وجعتي

١٤

دخل الدكتور وقال لينا اسف على الازعاج بس النتيجة ظهرت،،شهد قالت ليهو اها ابشر ي دكتور..قال ليها مبروك ي مدام شهد انتي حامل❤..
طبعا ف اللحظه دي انا بقيت م حاسه بسجمي زاتو..ومحمود دا اتصدم صدمه،،انا ومحمود قلنا بصوت واحد؟،،كيف يعني عيدو التحليل تاني،،الدكتور قعد يضحك وكان فاكرنا فرحانين وم مصدقين،،قال لينا دي اول وحده تعرس منكم ولا شنو فرحانين كدا😂😂،وشهد دي زي الطاقاها كهربا،،ساكته وبتعاين(ي حليلها💔)،،قام الدكتور طلع،،انا سقتا محمود وقلتا ليهو ارح تعال معاي،،طلعنا برا خلينا شهد براها ،،قال لي انا م قادر اصدق،،قلتا ليهو والعجب انا،،لازم نلقى حل بينهم الاتنين و لازم مهند م يعرف،،محمود قال لي كيف م يعرف ودا ابوهو،،قلتا ليهو اسمع كلامي بالطريقه دي عمرهم م ح يتصاالحو،،قال لي مدام انتي شايفه كدا خلاص تمام،،
مشيت لشهد ولقيتها بتبكي،،حضنتها علي وقالت لي انا كنت حاسه بكدا والله💔💔،،قلتا ليها هشش م تبكي،،وزحيتها مني ومسكتها من يدها..
اسمعيي ي شهد الكلام الح اقولو ليك،،
الطفل الفي بطنك دا حقك وحق مهند ،،انتي صاح ايي بتكرهي مهند بس م يحق ليك تكرهي ولدك لانو منو،،
وغير كدا لو انتي لسه مصره م تحددي حدود بينكم وتتصالحو وتبقو زي وزي المتزوجين ح يتضرر الطفل م انتو،،وغير كدا م ممكن تقتلي روح الله صح؟؟،،لانو لو متشاكلين الطفل ح يتأثر ويبقى تركيزو مشتت وح يعاني انو ابو هو وامو بعيدين من بعض وح يشوف روحوو م زي باقي الاطفال وغير السلبيات التانيه انتي عارفاها،،انتي لازم ترجعي لمهند ولو عايزه نختو ليك ونعمل ليهو شروط ولو اتحداها اعملي العايزاهو،،اديهو فرصه ي شهد لانو بالطريقه دي م ينفع والله،،وانتي براك شايفه حالة امك،،قولي الحمدلله انو طلعت بالسلامه فما بالك لو عرفت انك حامل و عايزه تطلقي؟؟،،هسى انا ح امشي ليها واوريها انك حامل ويمكن بالخبر دا ترتاح شويه لانو ح تقول مهند م ح يتخلى عن ولدو ويمكن يديك فرصه مع انو هي م عارفه السبب بس برضو،،
حاولي افهمي كلامي دا كويس ي شهد لانو دا لمصلحتك ولمصلحة طفلك،،انا م راضية ليك العذاب زاتي بس دي الحياة،،
سكتت مسافه وقالت لي ان شاء الله❤،،قلتا ليها موافقه على كلامي؟،،قالت لي اايي،،وقولي ليهوو فرصه وحده بس😂،،والله ف اللحظه دي قربتا احضنها،،جريت جري لمحمود وكلمتو وهو زاتو فرح وقال لي قادره انتي والله😂🚶❤،،
مشيت لي ام شهد وسلمتا عليها وهي بقت كويسه  بتتكلم ومستوعبه كويس الحمدلله ،،قالت لي اها مهند ح يسلم شهد الورقه متيين؟؟،،قلتا ليها م ح يطلقا،،نططت عيونها وقالت لي ليه؟؟،،قلتا ليها لانو شهد حامل بولدو❤،،قالت لي يعني ح يتلمو تاني و ح يجيهم تالت؟،قلتا ليها ايي،،والله العظيم المره بدت بكى💔💔(الام م بتريد الشر لي اولادها حتى ولو كانت قاسيه💜)
قالت لي سوقيني لشهد،،قلتا ليها تمام💜مشيت جبتا الكرسي وجيت،،قالت لي ها دا شنو؟؟بمشي برجليني ديل ي بت،،،قلتا ليها بتقدري؟،،قالت لي اي بقدر لي م اقدر عاد😂قمتا قومتهت وسندتها ووديتها لشهد،،اول م دخلنا م لقيت شهد ف السرير،،امها اتخلعت،، وانا زاتي اتخلعت،،وقبل م تفتح خشمها شهد جات طالعه من الحمام وفرحانه،،اول م شافت امها اتخلعت وتاني بقت تبكي،،اميييي حمدلله على سلامتك💔والله ي امي قطعتي قلبي💔
هيا بت ها انا كويسه وشديده هدي قدامك،،،قشت ودموعها وقالت ليها حصان ماشاء الله😂💔،،
امها قالت ليها مبروك الحمل ي بتي❤❤،،
قالت ليها الله يبارك فيك،،قعدنا شويه و خالتي ام شهد بقت فرحانه وتتونس سايي  وشهد كانت فرحامدنه م بعرف الفرحها شنو المهم انها فرحانه😂💜💜
قمتا قلتا ليهم ح يخرجوكم متين؟؟،،قالو لي بكره ليهم الاتنين❤قلتا ليهم الساعه كم؟ قالو لي العصر كدا،،قلتا ليهم بالسلامه،،
يلا انا ماشى بجيكم بكره ف البيت،،ودعتهم وطلعتا..
