وجعتي

٩

حاسه بالاهانه والله..قلبي بقى واجعني💔لييي يعني انا اتجبر على واقع انا م عايزاهو..حاليا انا بقيت مرتو بحق وحقيقه💔،،والله قرفانه من روحي 💔انا وحده من الناس  مستحيل تأمن بمقوله "الحب بعد الزواج"
اقسم انا لو حبيت مهند دا اكون اتهبلته ولا خرفتا💔
انا قاعده ف حته م معبره قيمتي..انا قاعده عند وحش..انا سجينه هنا بطبخ ليهو وانضف ليهو واعمل ليهو كل مطلباتو..واجب علي اني اعمل اي شي يقولو لي..بس انا م بعملها عشان انا بحبو..بعملها بأخر نفسي وزهج لانو الاسلام امر بطاعة الزوج،،
قفلتا الدفتر حقي ودخلتو ف الدرج وانا ببكي على العيشه دي💔..
انا مستحيل اقعد مع مهند دا ف حته وحده لازم اطلق..وم بهمني رأي الناس،،كلها فتره واطلق...وتاني من الغرفه دي م طالعه والعايز يعملو يعملو م بفرق..

حوالي الساعه 4:40،،انا راقده ف السرير وبعاين للشباك الجمبي،،باب الغرفه فتح..انا استغربتا لانو انا قافلاهو بالمفتاح..الا اذا عندو مفتاح نسخه،،جاني مهند وقال"حبيبي مالو زعلان"،،،وانا قرفانهه الااخر شي،،قعد جمبي وبقى يهبش ف شعري،،قلتا ليهو مهند زح منيي،قال لي مالك موش راجلك وم بتقدري تقولي راجلي على الورق بقيت راجلك وانتي مرتي😂،،انا اخلاقي وصلت فوق،،قمتا دفرتو قلتا ليهو والله م عندي طاقه عشان ارد ليك زح مني واطلع برا احسن ليك،،ضحك وقال لي تمام بس ح تمشي مني وين😉،،طلع وقفل الباب،،انا طوالي فتحتا الباب وجريت الحمام استفرغتا،،جاني ف الحمام بضحك قال لي مالك انشاء الله خير،،قلتا ليهو من وين يجي الخير وانت قدامي😒،،قال لي مالك اكلتي شنو؟قلتا ليهو م اكلتا شي بس دا من شوفتك 😒،،وطوالي دخلتا غرفتي،،من قبل اصل السرير قعدتا ابكي💔والله دي م عيشه،،
اسوا شي انك تعيش مع زول انت من الاساس م راضي بيهو💔انا لو اتطلقتا خايفه امي تروح فيها لانو عندها ضغط،،والله ولعظيم امي دي لو شافت العيشه الانا عايشاها دي والله تروح فيها جدجد،،بس لمتييين انا استحمل داكلو؟😭😭💔💔💔،،ي الله يااخخ والله انتي ي شهد كنتي عايشه ف امان الله ،،،تاكلي وتشربي وتنومي والروايات جمبك،،اكتر شي كنتي بتحبيهو ي شهد انو م يكون ف زول ف البيت عشان تقدري تقري الروايات بمزااج لكن هسى انتي الحقيقي من الخيال م قادره تميزيهو😭😭
فجاءه حسيت بشي وقع تحت السرير،،دنقرتا ولقيتو دا كتاب وجعتي..شلتو وعاينتا لي غلافه وتاني قعدتا ابكي💔💔بالجد وجع..
فتحتو وبديت اقرا من محل وقفتا"
أعلم أن الكتمان يؤذيني ولكن أعتدت.🥀🖤✨

