وجعتي

٤

صحيت الصباح بصوت رنيم،،رنو ي حبيبتي،،قومي قومي،،قلتا ليها صباح الخير💕قالت لي صباح النور 💜،،قومي استحمي وارح معاي،،قلتا ليها رنيم انتي عارفه انو انا تع...قاطعتني وقالت لي عارفه حبيبتي بس انتي لمتين تقعدي كدا؟،،دي حاجه ومكتوبه يعني انتي ح تعترضي حكمه ربنا؟،قلتا ليها بصوت مليان حزن:حكمه ربنا م قلنا شي ،،لكن ابوي ،،ابوي ي رنيم م راضي عني تفتكري حياتي ح تمشي؟💔،،رنيم ضمتني عليها قالت لي ابوك لو كان عارف الحقيقه كان رضى عنك بس زي م قلتا ليك دي حكمة ربنا وقولي الحمدلله،،ف ناس حالك دا م لاقينو وحاسدنك،،قلتا ليها يحسدوني ف شنو؟ من امي وابوي الماتو ولا من اخوي الطردني وقال انا م اختو ولا من شرفي الضاع،،ولا من راجلي الطلقني ولا من سمعتي الملت حلتنا ولا من الناس البقولو غطستا راس ابوي ؟ وريني يحسدوني على شنو ؟ وبقيت ببكي💔بالجد ي رنيم الوجع دا الله لا يوريك ليهو💔،،رنيم:حبيبتي خلاص قومي استحمي وحضرتا ليك لبسه بتلقيها ف الدولاب ولو م عجبك شيلي اي شي من الحاجه البتعجبك،،وانا بعد ساعه كدا بجيك تمام؟،، قامت طلعت وانا لسه  قاعده ف سريري،،بفكر انو هل كدا حياتي انتهت؟،، انا م مني فايده تاني؟،،انا م مربيه كويس💔لكن لكن والله م مني انا،،،بس كنت عايزه ادافع عن نفسي💔طيب اخوي سندي،،
الحمدلله على كل حال💔💕،،
قمتا دخلتا الحمام وعاينتا لوشي ف المرايه ولقيت  وشي طافي شديد،،وف هالات سودا تخت عيوني💔وعيوني واقعه ووشي مورم💔،،
غسلتو واستحميت وجبتا المصلايه وصليت ودعيت ربنا يزح الجبل الفي قلبي💔..
قمتا فتحتا الدولاب وعاينت للابسه وكانت اسكيرت اسود وقميص مخطط اسود بي ابيض وطرحه رصاصيه،،قلتا انا م لي نفس البس كدا..شلتا لي عبايه اسود بي دهبي وفيها نقش بالازرق،،وشلتا لي طرحه سوداء ،،ربطتها حجاب💕لقيت لي ف الدرج مكياج،،شلته عملتا حبه بس عشان تخفي التعب الفي وشي..،،قلتا امشي اصبح على خالتي سهى وحبوبه ،،مشيت المطبخ يمكن القاها،،وفعلا لقيتها ومعاها رنيم،،م لقيت حبوبه قلتا بتكون لسه نايمه..
رنيم قالت لي هسى كنت جاياك،،قلتا لي خالتي سهى صباح الخير خالتي☺💕،،عوجت لي خشما قالت لي يسعد صباحك..،،سكتنا مسافه. وتاني خالتي سهى قالت لي صحي ي بتي نسيت اقول ليك البركه ف امك وابوك..(قالتها بشماته)،،انا كتمتها ف حناني لانو الفيني مكفيني..قلتا ليها البركه. امه محمد..قالت لي واخوك وينو😏،،قلتا ليها قاعد ف البلد..قالت لي سمح مالو م يجي يلمك😏،،طبعا انا دموعي خلاص ف طرف عيوني..رنيم حاولت تداري الموقف وقالت لي يلا ي رنا نمشي م نتاخر ،،قلتا ليها يلا..
مشيت دخلتا الغرفه وشويه كدا جاتني رنيم قالت لي م تزعلي من امي عليك الله امسحيها لي ف وشي،،قلتا ليها لا ياخ العفو.. امك امي برضو،،قالت لي سمح جبتا ليك الشاي يلا اشربي سريع عشان نمشي،،قلتا ليها صحي انا لاهسى م سالتك ماشين وين؟،،قالت لي سايقاك معاي جامعتي🌚،،قلتا ليها بخلعه، لشنو؟ ،، قالت لي روقي ي بت ،،تمشي معاي تغيري جو واعرفك على صحباتي وكدا وبعدين م وريتك عندي ليك مفاجاة ،،قلتا ليها شنو،،قالتو لي خليها بعدين يلا نطلع،،وطلعنا على الجامعه ،،جامعه حلوه شديييد💜اتمنيت اني لو كنت بقرا هنا💔،،دخلنا وقعدنا ف الكفتريا ،،رنيم ضربت تلفون قعدت تتكلم وتتكلم،،،شويه كدا جونا شله،،سلمو على رنيم وعلي،،
