعور غريب وكنت بقول دا الحب؟ ي رب الطف بي💕

#وم ذنبي انا اذا وقعت ف فخ حبك؟💔

#نتلاقى..

*كيف القصه؟ ادووني رايكم😉❤