وصلتا البيت وكل العاده استحميت ونمتا وانا م مصدقه اخيرا مشكلة شهد اتحلت😭❤❤
بعد صحيت نادتني امي،،قالت لي انتي ي بت كل يوم بتطلعي بتمشي وين؟؟قلتا ليها لشهد ف المستشفى،، وقفت على جيلها وقالت لي سجمييي لي م وريتييني مالا عندها شنو؟؟،عاينتا ليها كدا😃انا م وريتك؟؟قالت بري م وريتيني عاد،،قلتا ليها م وريتك ام شهد عملت عمليه،،امي دي قربت تطلشني😂😂قالت لي م وريتيني ،،قلتا ليها والله شهد دي كانت تعبانه وكدا وودوها المستشفى وانتي عارفه امها خوافه وهي زاتها رقدت مستشفى ،،وطلع عندها جلطه وعملو ليها عمليه،،وشهد ف النهايه طلعت حامل وامها عملو ليها العمليه والحمدلله طلعت وهسى بكره ح يطلعوهم وح امشي ليهم،،
امي دي مسكتني ادتني قرصه عمرريي م انساها،،ساعه كامله ببكي😂😂قالت لي كييف م توريني وووو...الخ،،ف النهايه قالت لي بكره بمشي معاك،،قلتا ليها تمام وانا ببكي😂😂،،قالت لي كان م سكتي بقرصك تاني،،قمتا سكتا والدموع نازله،،والله القرصه حاارره😢،،
اها طلعت من غرفتي،،شلتا تلفوني وضربتا لي مهند،،كنت عايزاهم يصلحو علاقاتهم مع بعض عشان البيبي
قلتا ليهو مهند،،شهد دي والله م تشوفها كدا،والله شهد ظريفه وبتتحب والله بس الحياة بقتها كدا زي م بقتك،،قال لي شنو؟ كدي عايني ،،نتلاقى ف ال....واحكي لي قصتها كامله،،،قلتا ليهو والله اسي تعبانه وي داب جايه من المستشفى بكره لمن اكون ماشى ليهم بغشاك اول بعداك بمشي ليهم،،قال لي خلاص تمام قال لي عايز اسالك،،قلتا ليهو اها قال لي انتي لي كنتي بتحاولي تتقربي مني قاصده شنو يعني؟،،قلتا ليهو بكره بتعرف اي شي،،قال لي تمام،،وعايز اقول ليك شي تاني،،قلتا ليهو ها؟،قال لي محمداحمد قال عايز يتقدم ليك تاني بس فكري ف الموضوع،،قلتا محمداحمد منو؟؟،،قال لي لمن نتلاقى ،،وقفل،،
انا اتسغربتا ؟؟محمداحمد؟؟يتقدم لي تانيي؟؟هو يعني اتقدم لي قبل كدا؟؟
دا شنو دا ي ربي؟؟
مشيت لي امي وقلتا ليها بتعرفي محمداحمد؟؟
امي دي اتصدمت وقعدت تبكي،،قالت لي اخيييرا ذاكرتك جات والله م مصدقه والحمدلله ي رب❤❤..
انا اتخلعتا لمن بقيت بضحك،،
كدي ي حجه ذاكره شنو؟؟ومحمداحمد دا منو ممكن تفهميني؟امي قشت دموعا وزعلت وقالت لي ماف شي،،قعدتا اضحك قلتا ليها لالا فهميني دا شنو😂😂،،قعدت تضحك هي زاتا وقالت لي الزول م يعمل فيك مقلب(حسيتها عايزه تمشّي الموضوع)،،قالت لي محمداحمد دا منو؟؟،قلتا ليها انا جيت اسالك م بعرفو،،خلاص انا ماشى غرفتي انوم عشان بكره عندي مشوار بدري حتى نمشي لشهد،،قالت لي طيب،،
مشيت غرفتي وانا مستغربه ف جمله امي"اخيرا ذاكرتك رجعت"،،ي ربي انا فاقده الذاكره؟؟طيب لو انا فاقده م كان عرفتهم؟ ديل جنو شكلهم😂😂😂
شلتا الرواية وبديت اقرا