تزوجت طفلة

البارت 23
طق طق
هبه باستغراب لفت لامها:من جاينا ع الصبح ؟؟؟؟
ام هبه بنفس نظرات الاستغراب:ماندري !!
تو نشوف افطري انتي
هبه رفعت طاسة الحليب تشربها:اوك
ام هبه من ورا الباب:من؟؟
حسين توقع ان هبه تفتحله الباب تحشم شوية من امها:احم حسين ياخالتي
ام هبه انصدمت وفتحت الباب بحدة:تفضللل؟؟
حسين:جيت نرفع هبه لامتحانها
ام هبه بحدة:هبه تمشي بروحها
وكيف امس تاخدها من قدام تانويتها بدون ماتعطيني علم حتى والا تحساب راضية ع اللي صاار ابدا
نزلت دموعها :لكن اني اللي غلطت يوم وصيتك عليها والباين انك استرخصتها وبديت ف خيناتها هدا وعيني قاعدة ماغابت ستر الله باقي لما تغيب عيني شن بدير فيها هاليتيمة لكن تفكر بس(فأما اليتيم فلا تقهر )وبينك وبين ربك وحسبي الله فيك وياريت بعد اتم امتحاناتها طلقها توا مانبيش نشغلها عن قرايتها لينا رب كريم 💔
حسين انصدم من حدتها ومن كلامها :اسف ياخالتي
لف وركب سيارته طلع باسرع ماعنده
ام هبه تنهدت بتعب وندم مسحت دموعها وسكرت الباب بعد سمعت صوت هبه تنادي
ام هبه :اهو جيت
هبه لاقتها:من جي؟؟
ام هبه كملت طريقها للكوجينة:جارتنا
هبه باستغراب:جارتنا جاية من صبح الله ؟؟؟
ام هبه:تبي خبزة ... وانتي امتى بتمشي را امتحانك قريب يبدا
هبه تفكرت امتحانها انتخصت ومشت تجري لدار:حي عليا وقت
لبست شنطتها خدت كتابها والتوتر كل يوم عن يوم يغلبها وتراجع وتقرا وقفت عند الباب بصوت عالي :بااااي مااماااا
ام هبه من الكوجينة بصوت اعلى:قولي بسلامة
هبه ضحكت وطلعت سكرت الباب تحب تستفز امها بكلمة باي طول طريق تراجع وتقرا وناسية موضوع حسين كليا
ندى من وراها بصوت عالي:هبببببه
هبه وقفت شهقت ووسعت عيونها من الصدمة لفتلها بسرعة:اس اسسس اس فضحتينااا
ندى ولا مهتملها مصرة تنادي بصوت اعلى:هبببببببه استنييييي
هبه تتفت يمين يسار تشوف في حد منتبه او لا:يافضيحة اس
ندى وصلت عندها داهشة من الجري:وووه تعبتيني وينك من بكري نستنى فيك واخرتها تفوتيني وتمشي😒
هبه لفت تراجع وكملت طريقها ولا لفتلها
ندى تكنطت لكن تعودت على حركاتها الباردة بخبث:باااهي ياهبوش
مشت بخطوات سريعة وصلت عندها جبدت كتابها ومشت نجري وبصوت عالي تضحك:حسسسييييين ياحسيييينو ياحسحسحس والله دلعه حلو يابنت حسحسحس لفتلها ترفع حواجبها وطلع لسانها تقهر فيها بهالحركة
هبه تمشي بخطوات سريعة تحاول تلحقها وتلفت لناس اللي يشبحولهم ويضحكو توترت واحمرو خدودها بهمس:ندى ياهمي اوقفي بالله عليك مانقدرش نجري
ندى شبحتلها ع جنب:بالك تحسابيني حسين وبتدلعي عليا وتبيني نقيمك