قالو لي انتي رنا صح؟ قلتا ليهم ايوه..
وهم بدو يعرفوني على نفسهم{رغده، ريم،مهاب ، ميدو(سامي)}..
قعدنا كلنا وبدو يضحكو ويهظرو ❤ للحظه حسين انو قدر شنو الدنيا دي بسيطه وفيها ناس زي العسل،،
سالني مهاب قال لي بتبقي لي رنيم بت عمها طواااالي؟،،قلتا ليهو ااي،،ميدو قال سبحان الله ماف ذره شبه،،رغده قالت :بالعكس والله بتشابهو يعني لو شفتهم بتعرف انو ببقو لي بعض بدون تسال ❤،،ريم قالت لي حلاتك انتي ي رنّو❤❤،، رنيم قالت ،،اكيد انا الاحلى صح🌚،،ميدو قال ليها انتي ؟ انتي بالنيني😂،،قالت ليهو يخس عليك ي ميدو وحالتي بقول انت احسن واحد،،قلتا ليهم انتو كلكم قدر بعض؟ وف نفس الكليه؟،، مهاب قال لي انا هندسه معمار ف سنه تانيه مع رنيم ،،رغده قالت لي انا صيدله ف سنه تانيه،،ريم قالت لي انا طيران سنه تالت ،،ميدو قال لي اما انا صيدله سنه تانيه مع رغده🌚💓،،عاينتا ليهو ،،حسيت اني عايزه اقرا زيهم وبالذات الصيدله لانو كانت رغبتي💔،،قلتا ليهم يعني اكبر وحده هنا ريم😂ميدو قال لي تتشاف اصغر وحده،،وانتي قريتي شنو ي رنا؟ ،،انا م عرفتا ارد،،قامت ردت رنيم قالت ليهو كانت بتقرا ف جامعه تانيه بعيده  واحتمال تجي تتحول معانا،،رغده قالت لي تشرفينا ي حلوه❤،،قلتا ليها تسلمي،،مهاب قال لي قريتي شنو،،قلتا ليهو صيدله(كان نفسي اقراها😞)،،ميدو قال لي يعني دفعه😁✋،،ظابط ي زوله،،
مهاب قال لي اعملي حسابك بعدين م تدينا الدواء غلط بجي بشتكيك الشرطه😂،،رنيم قالت لي هوي اختي م بتتوصى😋شدي حيلك بس،،
انا مستغربه فيهم لانو اصلا انا م ح اقرا جامعه..
بعد تمينا ونستنا الحلوه رجعت البيت،لاقيت حبوبه مشيت سلمتا عليها ف راسها،،قالت لي كيفك ي بتي ان شاء الله كويسه،، قلتا ليها بخير دامك بخير،،قالت لي هيا بتي اضحكي وافرحي الدنيا دي فيها شنو عليك الله كلنا سايبنها وماشين،،قلتا ليها لا ي حبوبه ربنا يطول عمرك💕،،قالت لي سمح وريتك بي انو بكره ح تمشي مع رنيم الجامعه،،ف اللحظه دي رنيم جات،،قلتا ليها لا ي حبوبه مشيت معاها الليله كفايه تعبتها  خليها بكره تمشي براحتها،،رنيم قالت لي قصدها ح تتسجلي معاي ف الجامعه كلية الصيدله💙
انا بقيت مصدوومه كيف الكلام دا، حبوبه قالت لي ي بتي والله عايزالك تتعلمي وتقري زي اختك دي وتبني حياتك م تفتكري انو انتهت خلاص انتي ربنا ابتلاكي بس ..ي بتي شدي حيلك،،وقامت مشت،،عاينتا لي رنيم ،،جات حضتني قالت لي عليك الله م تقولي كلمه انتي زيي  والحاجه الدايراها لي نفسي بدورها ليك❤دموعي نزلت بغزاره💔💔بالجد حسيت بالضعف 💔جات خالتي سهى لاقتني ببكي،م اشتغلت بي ومشت،،قمنا مشينا الغرفه،،رنيم قالت لي انا بعد شهر ح اسافر💔،،قمتا نطيت قلتا ليها وييين؟ قالت لي ماشى البلد اهل امي لانو عرس بت خالتي ،،قلتا ليها خير ربنا يحيينا لحد الشهر،،دخلتا الحمام استحما وصليت وجيت رقدتا،،ماهي والا ساعات ونمته💕

