البارت 4
الدكتور نزل راسه بيأس:مع الاسف دبحة صدريه
حسين:به كيف حالها توا
الدكتورة:ان شاء الله كويسة لكن لازم انديرولها قسترة على القلب اليوم قبل غدوا ولو موافق وقع وبعد ساعه ندخلوها ع العمليات
حسين خلاص مش قادر يتحمل بيصيرله انهيار لكن حاول مايبينش وبكل ثقة: تمام ان شاء الله خير موافق ...
الدكتور: تفضل معاي باش توقع ونجهزوها للعمليات
حسين قدم خطوتين:ان شاء الله
مشو الدكتور وحسين للحجرة مسك القلم بين يديه ومن لحظه هادي حس ان ام هبه وهبه عيلته واهله وناسه واحبابه وف امانته وانه مسؤول عليهم قلبا وقالبا وقع وطلع بسرعة من عند الدكتور ماشي يشوف تحليله شن صار فيه لاقاته الممرضة وقالتله تفضل معاي تحليلك كويس ولازم نسحبولك الدم توا
حسين: اوك ان شاء الله
مشي حسين ورا الممرضة وهو حاسس روحه جبال الدنيا فوق كتافه البنت وامها ف المستشفى هني وحدة مغمى عليها ووحدة انجلطت بسببه اااه يارب صبرك مسح على وجهه بتعب وكمل خطواته للحجرة اللي فيها هبه راقدة زي الملاك الطاهر البرئ الحزين الحزن باين على وجهها حتى وهيا في سبات عمميق باين عليها اليتم باين عليها الحزن باين عليها الضيق تنهد بضيق وهو يشوف لبرائتها حرام تعيش الشي هدا كله وفي العمر هدا تمدد ع السرير اللي جنبها بعد طلبت منه الممرضة وعيونه ومازالو متعلقات فيها سحبت منه الممرضة الدم وطلبت منه يرتاح ف مكانه مايتحركش باش يرتاح شوي
حسين هز براسه:تمام
طلعت الممرضه
حسين التفت على جنبه اليمين مقابل هبه يتأمل فيها لين خداه النوم وغفي شوي وفاق ع صوت انين والم
ناض مسح على شعره بتعب وفك الكيلولة طلع يشوف الممرضة
يمشي بتعب واضح جسديا ونفسيا لكن كل مرة كان يخفي تعبه وضيقه ورا الثقة والهيبة:لوسمحت دكتور المريضه هبه فاقت والباين انها تتوجع
الدكتور:تمام توا نعطيها مسكن بعد نجبسولهارجليها
حسين هز براسه وكمل طريقه يشوف ام هبه شن صار فيها
عند هبه اول مافاقت حسيت بوجع والم فضيع ف كل اعضاء جسمها وصداع فضيع ف راسها صوتها بعييييييد وكاانها قاعدة في مكان عالي وبعيد ماتسمعش ماتشوفش شوي شوي بدت الرؤية توضح عندها صوتها بدي يرجلعها لكن حاسه ان لسانها رزين تتألم وتتوجع بصوت واطي ومليان الم:ماما ماما
قطع صوتها صوت الباب اللي نفتح ودخل الدكتور:الحمد ع السلامه ياهبه
هبه:شن صارلي اااه رجليا مش حاسه بيهم ااه بنموووت اااه
الدكتور:متخافيش مافي شي بإذن لله عندك كسور ف رجليك تحملي شوي توا بنجبسهولك
هبه بصوت متقطع من الالم والوجع:اااه ماما نبي ماما
وين اااه
الدكتور بنظرة اسف وحزن:....