هبه كل وجها تلون احمر نبضات قلبها زادت شوي وينفجر:ندىىى والله توقفي نقولك حاجة
ندى باستهزاء:هاهاه العبي غيرها
هبه بهمس:امس مشيت اني وحسين للمستشفى
ندى وقفت بصدمة ولفتلها:علاااش؟؟؟
هبه نزلت عيونها تجمع الدم في وجها:درت تحاليل وهكي
ندى بغباء:تحاليل شني
وسعت عيونها من الصدمة وشهقت حطت يدها ع فمها من الصدمة:نهارك يابنت فيك الايدز
هبه قدمت خطوتين لندى باستهزاء:بلا غباء هي وقت ع الامتحان و
ندى قطعت عليها ووخرت عنها:ردي بالك تفكري تمسني
هبه ضحكت :هههههههههه ياغبية تحليل حمل بلا عبط توا هي
ندى اطمنت وابتسمت وحطت يدها ع قلبها براحة:الحمد لله اهم حاجه مش ايدز ياويلي كنهدا نروح من تو نودع خوتي ومدرستي وحتى شنطي وكتبي💔😭
هبه:ياربي شن هالغبية يلي بليتني فيها🤦‍♀️
ندى:هههههه شهقت فجأة
شني ؟؟؟ تحليل حمل😨😳
هبه ضحكت ع تفاسير وجها كملت طريقها:صباح الخير🤦‍♀️😂
ندى وراها مصدومة:قصدك حمل انتي وبيبي يعني ولادة وماما وانتي وحامل ههههههههه😂 بصراحة مايطلعش عليك
هبه تكنطت😡ومشت بخطوات سريعة وخلتها وراها تنادي ولا اهتمتلها
هبه وندى وصلو لقاعة امتاحانهم ونسو كل المواضيع كليا وكل تفكيرهم محصورة داخل القاعة وورقة الامتحان
حسين نزل عليه كلام ام هبه زي الصاعقة يحاول يهدى اعصابه ويفرغ كل الشحنات ف السواقة يسوق بسرعة جنونية والسياراتمن جنبه تكلكسله بمعنى خفف السرعة وكل ماحد يكلكس يزيد يجري اكتر ويكلكس خلاص قرر ان يمشي للعمل ممكن يهدا شوي فجأة
بيييييييييييييييب
حسين انصدم بدون مايلحق يدير اي ردة فعل كان هو ف الهواء بين الشجر ع الطريق مرة اتنين تلاته حاول يفتح عيونه يشوف او يتكلم ماقدرش لين غاب عن الوعي بعد خمس ثواني من الدوشة والزحمة اللي جنبه
هبه
فجأة حست بضيقة ف صدرها غريبة وشوي تبكي من الضيق وبطنها تقلب تبي ترجع خلاص مش قادرة حطت قلمها عصرت عيونها وحطت يد ع بطنها ويد ع فمها
انتبهلها الاستاد قدملها بهدوء مايبيش يلفت انتباه الطلبة نزل شوي لمستواها بهمس:شني ياطالبة
هبه نزلت دمعة من عينها خلاص مش قاادرة اشرتله تبي تطلع
الاستاد:تمام
استني نجيب الورقة وقعي
قدم خدي الورقة ولفلها لقاها طالعة ومخلية ورقتها
هبه انهارت مشت تجري للحمامات لقت بنتين تبكي بحرقة وضيقة مش عارفة مصدرها من وين رجعت وغسلت وجها وطلعت لشارع مروحة للحوش اول ماوصلت خبطت
ام هبه:من ؟
هبه بتعب:اني
ام هبه فتحت الباب مستغربه:هبه ؟؟ خيرك مروحة بكري
هبه بدون ماتجاوبها خشت دارها رقدت ع فراشها غمضت عيونها تفكر ف حسين وكل ماتفكر فيه قلبها ينعصر اكتر وتضايق وتبكي تفكرت التلفون اللي جابهولها وقفت بسرعة ادور فيه وين حطاته مجرد مالقاته بربشت بربشت لين انفتح لقت مسج من حسين