*مشيت الجامعه ولاقيت جود واقفه مع شله،،مشيت عليهم وسلمتا ،،جود قالت لي اعرفك عليهم،،رزان وتغريد و اريام قلتا ليهم اتشرفنا انا رنا💜
جود قالت لي رزان وشلتها حبو يبقوا صحباتنا ونكون شله واحده💜،،صراحه حبيت الفكره وقلتا ليهم لي لاا طوالي ماف مشكله💕،،رزان قالت لي تسلمي باين عليك ظريفه كنت قايلاك مفتريه 💜،،جود قالت ليها هيييي اختي م مفتريه😌💜،،تغريد قالت ماشاء الله انتو صحبات بالجد مناسبين لبعض،،اريام قالت ربنا يحفظكم،،قلتا ليهم امين واياكم💜..قعدنا ف البينش،،وجا ولد ماري بجمبنا رزان كوركت ليهو ي عاصم،،جا وقال السلام عليكم ردينا ليهو السلام،،قالت ليهو دي شلتي الجديد اعرفك بيها،،قال ليها رنا وجود ف زول م بعرفهم؟ وانتي شلتك بعرفا😂(احرجا الحيوان)،،قالت ليهو يخس عليك ف داعي هسى،،جرا الكرسي وقعد معانا وقال لينا عايز اكون عضو فيها ممكن؟،،جود قالت ليهو تشرف💜،،قال ليها الشرف لي💓،،قعدنا نتونس وعرفتا انو هو معاي انا وجود ف القاعه ومعانا اريام ،،رزان وتغريد ف كليه تانيه،،
ورنيم الليله م لاقيتها،،قلتا بتكون شغاله محاضرات ،،
انتهى اليوم ورجعتا البيت وكل العاده خالتو سهى صاره وشها،،دخلتا الصالون عشان اسلم على حبوبه،،لقيت خالتو نوره واحمد،،ورنيم،،سلمتا عليهم وخالتو نوره دي الابتسامه للاضنين😂،،استأذنتا منهم مشيت استحميت وصليت ،،مشيت اكلتا وقعدتا معاهم،،خالتو نوره قالت لي كيف الجامعه،،قلتا ليها كويسه والله الحمدلله 💜قالت لي بتقري شنو؟قلتا ليها هندسه معمار💜قالت لي ماشاء الله ربنا يحفظكم💜،،قلتا ليها ويحفظك لينا💕⚡،،اتونسو شويه كدا وطلعو وحنستهم يتغدو ،،قالو عندهم مشوار ومستعجلين،،
بعدها مشيت نمتا لانو تعبانه..
صحيت على صوت رنيم بتصحي فيني..قالت لي قومي انتي م اكلتي هاك اكلي ،،ماشى اجيب ليك عصير واجي،،قلتا ليها شكرا💜،،فعلا مشت جابتو لي وجات،،،قلتا ليها تعالي اكلي معاي،،قالت لي لا انا اكلتا اكلي انتي،،قلتا ليها جبيل م شفتك ف الجامعه كنتي وين؟،،قالت لي كان عندنا محاضره واحده ومرقنا ومعاي الشله مشينا شارع النيل ،،اصلا الجو كان زابط😴❤،،قلتا ليها امممم..
بعد انتهيت من الاكل شلتا الصينية غسلتها ورجعتا غرفتي..شلتا التلفون ولقيت مكالمه من رقم غريب..
رجعتا ليهو طوالي ردّ،،جاني صوت راجل..قال الوو،،قلتا ليهو وعليكم السلام مرحب منو معاي؟،،قال لي هه معقوله م عرفتييني؟(الصوت اصلو م غريب علي حاسه نفسي سمعتو ف حته)،،قلتا ليهو لا..قال لي انا Boss,, قمتا اتفاجاءت لانو اول شي جاب رقمي من وين؟وتاني شي ليي انا بقول الصوت دا م غريب علي وانا م حصل سمعتا صوتو،،قال لي مالك سكتي،،قلتا ليهو اهلين Boss☺،،قال لي مالك بقيتي م بتدخلي بتتقّلي ولا كيف😂،،قلتا ليهو لا والله بس عندي جامعه و الامتحانات على وشك،،قال لي اها بالتوفيق يلا م اطول عليك،،قمتا قلتا ليهو رقمي لقيتو وين?,, قال لي خلي بالنيه احسن 😂وقفل،،
لقيت رنيم قدامي قالت لي دا منو؟،،قلتا ليها واحد ضارب غلط😊م بعرف جاب رقمي من وين؟،،قالت لي اممم(حسّيتها م صدقوني😂) ،،تاني قلتا ليها لو زول انا بتكلم معاهو ماسنجر وفجاءه يجيب رقمي بكون جابو من وين؟،،قالت لي احتمال من الفيس زاتو لانو انتي داخله بي رقمك ويكون ظاهر الا اذا انتي عملتي ليهو اخفاء،،قلتا ليها ايوااا،،
#(قطع صوت قرأءتها صوت امها وهي بتنادي عليها)
شهد ي. بت وينك،انا اتخلعتا امي دي الجابا شنو ؟،،لبستا توبي وطلعتا ليها،،جات حضنتني وقالت لي انتي كويسه ي بتي؟،،قلتا ليها امي بسم الله ف شنو انا كويسه م عندي شي،،قالت لي راجلك قال انتي عيانه وقعدت تبكي،،انا حسيت انو الموضوع اكبر بس امي م عايزه تقول،،قلتا ليها يمه ف شنو ؟،،ساقتني وقعدتني ف الكرسي،،قالت لي ي بتي ح اسالك سؤال واحد وجاوبي بدون كذب،،انا اتوترتا قلتا ليها كويس،،قالت لي عندك مشاكل مع راجلك؟،،قلتا ليها لا ماف كلام زي دا،،قعدت تبكي وووبب عليك ي بتي من المصيبه دي هسى الناس يقولو عليك شنو😭😭قلتا ليها امي قولي عليك الله م توتريني ،،قالت لي راجلك قال عايز يرجعك بيت ابوك،،قلتا ليها يعني شنو؟,, قالت لي يعني يطلقك 💔

#اقتباسهه

" الوجع يروح ويرجع ، وكل عين لابد ان تدمع ، والزمن قسمة ونصيب مثل م يعطيك يوجعك💔

#نتلاقى..