اني:ماما وين وشاااحي
ماما:مانندريش دوريه بروحك
اني:اووف مالقيتاش
وبعد جهد جهيد القيته لبست وشاحي ولبست ساعتي البيضه وخديت شنطتي وطلعت
ماما:درتلك نصيص رب وسنتوب كوليه ف طريق
اني بنظرة يأس وف اعيييت اني خاطري نفطر زي البنات مفروم وبريوش:سلمها ياربي ماماتي سلمو دياتك هي باي
ماما:بحفظ الرحمن
طلعت لشارع وناكل ف نصي ونشرب ف عصري واني نفكر لامتى بيقعد حالنا هكي لامتى بنقعدو ندورو ف الخبزة اليابسة ونشروها باش تكلف ارخص لامتى بنقعدو ندينو من واحد لواحد واحني مش عارفين كيف بنخلصو ديونا لامتى هدا كله اوووف وبطفش رمت باكو السنتوب وكملت طريقها وفجأة ؟؟؟
سمعت صوت واحد يعااارك ويسب ف اللي رمي السنتوب
غمضت عيونها وعضت شفايفها بقهر والتفتتله
وهو ف سيارته ال BMW السودة ولابس ومتأنق وطرف يهبل 😍
نحكيلكم شوية ع شخصيات الرواية💜
هبه بنوته طيوبة عسلل وتهبل عمرها 18 سنة تقرا تالته ادبي ف تانوية قريبة من حوشهم طولها وسط وضعيفونه وقمحية وشعرها طويل وفيها غمازة تقتل😍 وحيدة امها بوها توفى قبل 5 سنين ف حادث سير كان يخدم عمل حر امها ماتخدمش حالتهم على قدهم ساكنين بالايجار
ومن لما توفى بوها وحالهم يرثى له امها تخدم ف مشغل خياطه وخبزة التنور باش يحاولو يعيشو مستورين ويخلصو ايجارهم
ندى:صاحبة هبه زي الوخيات تشبه لهبه هلبااااا نفس المواصفات ونفس الطبع لدرجة ان الناس يحسابوهم خوات
حسين:ضابط طويل وعريض قمحه عيونه سود وشعره اسود وعنده لحية😍 عمره 30 سنة عصبي وغيور ومغرور
نقلوه العمل من طرابلس لمنطقة تانية
نرجعو لقصتنا😍
حسين مطلع راسه من السيارة وهو حامق طاريتله : وين عيونك ماتشوفيش وراك في سيارة اشبحي زين مرة تانية صبح يافتاح عليك نهار هو
هبه:واقفة مصدومة خافت شوي لكن بسرعة حست بروحها:والله شن بنديرلك من قالك افتح الروشن
فاتت هبه وسيباته
وصلت لتانوية لقت صاحبتها:صباااحو
ندى مقعمزة تكتب ف واجبها:صباحو ورد
هبه:كالعادة ماكتبتيش ف الحوش
ندى:اي امس رفعنا بابا للبحر روحت موخر وتعبانه رقدت طول
هبه بنبرة حزن:اه كويس
خشتلهم ابلة الجغرافيا وكمل يومهم عادي
تم الدوام وطلعوو
ندى:اوووف واخيرا امتى بس نخشو للجامعه مافي حد يقولك خيرك غبتي ولا ليش محضرتيش
هبه بنبرة حزن ونظرة يأس:اي صح
ندى:حي ماقتلكش
هبه:شن صار
ندى:امس و ... فجأة
