البارت25
هبه يديها يرعشو وجسمها يرعش قلبها يرعش ورمش جفونها يرعش تستعد لانهيار دموعها ف اي لحظه بهمس:بسم لله
قدمت بخطوات هادية لين وصلت عنده وجه كله خبوش وباين ع وجه التعب يده مجبسة عيونه ناعسات ومش قادر يقيمهم دمعت عينها لما شافته بهمس:حسين
حسين يبي يتكلم يبي يقوللها اطمني وارتاحي لكن لسانه رزين بهمس تاعب:ي ي يا عي عيونه
هبه ابتسمت من بين دموعها:الحمد لله ع السلامه
حسين لف راسه ع جنب واشرلها يبي اميه
هبه بسرعة مشت جهة الميه فتحت الشيشه وحاولت تساعده وتشربه:بشوية بشوية
حسين يشرب ويحس ان كل جسمه متكسر مش قادر يقيم يده ولا حتى يرفع عيونه
هبه بابتسامه ردت الميه ع الكومادينا وسانداته لين رجع مكانه ع السرير بحنية:صحتين حبيبي
حسين انصدم ف كلمتها وفرح بيها شوي وحيطير منها❤ لكن مش قادر يقوللها ابتسم كرد فعل وبس
غمض عيونه وهو مبتسم فرحان وتعبان راح ف سبات عميق
هبه عيونها المدمعات معلقات ف عيونه التعبانه المغمضه وتستحمد ف داخلها ان ربي شفاه بهمس :الحمد لله
نزلت لمستواه غطاته كويس وطفت الضي وسكرت الباب بهدوء وطلعت
لاقاها الدكتور
الدكتور بابتسامه:اطمنتي
هبه دموعها متحجرة ف عيونها ابتسمت:اي الحمد لله
الدكتور:ان شاء الله الحمد لله ع سلامتك خلاص اليوم تقدري تروحي لان توا بنرفعوه للعناية
وغدوا الصبح تعالي لو تحبي
هبه هزت راسها بمعنى اي :ان شاء الله
الدكتور:ان شاء الله لاباس عليه
هبه ابتسمت بتعب:ان شاء الله
وطلعت تايهة مش عارفة شن ادير وكيف تروح سيارة ماعندهمش امها مش معاها تلفونها مش معاها
تنهدت بضيق الدنيا ومافيها احساسها بفقدانها لسندها. لدنيتها.لاكسجينها.بوها💔 وكل مرة يكبر الاحساس هدا معاها احساس انك تموت ويتكسر كل عضو من اعضاء جسمك لكن انت عايش؟ احساس جريح ف العمليات لكن بدون مخدر؟احساس ام فقدت ولدها لكن هو معاها ؟ احساس متعب وكأنك جريح وتاخد ف الاسبرين؟ اللهم ارحم مواتنا💔 غمضت عيونها:آاااااااااااه ياربي عفوك ورحمتك
حست بيد انحطت ع كتفها
استغربت نزلت عيونها للي يد اللي ع كتفها نزلت دموعها وابتسمت بحب رفعت عيونها توسعت ابتسامتها اكتر حضنتها باقوى ماعندها وفرغت كل اللي ف عيونها وفي قلبها بكت بقهر بكت بحرقة بكت بحب بكت بتعب وبفرح وخوف كل مشاعر واحاسيس الدنيا حست فيهم في لحظتها بهمس تردد:الحمد لله الحمد لله الحمد لله
ام هبه غمضت عيونها بتعب وفرجت عن دموعها ينزلو بصمت ساكته لكن قلبها جريح:حكم الله يابنتي و لا اعتراض على حكم لله
هبه بعد هدت شوي قامت راسها لعيون تبي تشوف فيهم اي شي يطمنها
ام هبه نزلت عبونها لان عرفت بنتها تبي امان تبي امل تبي فرح تبي راحة لكن هادم مش موجودات ف عيونها؟:هي تعالي عمك يستنى فينا برا نروحو اليوم ونرجعو غدوا بعون لله
ام حنين ف الكوجينة تووتي ف سفرة العشي وهي كلها فرحة وراحة بوجود بنتها مع ان في غصة بسيطة ان ليها فترة ماشفتش ولدها لكن مرتاحةان يكلم فيها يوميا يطمن عليها:كيف حال راجلك ؟
حنين بتعب:كويس والله كويس سألتيني عشر مرات اليوم راهو😂
