البارت 22
حسين بهيام:انحبك ياطفلتي
هبه نزلت عيونها .. حاسة بحرارة ف وجها .. قلبها زادت سرعات دقاته .. حطت يدها ع الباب بتفتحه من جديد شد يدها لفتله باستغراب:!!!!
حسين فتح الدرج اللي قدامها وابتسم ع جنب ومدهولها وباس يدها بهمس:ان شاء الله يعجبك
هبه تحشمت وحسدت نفسها ع شخص هدا حست ان هو القطعة الوحيدة والفريدة ف العالم ان هو وبس يلي حنون ورمانسي هكي💜 نزلت عيونها للي بين يديها بابتسامة:شن هدا؟
حسين بابتسامه ادوب😍:انزلي شوفيها بروحك
هبه ابتسمت:امم به باي
حسين 😳:بس
هبه تفكر:امم وتصبح على خير🤔
حسين ضحك:به به تو نتحاسبو بعدين😂
سلميلي ع خالتي
هبه ابتسمت وخافت لما تفكرت امها نزلت طول
وحسين مشي لحوشه
هبه البسمة مرسومة ع شفايفها خبطت ع الباب بشوية
امها من ورا الباب:مني
هبه:اني ياماما
امها فتحت بسرعة شهقت:هبه
هبه بابتسامة:عيونها
ام هبه:خشي خشي
وينك لتوا خطمت عليا ندى قتلي هبه رفعها راجلها وين مشيتو وخيرك تأخرتي ؟
هبه تحشمت:كنا ندهورو وخطمنا ع الحوش شوية وروحنا
ام هبه:به تعشيتي ؟
هبه مستعجلة:لالا توا مانبيش نبي نقرا وبس وقت عليا
ام هبه :اي به خشي اقري تو نديرلك حاجه خفيفة ع السريع
هبه مشت لدارها:اوك
فتحت الدولا طلعت توته شورط وتيشرت خفيفات لونهم وردي بيبي وربطت شعرها فوق وطلعت كتبها وقعمزت تقرا وتفتح الصفحة هادي وتشوف للكراسة ومرة تتفكر ف الابلة شن قالت وشن شرحت ومرة تتفكر ف حسين وتبتسم لمجرد طيفه بين عيونها بس
طق طق
اشرف:حنيني هي فيسع الحوت برد را😍
حنين بمشاعر متلخبطة متحشمة وخايفة وتبي تتأقلم معاه على خاطر بيبيهم 💛 لبست سروال جينز وبلوزة فوق الركبة فضفاضة بيضه ووشاح احمر وحطت مكياج خفيف وبخت برفان وفتحت الباب طلعت اشرف واقف قدام الباب يستنى فيها وهو فرحان انه فتحتله المجال وحاولت تسامحه فجأة انصدم من لبستها الدم تجمع ف وجهه ضغط ع يديه عروقه البارزة شوي وتنفجر من عصبيته :شن هدا ؟؟
حنين مستغربة ف سؤاله وف نظراته اللي مليانه شرار :شني ؟؟؟
اشرف يحاول يضبط اعصابه ومايبيش اول يوم ليهم يقلبه نكد بهمس:حنيني .. لبستك ماتمشيش للبحر ره
حنين شافت لبستها:خيرها عادية ؟؟
اشرف:غيري البلوزة لون غامق والوشاح غامق مش لازم تقولي لناس ياهو اشبحولي بلبستك هادي !!
حنين انصدمت من رده:لكن شن فيها الوانهم عادية !!