الساعة 7:30
صباحو حبيبي استنيني ياروحي اني بنوصلك اليوم استاحشتك هلبا مبارح مارقدتش بكل واني نفكر فيك وفي ولدنا
انحبك ياحلالي😍
هبه حطت يدها ع فمها تحاول تمنع شهقتها لكن غلبتها وطلعت شهقتها ونزلو دموعها
9:30
اشرف:حنيني
حنين منشغلة تلم ف حوايجهم ف شنطة:همم
اشرف بابتسامه :ياحنيني
حنين:نعم
اشرف:ياحنيني
حنين لفتله متنرفزة :اوووف اشرف قلنا نعم
اشرف يضحك:ههههههه محلاك حتى وانتي حامقة
حنين نزلت عيونها تجمع الدم ف وجها ارتسمت ع شفايفها ابتسامه صغيرة:بارد
اشرف بحب يراقب في حراكاتها بهمس:انحبك
حنين لفتله:شني
اشرف بابتسامه:شن رايك نزيدو يومين تانيات هني ؟
حنين نزلت عيونها لشنطه تكمل شغلها:لالا خلاص استاحشت امي وحسين نبي نشوفهم
اشرف بهمس:واني
حنين بهدوء:اشرف
اشرف دايب:عيونه
حنين تحشمت:احم امم نبي نمشي لامي اليوم
اشرف ببابتسامه ادوب:حاضر
حنين:توا لما نروحو حطني عندها
اشرف بنفس وضعه حاط يده ع خده ويتأمل فيها بهيام:حاضر
حنين:امم ونبي نبات
اشرف فاق من سباته وهيامه وقف بسرعة وكأنه مقروص:لا
حنين ااستغربت في ردة فعله:علاش؟
اشرف يحك لحيته وراسم ابتسامه ع جنب:امم عمرك شفتي عروس ليها يومين متزوجة تبات ف حوش امها
حنين تجمع الدم ف عروقها نزلت عيونها
اشرف:نحطك توا وبعدة صلاة العشي نجي نروح بيك اوك
حنين هزت راسها بمعنى اوك
حسين نقلوه بالاسعاف لاقرب مستشفى
طابه الراجل ويعيط باعلى صوت طوارئ وين الطوارئ الراجل بموت بين يديا
طلعو الدكاترةوالممرضات من صوته العالي مهلوعين من منظر حسين المليان دم مش باينة تفاصيله ولا حتى لون شعره كل خدوش ودم حوايجه مشركات ومبهدلات غبرة ودم شعره كله دم وجه دم
الدكتور يأشر للممرضة:بسرعة الباريلا بسرعة
جت الممرضة باسرع مايمكن تجر ف الباريلا قدامها حطوه ع الباريلا وبسرعة دخلوه ع طوارئ
الراجل وقف برا دخل يده ف شعره ويد ف جيبه:يارب لطفك وعفوكربي يشفيك
لقي ف جيبه تللون طلعه تفكر ان لما قامه طاح منه تلفوونه حطه ف جيبه ونساه فتحه وفتح ع المكالمات لقي اخر مكالمة مسجلة حلالي عرف انها مرته اتصل بيها مرة ماردتش عاود الاتصال تاني
هبه طلعت من دوش سمعت تلفزنها يرن مشتله جري وقلبها يرعش ردت طول:حسييين وينك
الراجل:السلام عليكم يااختي
هبه انصدمت قعمزت ف مكانها من الخوف:من انت؟وين حسين؟
الراجل:يااختي صلي ع النبي اني فاعل خير لقيت صاحب التلفون مرمي ف طريق داير حادث قمته وجبته للمستشفى
هبه عصرت عيونها ويدها ضغطت ع التلفون وكف يدها في فمها بين سنونها حست بطعم الدم بهمس :و وينه
الراجل:ف مستشفى ال ......