الحلقة الثامنه
وطلعت نتيجة الدور الثاني وعاودت السنه
😭😭😭😭😭😭😭
وقررت نحول من المدرسه لمدرسه ثانيه
وهند حولت وساره قعدت في نفس المدرسة
طبعآ نقلت من المدرسه عشان
أولآ عويل الجيران ما ريحوني والبنات كل يوم جايتني وحده تشكي من بابا وفي نفس الوقت عشان معش نشوف عبدالسلام
والمدرسه اللي نقلت فيها قريب من أهل ماما وذكرت أن بنت خالو تبي تسجل فيها
مرام.......ايوا ضحى
ضحى......ألوو ميمي شجو
مرام.....تمووم الحمدلله بنسألك
ضحى.....نعموش
مرام......وين سجلتي انتي في أي ثانويه
ضحى.......في مدرسة(.....)
مرام........حتى انا 😍😍 نقلت معاك
ضحى......نجك ليا 😍😍 تمام نتلاقو
مرام.........تمام يالحب باي 😍😘
..................
وبدينا فالمدرسه وحاولت نكون مجتهده ونقرأ
بس بسم الله الكريم
قعدت نقرا أول بأول
بس لما نجي للإمتحان نودر كل شئ ونقعد نبكي
ومشت السنه عاديه كيف أي سنة مافيها حاجه جديده
إلا موضوع أني مانحلش مع أن نقرأ
لعند ماسقطت ودرت دور ثاني
وجميع المواد صدمة ليا
ماما........معقوله يا مرام كنك انتي 😡😡😠 فطورات وحافله وأحسن لبس وهكي فالنهايه بدال ماترفعي راسي
مرام........ياماما والله مش مني نقرا ولما نجي للإمتحان نودر 😭😭😭😢
ماما.........توا نمشو نقعدو عند هلي وتقري ونمشي معاك للدور الثاني وإن شالله تجيبيها 😡😡
مرام........إن شالله😭😭😭
مشينا لعيت جدو وماما حطتني،تحت نظرها ونقرا وتشوف في حالتي
جا أول يوم فالدور الثاني
خشيت للإمتحان
الأبله ........خلاص يلا كل وحده عينها في ورقتها 😑😑😔
مرام..........نعلي ياربي كني أنا قعدت نبكي بصوت عالي😭😭😭😭
الأبله........بسم الله كنك ياطالبه😨😨
مرام..........يا أبله الكتيبه تجري 😭😭😭😢
الأبله......سلام قول من رب الرحيم ماناقص غير الكتيبه تجري 😨😨
مرام........والله نحكي جد 😭😭😢😢 انهرت وحليت شوي وطلعت راسي يبي يطربق من الصداع وكملتها بكاء.
وماما كانت ترجا فيا
ماما ........ها شن حليتي 🙁
مرام........قعدت نبكي😭😭😭😭
ماما.......كنك يمي بسم الله
مرام........ياماما الكتيبه تجري فالورقه 😭😭😭😭
......................
طبعآ بعد ماما شافت حالتي وتشوف فيا مانقصر قريت بس شن اللي،فيا هذا
قررت تاخذني،لمركز اسمه الدعوه والإحسان
يقرو عليا قرآن لأن خالاتي وعماتي قالن ممكن سحر والعياذ بالله
وشالوني
طبعآ الشيخ طلب ان لازم نجي بخمار وعباية
ولما خشيت خشت معايا ماما
وتما يقرأ فالبدايه ماصار شي وبعدها بسم الله في حاجه قعدت تكر في راسي تحت من لاورا وانا نقاوم فيها والشيخ يقرأ
وانا طلع ع جسمي زيت ريحته زيت قلي 😷 وكل مايقرأ الشيخ يطلع أكثر وكملت الجلسه وقال مازال في جلستين وقال ممكن تكون حاجه مقليه وكلتها مسحوره فيها
مرام .........😨😨😨 ياساتر ياربي
روحنا للحوش كأني مضروبه طريحة ومرضت جسمي كله آلم قعد
وقعدت نمشي ونجي ومعاي ماما والله انحل فالإمتحانات وتراجعلي بعد نطلع من الإمتحان تمام
جا اليوم اللي تطلع فيه النتيجة