"كل شي سيكون بخير ف النهايه🎶وان لم تكن بخير فهذه ليست النهايه🎵"

#قطع صوت قراءتها امها وهي بتكورك،،ي شهد ي شهد الحقييييي،،،جرررررري ونزلتا ليها ف شنو ف شنو ،،انتي كوييسه،،اخوي كويس،،،ابوي وينو،قالت ليييي شهد ضربت لي نور هسى وقالت العقد الاسبوع الجاي ويسوقك معاهو  طوالي وقال م دايرين جوطه ولا اي حاجه،،طبعا انا اتصدمته صدمه م عاديه💔كيف يعني انا لسه م قررتا اني اوافق بيهو،،،امي قالت لي ابوك اداهم كلمتو امبارح وانو شايفو كويس وم بكسر كلمتو💔،،،امي دا كلام شنو💔دي حياتي انا ي امي،،شنو ادا كلمتو ولا غيرو انا م عايزاهو ،،،ماف حاجه اسمها م بكسر كلمتو دي حياتي انا ،،،يعني بعدين وقت الطلاق ابوي م ح تجيهو مشاكل انا البتجيني💔،،قالت لي ي بت هوووي مهند دا زول كويس وسالنا منو الناس ولو فيهو شي كعب كان قالو لينا،،لكن براك المعقده،،انتي يختي عايزه تقعدي كدا لمتين يعني؟اصلو البت نهايتها راجل وبيت يسترا،،عايزه تقعدي تتعزلي ف دا م دايرهو ودا عامل كيف،،انتي هسى شفتي منو شي كعب؟عمل ليكي شنو،،كدي انتي امشي اقعدي معاهو عديل واحسبيها صاح ي بتي والله لو لقيت فيهو شي م ياهو م كان عرستو ليك💔انا دايره ليك الستره ودايره افرح بيك انتي اخر وحده فضلت لي عشان اموت مرتاحه ي بتي م تكسري بخاطري،،امي والله خاطرك جوه عيوني لكن...قاطعتني قالت لي شهد (بنهره)انتي تقعدي كدا لحدي م تعجزي ؟تاني زول بجيك مافي،،عايزه تقعدي بلا اولاد يشيلوك وانتي كبيره،،خليني اموت مرتاحه ياخ،،بعد اموت اطلقي بطريقتك(بزعل)،،مشيت بستا راسها وقلتا ليها م تزعلي اصلووو مش كدا انتي راضيه عني ؟ طوالي خليهم يعقدو،،ابتسمت لي ،،وفكت الزغروته وانا الدموع ف عيوني💔،،طلعتا غرفتي،،وانا شايفه طشاش،،ي رب دي مصيبه شنو😭،،والله اصلو م ارتحتا ليهو لي بعملو معاي كدا،، ،،اصلا انا م ح اخسر شي،،لو م عجبني نطلق وخلاص،،ضربتا لي ريم كلمتها وانا ببكي💔،،قالت لي هي العويره هااا،،تبكي ليها شنو،،خليك مره والنسوان ورا،،اوعك تظهري انك مجبوره عليهو،،اركبي ف راسو لو حاول يتجنن ليك اصلو م يهزك ولا ينزل دمعتك ،،هسى دي اضربي لي هو وقولي ليهو ربنا يتم لينا على خير خليك مبتسمه لمن تحيريهو،،لكن لو اتمسكنتي ليهو وتتبكي والله يركب ف راسك ويقول عويره ،،،امسحي دموعك حبيبتي بكره بجيك نتفاهم،،قلتا ليها تمام مستنياك،،قالت لي ان شاء الله يلا م تبكي ونومي لحدي م نشوف حل لي بكره❤،،وقفلتا منها..
حاولتا انوم بس م جاني نوم💔بفكر ف حياتي الاتقلبت دي،،كنت عايشه ف امان الله وم ناقصني شي،،يجي ف النهايه يجيني زي مهند دا الم بستحي على نفسو 💔،،،ي الله ياااه..
شنو هو شابكني البت نهايتها العرس وراجل وبيت يسترا💔انا م عوره عشان يسترني راجل..ولا ناقصه عشان يكملني راجل..والمشكله انو انا بقول راجل وانا الفي بالي دا شبه راجل ،،ياخ وقت دايرين يفرحو بي،،يفرحو لي مع الزول الاخترتو انا،،يعني شنو لو م عرستا،،الدنيا وقفت؟،،م هو انا لو لي نصيب بجيني ولو عمري 55سنه 😭💔ي رب حلها لي،،ي رب تلطف بي انا م عندي غيرك💕احساس انو انت زول م مرتاح ليهو ولاوعندك بيهو معرفه سابقه ولا اي شي..تجي  تعيش معاهو تحت سقف واحد💔،،

#اي حاجه بتجي بالجُبُر ي جماعه،،عدا الزواج دا لانو دا مصير ودا عُمُر حياتك الباقيه،،ودا مستقبلك ومستقبل اولادك زاتو،،ف لو م اخترت صاح ح تخش بعدين ف دوامه مشاكل وتصل لطريق مسدود واللي هو الطلاق...

*"واني اراك بعين قلبي جنه🎵،،ي من به مُر الحياة يطيب🌚💜"

*نتلاقى..