اشرف خلاص شوي وينفجر:لا ياروحي مش عادية هي بسرعة غيري ونستنى فيك برا
حنين بدون نقاش لفت بتغيرهم وهي مش عاجبها الوضع غيرتهم لبست بلوزة شودة ووشاح اسود وفتحت باب الحوش وطلعت مش قدامه بدون ماتكلمه او تستناه سمعاته تنهد وتبعها بخطواته وصلو عند كشك يبيع حلوة نشاف(غزل البنات) بدون ماتحس بروحها ابتسمت ولفت لاشرف تضحك فرحانه:شفتها اشرف محلاااها تهبلللل نبي منهااااا ومشت للكشك بخطوات سريعة
اشرف ابتسم لفرحتها زي فرحة الطفل الصغير ياي يمشي لدكان اللي ف راس شارعهم ويعطيه صاحب الدكان حلوة بالبلاش وتبعها:شن تبي لونها
حنين تتفرج عليهم وتفكر :اممم وردية
اشرف ابتسم بهمس:حاضر
وحدة وردية لو سمحت
الراجل:دقيقة بس
لفها ف ثواني ومدهولها بابتسامه:بصحة
حنين خدتها وهي فرحانه ومش مركزة للبراكين الوالعةجنبها
اشرف انصدم من ابتسامته ونظراته واشتعلت الغيرة في قلبه بدون مايلتفتله حطه الفلوس وشد يد حنين
ومشي
تلفون يرن
هبه انصدمت ف الصوت من وين جاي قعدت ادور فيه لين لاقاته من الكيس متاع حسين فتحاته لقت فيه بوكس مستطيل مغلف فتحت الغلاف لقت باكو تلفون A9 ازرق يهبللل شهقت مصدومة فيه وفرحانه لقاته يرن باسم أوكسجيني🔥💛 بربشت بربشت لين انفتح وسمعت صوته:الو
هبه:الو
حسين بحنية:عجبك
هبه متشققة من الفرحة:هلبااا😍😍
يسلمووو حبيبي
حسين بصوت عالي مصدوم متفاجئ متكهرب فرحان:شني ؟؟
هبه عرفت قصده تحشمت حاولت تغير الموضوع:ماهو اني توا شوفته كنت نقرا
حسين سكت وفجأة ضحك:ههههههههههههه توا شن جاب هدا لهدا
هبه تجمع الدم ف وجها بهمس:حسيييين
حسين داب:عيونه
كملو هدرتهم ربع ساعة...🔥😉
حسين:هبه
هبه:نعم
حسين:امتى اتكملي امتحاناتك
هبه ضحكت:هههههه اني كيف بديت
حسين:اوووف ياريتنا تصالحنا ف نهاية مش البداية
هبه ضحكت:لا ياشييخ😂
حسين بجدية:المهم
هبه تلكمست من جديته:شني؟
حسين:اخر يوم في امتحاناتك امتى ؟
هبه تفكر:امم الخميس اللي بعد الجاي
حسين:تمام الخميس بعد المغرب نكون عندك نروحو حوشنا😍
هبه فرحت وضايقت انها بتسيب امها:امم خلاص يعني بنسيب حوشنا
حسين هي عاد فكينا من الدراما
عند اشرف وحنين
قعمزو ع الموجة بعد ماشري شاورما وبيبسي وقعمزو يتعشو وهما كل واحد يحكي بصمت همومه واحزانه وافراحه للبحر 💔 يغمض عيونه ويتنفس بعمق وكأنه انزاحت عنه هموم الدنيا وقاعد ياخد ف اكسجين نضيف نقي صافي جميل💛
حنين تنهدت بعمق :محلاه ومحلا جوه وصوتهو ريحته وحتى لونه رفعت عيونها لسمي ونزلتهم شوف النجوم كيف نعكذسو ع البحر زي المرايا غمضت عيونها وتنفست بعمق:اه محلااااه
فتحتهم ولفت لاشرف وشدت يده
اشرف انصدم من حركتها
حنين والفرحة واضحة ف لمعة عيونها:اشرف شن رايك نسكنو هني ع البحر اه شن رايك لفت للبحر وغمضت عيونها والابتسامه مرسومه ع شفايفها