ام حنين:ههههه هدا نسيبي الوحيد عاد كيف😂
حنين تنهدت:اي
ام حنين بخوف:ترا نوضي ياحنين جيبلي تلفوني خلي نتصل بحسين ماتصلش بيا اليوم
حنين باهتمام ناضت جابتلها التلفون ومدتهولها
ام حنين اتصلت وبعد دقيقة لفت لحنين بخوف:مايردش
حنين خافت اكتر من امها لكن حاولت ماتبينش:اكيدة مروح من العمل تعبان وراقد او طالع مع صحابه وناسي التلفون ومرات ف الحمام اي اي اكيدة ف الحمام
حطت يدها ع يد امها:ماتشغليش بالك بعون لله مافي شي
ام حنين ونغصة ف قلبها زادت ووجعتها اكتر بصوت مهزوز وخايف:ان شاء الله يارب ان شاء الله
عم الصمت لدقايق كل وحدة تفكر ف حسين وين وشن يدير علاش مايردش؟؟
فجأة رن التلفون
بسرعة التفتو لتلفوون وكأنهم على امل ان المتصل حسين
لكن خاب ظنهم لما قالت حنين:هدا اشرف
ام حسين سندت راسها ع المسند بتعب:ردي ردي
حنين ردت:الو
اشرف:الو شن بتروحي؟
حنين:اي
اشرف:اوك دقايق وتلقيني ع الباب
حنين:ان شاء الله
اشرف:باي
حنين:باي
اول ماروحت مع امها على طول دوشت ورقدت وماناضت الا قبل صلاة المغرب بشوي بتعب وحاسة راسها صداع رهيب ناضت صلت المغرب وولت لدارها تحاول تقرا
فتحت كتابها وماعندهاش لا نية ولا بال انها تقرا تضغط على روحها بسيف تقرا شوية وتسرح ف حسين شوية
ع الحال هدا لصبح طلع عليها الصبح وهي قاعدة فايقة
لبست بدلتها التانوية وهي مافيهاش حيل انها تمشي كل هالمسافة خاطرها تمشي لحسين لكن ماتقدرش امتحانها؟
طلعت من الحوش بكسل وتعب بعد ماخدت نصايح ودعوات من امها مايكفيها
كالعادة سمعت ندى تنادي من وراها لكن لغير العادة وقفت استنتها
ندى وصلت بعد دهشت:صباحوو
هبه كملت تمشي بتعب وعيونها ذبلانات يحكو ان في شي
ندى استغربت بهدوء:هبه
هبه شبحتلها ع جنب بنظرة مليانة تعب ودموع
ندى انصدمت من عيونها شهقت وحطت يدها ع فمها:هبوش حبيبي خيررك تكلمي
هبه بدون ماتلفت بهدوء:حسين دار حادث
ندى زادت شهقتها وتوسعت عيونها:حسيييين
شن صارله ؟ وكيف حاله ؟
هبه:قاعد ف المستشفى
ندى:به شن صارله
هبه رفعت عيونها لفوق ماتبيش دموعها تنزل:تقريبا مافيه شي ايده انكسرت
ندى:باهي كويس الحمد لله به علاش دايرة ف روحك هكي انتي وكأنه ميت؟؟؟
عم الصمت بيناتهم لين وصلو ودارو امتحانهم اللي كان سيء بالنسبة لهبه
طلعت هبه لقت امها واقفة جنب سيارة تستنى فيها
هبه استغربت من جيتها
ام هبه:شن جاوبتي
هبه هزت راسها بمعنى اي
ام هبه تنهدت: ان شاء الله به هي اركبي بنمشو لحسين
هبه رفعت عيونها لامها بدموع فرحانه:حقاا
ام هبه ابتسمت لفرحتها:اي حقا
هبه ركبت على طول ودقايق الطريق حستهم ساعات تبي توصل باي طريقة بسرعة
واول ماوصلو ام هبه:يعطيك صحيحتك ياحاج وبارك الله فيك وسامحنا تعبناك
الحاج ابو ندى برحابة صدر:لا والله مايسالش الناس لبعضها يابنيتي
ام هبه:بارك الله فيك
الحاج نزل:ننزل معاكم نتحمدله بسلامه
ام هبه:يبارك في عمرك وف صحيحتك
خشوا للمستشفى
وع طول هبه مشت لريسبشن
هبه:سلام عليكم
الريسبشن:وعليكم السلام
تفضلي
هبه:حسين ال... وين موجود
الريسبشن:ف العناية
هبه:تمام شكرا
