الحلقة (واحد وعشرون)
سمية..........مهاب ونور مرتبطين 😊
مرام........شن تحكي أنتِ😦😟😢
فاللحظة هذي مر شريط حياتي كله قدام عيوني من انا وصغيره
أنا كملت حياتي في كلمة يا فرحة ماتمت كل مانفرح تنكسر فرحتي
شن السبب مع أني ماشية بنية نظيفة ونحب الكل
صدمتي. من بابا انا وصغيره
معاملة ماما ليا
معاملة الأقارب
كذب الناس عليا
حظ التعيس فالحب
وتوا غدر الصحبات
لا ياربي حمل كبير عليا هذا مانقدر نتحمله مازلت صغيره
مفروض مانشوف الشي هذا فالعمر هذا
واللي تقهر تقعد شايف مرار الدنيا
ويجيك حد لمجرد أن اكبر منك يقولك مازلتي صغيره مازلتي ماشفتي شي
شن نبي نشوف بعد هذا كله خلاص شفت بما فيه الكفاية
حاجات ماشافوهن حتى اللي أكبر مني
..................
سامحني ياربي مليت
صغير لكن ياما ريت
.................
وعرفت أن مهاب كان يكذب عليا
ونور خانتني معاه وسمية كانت عارفه بكل شي
كرهت روحي وسيبت قرايتي في نص السنة وقفت وسحبت ملفي
.....................
مرام..........انا قتلكم معش نبي نقرأ فاهمين😢😭😭😭😭
ماما..........يابنيتي حرام عليك توقفي في نص السنة غير قوليلي كنك بس 😦😦😦
مرام........مانبيش نحكي خطوووني بس انا تعبت منكم😭😭😭
ماما........شن درنالك نحن🙁🙁😔
مرام........أسمعي انا نبي نمشي لخالتي سميرة مانبيش نقعد هنا 😭😭
ماما.........به عدي غيري جو فترة 😔😔
خالتي سميرة
هذي أم مروى ولمار لو تذكروها 🤗
ذكرناها في بداية الروايه 😉😘
تسكن برا درنة
عندي عمتي وخالتي يسكنن برا درنة في نفس المدينة
كنت نمشيلهن بعد تضيق بيا الدنيا
عمتي اطلعني ادهورني فالسياره
وخالتي ننسجم مع بناتها
مع أن في مشاكل بيني وبين مروى
بس اللي كانت قريبة مني هي لمار 😍😍😍
......................
(ثاني يوم)
مرام.........ماما عميمه جت هيا باي 😍😍
ماما.........تمام سلمي ع خالتك 😘 عينك من روحك
مرام.........يوصل سلامك😊
مرام........عميمه 😍😍
عميمه.........خير يامرومه😍😘
مرام.........خيرات 😍😍 شخباركم
عميمه .........الحمدلله كويسين الأخبار عندك انتِ
عميمه....... ماقلتيلي كيف تسييبت لقرايا هذي😦😟
مرام.........اه ياعميمه خليها ساكته بعد نوصلو توا نحكيلك 😔
عميمة هذي أكبر وحده في عمامي
عندها ولد واحد شاب وزوجها طيب بكل
نحبهم بكل عائلتي الثانيه 😍😍 يعاملوا فيا كيف بنتهم بالضبط
عمو راجل عميمه.........طريق طويله قولولي شن نجيبلكم من المطعم
عميمه.........مرومة شن تبي أنتِ 😊😘
مرام.......عادي عميمه اللي تبوها جيبوها 😘
