الحلقة السابعه
ونردو لي 2013
خلطت معايا همومي على فراقي انا وعبدالسلام😢😢
تعبت شكله الهم مكتوبلي العمر كله 😭😭
وكملتها نمشي ونجي ع الثانوي وعقلي مع عبدالسلام ونشوف فيه يجي ياخذ في اخته ولا كأنه كان حبيبي وقعدن الأبلات يشكن من مستواي وكملتها كل صبح طالعه ع الساس عشان ازي ومشاكل
انا وأبلات شؤون الطلبه
وكملنها منتقداتني عشان جسمي
كملتها بين الأسواق نشري فالجاكات وكل مانجي للمدرسه لازم يطلعن عيب لعند يوم صارت مشكله بيني وبين وحده من الأبلات العوانس😒
فاطنينلها النوعيه هذي
الأبله........مرام☺ تفضلي قدامي للشؤون ماشالله انتي بنديرولك فريق خاص 😒😒
مرام.........أبله حرام عليك والله هذي الجاكه المليون نشريها وتقوليلي ضيقه الله غالب انا هكي جسمي
الأبله.........أنا نبي نفهم ليش الجاكه تجي واسعه من كل ناحيه إلا من عند الصدر اكيد تحشي فيه او تلبسي في حملات الحشوه عارفه حركاتكن يالجيل الجديد
مرام..........😢😢😢 الله غالب يا أبله كنك انتي حرام عليك 😭😭 ليش اديري هكي هذا جسمي خطيني وراس بوك ومعش كملت كلامي انهرت😭😭😭😭😭😭 ونبكي بعبره وهي ولا كأنه ماتحس
..........................
جسمي كان سبب مشاكلي في كل شي
الشي اللي تعرضتله انا وصغيره من اقرب الناس اللي هو بابا
وبعد كبرت كانت نظرة الرجاله ليا نظرة الشهوه
وكنت نتعرض للكلام من البنات ع جسمي وانتقادات
تعبت ياربي 😭😭 والله خلاص شن ذنبي انا
أه يا خاطري المكسور😭😭😭😭
..................
وسقطت وكانت أول مره نسقط انهرت مش متوقعه الشي هذا 😭😭😭😭😭 كرهت روحي
طبعآ كان في دور ثاني
ماما............خلاص يا ميمي تعوضيها عين حق ربي تعوضيها فالدور الثاني
مرام........ياماما ماصدقت كملت انا 😭😭😭 انا مافيش حاجه معفنه ماتعرضتلها وكلام الناس اللي ولله ما دايره حاجه منه ياماما تعبت ومافيش حد يسكتهم ماعنديش سند انا
....................
سئ جدآ أن تحمل هموم ليست مناسبة
لسنك في وقت المفروض أنك
في أجمل أيام حياتك
....................
وجا الدور الثاني
والله جهد كبير بذلته رقدت الساعه 4:00 فالفجر قرايا 😫
الساعه 7:00
ماما.........مرام صبي نوضي راجعي وألپسي بسرعه
مرام .......نعليا نعسانه موت😪😪😪 شوي بس
ماما.......ًصبي ياكسوله 😡😡 سدك خلاص صبي كلمة وحده 😠😠
مرام........نعليا ياربي😢😢
ونضت خشيت للحمام حشاكم ولبست دبشي وفطرت وراجعت
ماما.........شن اللي لابسته هذا😲😲
مرام......خمار😁😁
ماما.........عارفته عليش من امتى إن شالله 😑😑
مرام.........يا ماما مالا نمشي هكي يقعدو يتهزو عليا يقولو دايره دور ثاني والله ماني طالعه بدونه 😢😢
ماما..........عليك شورخ انتي مانك اول وحده ادير دور ثاني الله يهديك وخلاص😑😑
وطلعت وطبعآ لقيت وجه الخنزير حشاكم زكريا 🐷🐷🐖
بارد😑😑
زكريا ........اووووو طرف،شارعنا تخمر 😍😍 بالنجاح يا ام عيون سماح دور ثاني شكله 😄😄
مرام تحكي مع روحها
مرام.........ياربي هذا كيف عرفني مبرد وجه 😢😢 خنزير هذ
طبعآ درنا دور ثاني انا وساره
لكن هند رفضت ادير قالت نبي نعاود السنه 🙁
مشيت امتحنت وجا اخر يوم في دور الثاني
ومروحه وخطمت من جنب المطاعم اللي في بداية شارعنا
طبعآ حكيت في بداية الروايه ع ولدهم اللي يبيني وانا مش معبرته😒
كان مصبي قدام المطعم وطبعآ انا لابسه خمار
والمطعم كان مليان ناس
خالد .......اوب اوب ال........تخمرت
مرام......😨😳😢😢😭😭ؤأقسم بالله توا نوريك ع كلمتك هذي 😭😭 شن تشوف فيا انا
نعليا ياناس كلمة كبير وقدام الناس معش تحملت سكتت واجد
مشيت طول ع الحوش فتحت الباب بالقوة لعند خبط
عمو اللي يسكن فالدور الأول
عمو........انتي ياحيوانه بشويش ع الباب😡😡
مرام........😢😢😢😭😭 اه ياخاطري
هزب ومن غير مايسألني كني
بحتت زين في شقة جدي كيف مسكره وذكرت لما كنت حاجه تضايقني او حاجه تجي ناحيتي نجي لجدو ورا ظهره ويحميني ومايخلي حاجه تمسني
اه ياغيبة سندي يا خاطري المكسور😭😭😭
رقيت لشقتنا
بابا.......من من باهي باهي جيت 😬
مرام.......نحكي بعبره يابابا يابابا 😢😢😭😭
بابا.......احكي كنك 😡😡 اس ماتبكيش
مرام.......يابابا عارف متاعين المطاعم اللي فالشارع من تحت
قالي....... وقلت الكلمه معش تحملت
بابا........أين فيهم لكلاب 😡😠😠 امشي قدامي وريه ليا
نزلت مع بابا
مرام.........هذا يابابا😭😭😭
بابا.........يافا..............وضرب العيل ع وجه شن تحسابوا ارواحكم يا ستشين 😠😡😡😡 👊
والعيل زق بابا ع الأرض طاح
مرام........بابا 😭😭😭
والناس قعدت اتحز وألتمو
ردينا للحوش وبابا كلم خوالي
وجو وصارت مشكله وخالي اليوم هذكي سكرلهم المطعم
ماما.......تريحتي توا يا متاعت المشاكل جبتيها بين الرجاله 😠😠
مرام ......شن ذنبي انا تبيني نسكتله ياماما سد سكتت واجد 😭😭
طبعآ ماما تحب السكوت مهما تشوف ومهما يصير ماتبيش مشاكل
بس مش هكي( الساكت ع الحق شيطان اخرس)
والسكوت هذا ودرنا في ستين داهيه ياما راح يصير معايا
للأسف التفاعل ضعيف ع الصفحه ومافيش،تشجيع
ونسبة القراءة عالية بس التفاعل ضعيف
الكاتبة Wesa Elzargi......