الفجر ناخدو فطورنا ونفطرو ع الموجة ونشوفو الشمس لما تطلع ونتعشو ع البحر ونودعو الشمس حطت يدها ع بطنها ولما يكبر ولدي نجيبه يلعب ع الموجه نبيه يشم هوا نظيف وصافي باش حتى نفسيته تكون مرتاحة مايخافش من المية يجري ع الموجه اهه محلاه هالشعور
لفتله شن رايك
اشرف حاط يده خده يتأمل فيها ومبتسم:حلو خيالك
حنين:امم عارفة شن رايك نخلوه حقيقة
اشرف وقف ولفلها:توا نروحو نرقدو الساعة12
حنين مشت:اووف يعني لا
اشرف يمشي وراها ومبتسم ع عفويتها وطفوليتها
فتحت باب الشاليه خشت لدوش دوشت حست بان كل جسمها ارتخي تبي النوم وبس للفت روب الحمام ولفت شعرها بفوطه وطلعت قعمزت ع الزيانه طبعا اشرف جايبلها كل شي😉 خدت كريم ترطيب حطت للرجليهة وليديها و ومرطب لوجها وكريم لشعرها وخدت مشطها تمشط فيه لمحت اشرف ف المراية متكي ع السرير ومركز مع كل حركة تتحركها توترت حطت المشط وخدت بجامتها الحمرا الحرير وطلعت لبستهم بسرعة ف صالة خايفة من اشرف ممكن يطلع في اي لحظة بعد كملت اطمنت ولت لدار تمشط شعرها لقت اشرف مش ف سرير لفت ولا ف دار شوي وتسمع صوت ف الحمام تجمع الدم ف وجها😳😱 بهمس:نهار ابيض معناها شافني
اشرف من وراها:اي شفتك وطالعة تهبلي😉
عند هبه متوترة وكل شوي تقرا ف تركينة وكل مرة تفتح صفحة وشادة كراسة تكتب فيها مرة مرة
مرة مرة تحس بمغص ف بطنها لكن من توترها وخوفها من الامتحان مش منتبهتله شوية وسمعت الفجر ياذن شهقت بصوت:ياويلي ماكملتش😱
توترت وحاسة شوي وتنفجر بالبكي😭:ياربي ساعدني
غمضت عيونها وتنفست بعمق:اوك اوك هبوش انتي شطورة وحتكملي اصلا مازال قريب 4ساعات مازال هلبا وقت ماتخافيش ان شاء الله اتكملي وتراجعي حتى ايووواه هكي بالزبط انتي شطورة وتقدريها روقي بس باش تحفظي وتوا نوضي صلي الفجر وادعي ربي يوفقك اي انتي شاطرة ياهبوش انتي شطورة وحتقدريها
ووقفت مشت للحمام تتوضى طلعت لبست بدلة الصلاة وفرشت ساجدتها الله اكبر الله اكبر بدت ف صلاة
كملت صلاة ودعاء رجعت من جديد لكتبها وقرايتها وانسجمت ف قرايتها ماحستش بروحها لين سمعت صوت امها تخبط ع باب دارها:هبوش نضتي ماما
هبه :مارقداش ماما من بكري نقرا اني
ام هبه فتحت الباب:خيرك مارقدتيش يابنيتي
هبه نزلت عيونها لكتبها:مالحقتش
ام هبه طلعت ربي يوفقك يارب
هبه رفعتلها عيونها بترجي :اي اي كتري منه هالدعاء بالله عليك ياماما كتري
ام هبه بحنية:وانتي توصي يعني؟ بدون ماتوصي يابنيتي من يوم اللي حسيت بحركتك ف بطني لليوم هدا مافيش يوم فات الا ودعيتلك فيه
هبه بابتسامه:ربي يحفظك مامتي ليا ومايحرمني منك ومن دعواتك
ام هبه ابتسمت وطلعت
فرشت ساجدتها وصلت وطلعت للمطبخ توتي فطور لهبه حطت سفرة صغيرة فيها طاسة حليب وطرفين جبنة وطرف طماطم مقرض وخبزة ورفعتهولها ف دار حطاته قدامه :اليوم مافيش طلوع بدون فطور
هبه ابتسمت:حاضر
ام هبه :هي كولي فيسع ونوضي وقت عليك
طق طق
