البارت 3
انفتح الباب
تلفتنا اني وندى ومشينا بسرعة لدكتور
الدكتور بنظرة خوف:من فيكم جابها المريضة
حسين:اني
الدكتور:من تكون حضرتك ؟
حسين:أ أ راجلها
الدكتور:طفلة ف العمر هدا متزوجة ؟؟
حسين:المهم كيف حالها هيا توا شن طلع عندها ؟
الدكتور:نبوو دم ضروري جدا توا لانها نزفت هلبا وفصيلتها نادرة جدا o- باعتبارك زوج المدام اكيد عارف هالشي وبإذن الله مافي شي خطير عندها كسور ف رجليها وجبسناهولها طبعا تبي راحة راحة باش يتجبس الكسر
حسين: أ اي اي اكيد تمام
واني نفس فصيلتها
الدكتور:تمام كويس اول حاجه وقع ع الورقة هادي قبل وعبي البيانات وتعالالي ف الحجرة
حسين:تمام ان شاء الله
حسين يشوف للملف اللي بين يديه ويشوف لندى:شن اسمها؟
ندى بنظرة استهزاء:مش راجلها ؟؟ كيف ماتعرفش اسمها اماله ؟؟
حسين وصلت حدها عنده:شن رايك تووا تتكلمي خير مايصير شي مايعجبكش ياانسه
ندى بدون تردد:هبه ال...
حسين:شطورة وكم عمرها
ندى18
مكان الولادة:طرابلس
السكن:طرابلس
تمام كويس
حسين سكر الملف وطلع تلفونه من جيبه وتوجه لندى مدلها التلفون:كلمي بوها يجيها واني تو نمشي لدكتور ونفهمه ونطلع
ندى نزلت راسها بحزن:متوفي
حسين بزعل:الله يرحمه به خوها
ندى:ماعندهاش
حسين بزعل: به خوالها عمامها اي حد قريبها
ندى هزت راسها بمعنى لا بكل ياس وحزن
حسين زعل ع البنت وتأثر هلبا:مع من عايشه
ندى:امها حية
حسين:ماتخبريهاش تو تنشغل عليها وتخاف
ندى:ضروري نخبرها توا الساعه قريب 4 اكيد هيا ميته خوف عليها توا
حسين:اي صح تمام اتصلي بيها
ندى نزلت راسها:ماعندهاش تلفون
حسين باستغراب:به كيف بنخبروها توا؟
ندى:وصلني للحوش نخبرها وننروح
حسين:هي اطلعي به
ندى وحسين طلعو بسرعة متوجهين لسيارة وندى تنعت في ع زنقة هبه ومن زنقة لحوشهم هدا كله وحسين مصدوم من يلي يشوف فيه معقولة في حد عايش هني !!!!
انتبه لصوت ندى:اهوا الحوش
حسين شافله ووقف السيارة وزادت علامات الصدمه في وجه:هدا؟؟؟
ندى:اي خليك نخبرها ونجي اكيد تبي من يوصلها
حسين:تمام
ندى نزلت وقعدت تخبط ع باب لحوش مرة .. واتنين .. وتلاته ومافي من مجيب الباين الحوش مافي حد ولت لسيارة بتركب تشبح ف مرا تجري من بعيد شوي وتنادي عليها بصوت داهش وخايف:ن ندى ندىىى
ندى بحزن وصدمة:نعم ياخالتي
ام هبه:وين كنتو من بكري قالبين عليكم الدنيا وين هبه بنتي وين وينهاا
ندى بخوف: ه هبه هبه أ أ
ام هبه وخوفها زااد من خوف ندى:تكلمي خيرك وين
هبه ؟
ندىنزلت عيونها:واحني مروحين درنا حادث وهبه ف المستشفى
ام هبه توسعت عيونها من الصدمة وطاحت اغمى عليها
حسين انصدم ونزل بسرعة من السيارة قامها بين يديه ويكلم في ندى اللي ترعش وتبكي:افتحيلي الباب الخلفي بسرعة
ندى بسرعة فتحلته الباب وركبها وطار بيها لنفس المستشفى
وصل للمستشفى قامها وجوه الممرضات بالباريلا ودخلوها لطوارئ
حسين خاايف ومتوتر ومش عارف شن يدير البنت وامها قامهم بين يديه للمستشفى ياارب لطفك يارب استر يارب
وقف حسين شوية قدام الباب وتفكر الدكتوورر اللي قاله تعالالي مشاله بخطوات سريعة وخايفة خبط الباب
الدكتور:تفضل
حسين فتح الباب ودخل بكل تبات وثقة عكس البركان اللي ف داخله:السلام عليكم
عليكم السلام
تفضل معاي نسحبولك الدم
حسين:تمام
حسين توجه لسرير وتمدد وتنفس بقوة وتعب وغمض عيونه سحبتله الممرضة دم
وطلعت وهو قاعد ف مكانه وفي قلبه معركة من الخوف والتوتر والتعب
الممرضة:تقدر تطلع نص ساعة ويطلع التحليل ولو تمام نسحبو منك للمدام
حسين بتعب:تمام
طلع حسين من الحجرة متوجه لحجرة ام هبه وقعد على اول كرسي القاه قدامه وحط راسه بتعب واضح ع وجهه ع مسند الكرسي وغمض عيونه دقايق سمح الباب انفتح وقف بسرعة ومشي لدكتور
الدكتور بيأس نزل راسه:....
