وجعتي

١٦

#ي جماعه..
باقي الحلقات كلها ح تكون بلسان ريم..
+محمداحمد دا اسم واحد،،ف ناس بقولو لي اسمو محمد وابوهو اسمو احمد؟؟
لالا هو اسمو محمداحمد اسم واحد❤🚶
_/_/_/_/_/_/_/_/_/_/_/_/_/_/_/_/_/_/_/_/_/_/_/_/

قالت لي محمداحمد دا كان حبيبك وانتي فقدتي نصف من ذاكرتك واللي هي بتحتوي على محمداحمد!💔،،
انا الصدمه الدخلت فيني كان ممكن تقتلني والله☺💔💔
صلحتا قعدتي وقلتا ليها كدي احكي لانو انا مستغربه شديد ومع اني متذكراكم..
فجاءه دخل مهند،،قال لي معليش ي ريم بس شهد دي عايزا تمشي معاي مشوار قريب وهسى بنجي نص ساعه كدا،،والله قربتا انبزو بس سكتا😂قلتا ديل ي دابهم اتصالحو ماف داعي اخرب الرصه،،قلتا ليهو طيب،،شهد قالت لي بعد اجي بحكي ليك،،طلعو وخلوني انا مستغربه شدييد،،والله نزلتا تحت شربتا اي عصير لانو حسيت نفسي مهبطه،،وبردد ف محمداحمد!،،محمداحمد!،،بحس بشعور غريب💔
انا قلتا شهد دي فاطه سطر ولا حاجه😒،،
مشيت الغرفه وفتحت الرواية لاني متشوقه ح يحصل شنو،،
بديت اقرا"
‏انتَ الأحتّلال الوحَيد ، الذي تُرحب بهِ أعمآقي ✨♥️"