الريسبشن:العفو
هبه وامها والحاج مشو ادور ف العناية لين لاقتها ممرضة وسألتها وصلت للعناية ع وصلتها شافت دكتوره
هبه بخوف:دكتور كيف حاله حسين؟
الدكتور بابتسامه:كويس الحمد لله بنكتبله خروج توا
هبه تنهدت براحة:الحمد لله
الدكتور كتبله خروج وقال يطلعوه لغرفة عادية وبعد ساعه يطلع الحاج معاه داخل بروح بيهم
فاتت الساعة سنين بالنسبة لحسين وهبه
حسين سانده الحاج وطلعه لسيارة ف الطريق
حسين ينعت ف الحاج ع طريق حوشه وصلو لحوشه نزل الحاج يساند حسين اللي يشوف للمرايه يبي يلمح عيون هبه
هبه شافت لامها بعيون ترجي
ام هبه فهمت بنتها بابتسامه:انزلي وقولي لعمك الحاج يفتحلك الكوفني جبتلك حوايجك وكتبك
هبه بابتسامه مليانه فرح:محلاها ماما
ونزلت
حسين استغرب ف نزلت هبه لكن ماعلقش
وصلو للحوش
هبه:عمي الحاج بالله افتحلي كوفني السيارة بناخد شنطي
الحاج برحابة صدر:حاضر يابنيتي حاضر
هبه ابتسمت:يحضرلك الخير يارب
حسين ابتسم بفرح لوجود هبه
الحاج طلع دقايق وجابلها الشنطة
الحاج:تفضلي
هبه:يبارك فيك ياعمي وسامحنا في تعبك
الحاج:الناس لبعضها يابنيتي
تبي حاجه مايحشمك شي قولي
هبه ابتسمت :بارك الله فيك ماتقصرش
الحاج:هي السلام عليكم
هبه:وعليكم السلام وسكرت الباب
حنين بتعب مسندة راسها ع سريرها ومافيهاش حيل تنوض مشغولة ع خوها وخايفة عليه
اشرف طلع من الدوش فرحان ويغني:صباحووو حنيييني الحلو
حنين بتعب:صباح النور
اشرف جي لجتها وقعمز ع حاشية السرير بخوف:خيرها حبيبي تعبانه؟ مريضه؟ تبي نمشو للمستشفى؟
حنين بخوف رفعت عيونها لعيون اشرف وكأنه تببه يطمنها:حسين مايردش من امس
اشرف تنهدت:هادي بس بسيطه اكيدة يكون مشغول او مش فاضي تبي نمشوله نمشوله
حنين نقزت من السريربفرح:اي ياريت
اشرف ابتسم لفرحتها:اماله هي نوضي وتي رو
حنين بدون ماتستناه يكمل ناضت تجري للحمام
اشرف :هههههه بشوية على ولدي
بعد نص ساعة طلعو حنين واشرف وركبو سيارتهم
حنين غمضت عيونها وتنهدت:بسم لله
حسين متكي ع سريره بتعب لكن فرحته بوجود هبه جنبه نساته تعبه:هبوش
وهبه متكية جنبه وفرحتها ماتقلش عن حسين:ياعيونها
حسين غمض عيونها وبهمس:استاحشتك
هبه نزلت عيونها وابتسمت:حتى اني
هبه رفعت عيونها:جعان ؟شن تبي نديرلك الغدي ؟
حسين بهيام:مانبي شي خليك جنبي بس
هبه وجها احمر نزلت عيونها:لا ضروري تاكل
حسين غمض عيونه بهيام:بعدين
عم صمت لدقايق
حسين:هبه
هبه:نعم
حسين:كيف حال ولدي
هبه حطت يدها ع بطنها وشهقت: هيييي نسيته
حسين استغرب:كيف نسيته
هبه حطت يدها ع شعرها وعيونها زعلانات:كلا منك
حسين ضحك بتعب:ههههه وشن دخلي اني
هبه نزلت عيونها:نسيتني فولدي
حسين:ههههه مش قتلك طفلة وربي طفلة
هبه خبطاته ع يده بدلع:معاش تقول طفلة كبيرة اني
حسين سند يده بيده التانية:اااااه بشوية
هبه كتفت يديها وشبحتله ع جنب:تستاهل اصلا انت الشيباني
حسين:هههههه به به شيباني شيباني كل شي ولا زعلك
طق طق
حسين وهبه شافو لبعض باستغراب
هبه ابتسمت:هادي اكيدة ماما
حسين اقتنع شوي:ممكن
هبه مشت بتفتح الباب:جيت جيت
وفتحاته
صدمة
