وجعتي

١٧

قلتا لي شهد خلاص ح اخليهو معاي الكتاب لانو عايزه اقراهو تاني،،قالت لي شيليهو انا عندي نسخه،،قلتا ليها تمام،،قلتا ليها اها شعورك شنو وحته منك ف بطنك،،قالت لي والله م حاسه اني حامل😂😂😂قلتا ليها هسى عشان ي دابو لكن تاني بكبر،،اها نفسك يكون ولد ولا بت؟،،قالت لي اي شي بس يطلع😂،،
قامت شهد رقدت ف السرير وختت يدها ف راسها ،قالت لي اها محمداحمد دا ح تعملي ليهو شنو؟؟،،
قلتا ليها انا لمن فقدتا الذاكره نادين مشت وين؟؟وعملت شنو؟،،قالت لي ولا اشتغلت بيك بس بقت تتقرب من محمداحمد،،لكن مره محمداحمد اتشاكل معاها وكلم ابوها وتاني خلتو.. وسافرت،،
قلتا ليها هههههه والله غايتو ،،اصلو م اتوقعتا ف يوم نادين دي تعمل معاي كدا،،لاني كنت بعزها شدييد وم كنت بسمع كلامك،،قالت لي انا اكتر شي كنت بحمد ربنا عليهو انو انتي نسيتي نادين مع محمداحمد عشان م توجعي راسك و كويس انها سافرت،،
قمتا قعدتا جمبها ف السرير،،قلتا ليها والله م عارفه انا اوفق ولالا😢قالت لي ي بت انتي غبيه؟؟دا من انتي كنتي برلومه بحبك لاهسى وانتي عمرك قرب لـ 26سنه عايزه تضيعيهو؟؟والله م بتلقي زي حبو دا،،
تاني اخدت نفس عميق وقالت لي ي ريت لو جاني زي محمداحمد دا زمان فكا بورتي دي من كلام الحجه🐸،،قلتا ليها مهند مالو م قصر فكاها فكه😂😂😂،،قلتا ليها ي شهد انا مره شفتا عندك دفتر كبير لونو اسود فيهو شنو؟قالت لي دا بكتب فيهو قصة حياتي لحد هسى عشان اوريها بعدين لي اولادي😂😂قلتت ليها فكرتك حلوه وزاتو يتعلمو منها،،وانا اصلا م عندي حاجه عشان احكيها،،بس بكتب قصتي مع محمداحمد من الاول ،معاك في الدفتر ونخت كتاب وجعتي حقي النسخه الاولى في الدفتر عشان نوريهم لي اولادنا،، يمكن زاتو يكونو كتبوا روايات تانيه في الزمن داك😂🚶،،قالت لي تمام ي زوله،،
قلتا ليها يلا انا ماشى ،،ودعتها ومشيت
قلتا اعمل ف ناس البيت ديل مقلب😂😂😂😂😂
مشيت فتحتا الباب وصرختاا بصوت عالي كلهم اتلمو وعملتا فيها وقعتا..
جا اخوي الكبير اسمو خالد،،مسكني ومهجوم،،وامي دي قربت تبكي،،قلتا ليهم محمداحمد وانا دموعي نزلت😂😂،،بس شغاله ف جملة محمداحمد دي وابكي،،،خالد قال لي امي شكلها اتذكرت ،،ارح البسي توبك وجيبي لي شي البسو ليها،،امي مشت لبست سريع وجابت لي توب لبسوني ومشينا المستشفى،،انا ف العربية كل م القى امي ولا خالد سرحان بضحك😂(مستهبله ي انا😂🚶) ودونا المستشفى وشرحو للدكتور حالتي وانا عامله غمرانه،،الدكتور جاب الحقنه وجا،،(الموضوع بقى كبير😨) وانا عندي فوبيا من الحقنه،،اول م قرب علي،،طوالي قمتا زي الميت القام من القبر ،،الدكتور اتخلع ،،قلتا ليهو حقنه،،زح مننييي بقيت بصرخ ،،حقنه لالا زح مني💔😭،،بعد شويه من صريخي  خالد قال للدكتور معليش اطلع دقيقه عشان تهدأ،،قام طلع وقعد جمبي وقال لي خلاص طلع،،قلتا ليهوو قوم قوم انت جبتي لييه؟؟قال لي انتي صرختي ليه؟ ،،انا افتكرتك اتذكرتي الحصل ولا عيانه ولا اي شي؟؟قلتا ليهوو (وانا م حاسه بروحي) ياخ دا مقلب ارح ارح سريع😭،،
بلاي تاني يوم حبسوني ف الغرفه فطور م فطرتا(تاني خلي رشاقتك تنفعك ي إشراقه)😂😂😂
قلتا لي امي انا اتذكرتا محمداحمد واي شي ومهند قال لي جاي يتقدم لي وانا موافقه،،امي مشت جابت الشاكوش وكسرت طبلة الباب،،قالت لي احلفيييي😳قلتا ليها والله ،،امي قعدت تبكي وانا زاتي بكيت معاها💔،،كلمت خالد وقال لي انا عارف اصلا لانو متواصل معاهو من زمان،،والله الزول دا كل مره يثبت لي انو هو راجل،،خليهو يجي وحبابو عشره،،
قلتا لي خالد اديني رقمو،،قال لي لا😒،،قلتا ليهو هويي اصلا هوو خطيبي من زمان شنو "لاا" اديني الشي دا  لاني دايره اعمل فيهو مقلب😂😂قعد يضحك قال لي شيليهو من التلفون،،قمتا شلتو ودخلتا غرفتي،،ضربتا للرقم،،طوالي رد(اصبر ي اخوي😂)قال لي بصوتو الرجولي المستحيل انساهو💜وفيهو بحه❤قمتا رققتا صوتي وقلتا ليهو محمداحمد!!،،قال لي ايوه منو انتي؟،،قلتا ليهو معقول نسيتني انا حبيبتك(بدلع😂)قال لي عفواً؟؟م عرفتك معليش وتاني م تتصلي علي،،قلتا ليهو استنى ياخ،،قال لي قولي سريع عشان م فاضي،،قلتا ليهو انا ريم خطيبتك وقت م فاضي خلاص بضرب ليك بعدين😒💔،،سكتتت مسااااافه تقريبا خمسه دقايق هو ساكت وانا منتظراهو يتكلم،،قال لي ريم قريب الله؟؟قلتا ليهو اايي،،قفل الخط ف وشي😒،،والله نبزتو نبز😂😂💔،،قلتا اخليهو يكون مصدوم،،يمشي يتحقق من رقمي،،قعدتا ف السرير،،آه يااخ لي زمن م اتكلمنا معاهو،،خمسه سنين💔،،
شلتا كتابي ك العاده  واصلا انا الرواية دي م متذكره الحاجات الكتبتها فيها زي الناس لانو كتبتها زمااان،،
قعدتا ف السرير وبديت اقرأ