وصلنا البيت وانا زعلانهه عايزه اطقق،،م بعرف لي فرق معاي كدا ،،يمكن عشان اتعودتا اني اتشاكل معاهو واتعودتا اني اشوفو طوالي،، قلبي بقى بدق💞،،مسكتو بي يدي وقلتا ف سري اهدأ❤،،دي المره التانيه قلبي يدق❤،،،لالا ياخ م بحبو دا واحد متخلف ساي😒اايي م بحبو😒،،اتلفتا لقيت رنيم بتعاين لي كدا😳،قلتا ليها مالك،،قالت لي مستغربه فيك انتي مالك؟؟،قلتا ليها ماف شي😂،،يلا انا دايره انوم تعبانه😂،،رقدتا ف السرير وماهي الا ثواني نمتا لحد تانيي يومم😂،،
مرت الايام والليله الجامعه..
مشيت الجامعه واستقبلتني جود وهاك ي البكاء😂😂💔،،بعدها سلمتا على رزان وتغريد واريام،،والليله كان محاضرره واحده،،جانا عاصم وركبنا معاهو وشاارع النيييل🚶💜💜💜💜،،اتونسنا وغنيينا تمااام،،والله كان يوم مستحيل انساهو❤،،
دا بقى لينا روتين انو لو ف محاضره واحده طوالي نمشي شارع النيل،،
•••مرّ شهرييين وانا كل مره بتذكر جاسم وبشتاق ليهو💔،،ودايما انا ملاحظه لي عاصم عينو علي،،بس عامله فيها مطنشه،،
لحد ف يوم مشيت الجامعه والدكتور اعتزر وم جا..
قمنا ك العاده مشينا شارع النيل،،تغريد قالت نلعب صراحه جرأءه،،قامو جابو قزازه البيبسي😂😂🚶،،
ولفوها وجات علي انا وعاصم(كتمت)،،عاصم يتبسم ساييي،،قام قال لي ف زول خاتاهو ف بالك وبتحبيهو وم قادره تقولي ليهو؟؟،،طبعا ف اللحظه دي طوالي اتذكرتا جاسم،،م بعرف ليه،،وقبل م افتح خشمي.
اشوف ليك جاسم جايي من بعيد ،،😨😨،،
فرحي كان ممزوج بصدمه،،
ي ربي جاسم دا الجابو من بورتسودان شنو؟"
قمتا وقفتا علي حيلي،،وجود قالت لي مالك ي بت..
ف اللحظه دي جاسم عاين لي وهو زاتو اتصدم😱،،
جا علي بقى بعاين لي وانا بعاين ليهو بدون كلام..
بعد...مسافه عاصم وقف قال ليهو بتعرفا؟؟
قمتا مديت ليهو يدي قلتا ليها جاسم كيفك؟،،مد لي يدو قال لي تمام وانتي؟،،قلتا ليهو الحمدلله ،،انت الجابك من بورتسودان شنو؟ قال لي والله عمي دا قال عايزني اساعدو ف حاجات كدا وراجع ،،ف اللحظه دي جود ي داب فهمت القصة
قامو كلهم سلمو  عليهو وعاصم دا صاري وشو،،
بعد شويه جات بت كدا،،اصلا كانت معاهو ،،قالت ليهو جوسي ارح(بدلع) ف اللحظه دي م بعرف لي اتغظتا منها وقعتا احمر ليها،،جاسم قال ليها تعالي سلمي علي ديل،،ايي واحد بقى بسلم ويقول اسمو،،لما جا دوري قلتا ليها رنا اهلين اتشرفنا😒😒،،وجاسم يضحك ساييي،،قام قال لي غريبه م ردحتي لي وانا بضحك،،قلتا ليهو دا مكان عام لناس محترمه ،،وعاينت للبت ديك😒قال جوسي قال،،😒والله شميتا بسس..
قام جاسم قعد معانا والبت ديك تتدلع فيهو،،انا جعانه ارح نفطر😒،،قال ليها جوجو اقعدي بعد شويه بنمشي،،قالت ليهو طيب وقعدت ،،قال لينا كيفكم ي شباب،،قالو ليهو كويسين الحمدلله،،قال لينا انا ببقى لي رنيم اللي هي بت عم رنا ود خالتها،،قالو ليهو اهاا شرفتا والله،،وكان قاعد قصادي،،قام عاصم قال لي اها ي رنا م جاوبتي على سؤالي،،جاسم قال لينا كنتو بتلعبو صراحه جرأءه،، لانو قزازة البيبسي فيي😂😂جود قالت ليهو ايي وعاصم سال رنا،،قال ليهو السؤال شنو،؟؟،قمتا انا قلتا ليهو السؤال قال لي ف زول خاتاهو  ف بالك وانتي بتحبيهو وم قادره تعترفي ليهو؟،،
والجواب ي عاصم ايي ☺❤،،عاصم دا فرح فرح،،وجاسم خلاص صر وشو،،
قام جاسم قال لينا معليش ي جماعه انا عندي مشوار يلا نشوفكم تاني،،قام وقف قدامي،،قال لي رقمك؟؟
طبعا م قدرتا احرجو عشان الجماعه قاعدين،،وهو لقاها فرصه😒قمتا مليتو الرقم وانا بعاين للبت ديك واحمر ليهو هو،،وهو كاتم الضحكه،،(يضحك بلا سنون ان شاء الله😒💔)،،بعد فاتو..قلتا ليهم انا راجعه البيت،،وعاصم قال لي بوصلك قلتا ليهو لالا،،قامت جود قالت ليهو خليها انا بمشي معاها ،،ودعناهم ومشينا،،وانا صاره وشي وجود م اتكلمت معاي،
وصلنا البيت وطوالي مشينا الغرفه ،،دخلنا وقفلنا الباب،،جود قالت لي انتي هسى زعلانهه مالك؟؟قلتا ليها وانا م حاسه بنفسي،،كيف م ازعل والحيوانه ديك بتقول ليهو قدامي جوسي ،، لا وهو كمان بقول ليها جوجو،،يجوجو شنو اقول ليك😒💔💔،،
جود قعدت تضحك قالت لي احييي انا من جاسم البنغير عليهو دا،،اريتني جاسم 😉،،قلتا ليها جود م وقتك،،قالت لي ي بت وااضح شديد انك بتحبيهو☺❤،،قلتا ليها لا،،قالت لي انتي بتحاولي تقنعي روحك انو م بتحبيهو بالقوه،،قلتا ليها انا متاكده م بحبو،،قالت لي هو عارف قصتك؟؟،،قلتا ليها م عارفه وعشان كدا انا بقنع ف روحي م احبو💔..
"
اﻷشياء التي تاتي من طرف واحد مؤلمة،
مثل كونك تنتظر والأخر نائم..وتقلق واﻷخر يضحك وتحب و الاخر لا يهتم💔💫"