\الحلقة الأولى} 1
شخصيات الروايا❤
الأم..سوسن
الأب....علي
االأبناء
.1997مرام ...بنوته جسمها حلو وحليوه عيونها سود وشعرها أسود
وبيضاء وناعمه ودلوعه وملفته للأنظار
2004 أحمد
2010سميه
صباح الخير في يوم
جديد مع هذه العائلة البسيطة
سوسن....مرام يابت
مرام....نعم يا ماما
سوسن.....بكرى جديدتك مروحه من تونس ودايرين عشاء
توا نمشو بعد يروح خوك من المدرسة فالعشيه
مرام......إن شالله تروح طيبة عشان اتريحي
والله مرضتي روحك من التفكير
سوسن.....الله غالب هذي امي لو تصير فيها حاجه نموت
مرام.....ربي يطول في عمرها وعمرك 😘
سوسن....يارب
مرام.....ماما وين أحمد
سوسن.....يلعب فالشارع
مرام....به☺
مرام .... تنادي من عند البلكونه
أحمد تعال بسرعه نبيك
أحمد....خشي توا نجيك😏
أحمد...نعم شن تبي 😑
مرام.....وراس ميدو عدي للمحل جيبلي سنيكرز خاطري في حاجه حلوه
أحمد....فوتيني ماعنديش نيه نمشي 😑
مرام......😢😢😢
أحمد.....خلاص هاتي لفلوس 😏
مرام....ازك ليا خيي السمح ك😍
(عند علي وسوسن )
علي......شن الغداء 😐
سوسن.....تحكي مع روحها هذا اللي فالح فيه
لا تفكر معاي ولا شايل مسؤوليه تبي تاكل وخلاص
علي....شن قلتي😑
سوسن.....ماقلت شي درت رز 😒
مرام....ماما نمشي نقرا شوي بكرى عندي تطبيق أحياء الأبله اللي تقربلك 😒بعد يطيب الغداء ناديلي
سوسن.....تمام اقري وانجحي سلم بنيتي ارفعي راسي 😔
مرام... حاضر يا أحلى ماما فالعالم 😍
خشت مرام لدارها طلعت كتابتها
وقعدت تفكر ليش ياربي بابا مش كيف الأبهات والله تعبت انا 😭😭
مليت انا وماما تعبت
والله تعبنا الراجل هذا طفشلي صحباتي وشوه سمعتنا
لعند امتى يقعد هكي 😭😭😭
فضح بينا نسونجي كل يوم جيتني وحده من البنات اللي يقرن معايا تشكي منه تعبت 😭😭
بعد شوي...
سوسن.....مرام هي تغدي 😮
مرام....جايه هي
طلعت مرام للصاله
وجا علي وأحمد
علي....اوووو سفرة سمحه😋
مرام....😏
سوسن....😊أحمد وين اختك كلمها تجي تاكل
أحمد...تلعب مع بنات عمي سالم
سوسن.....امشي ناديها تاكل
أحمد.....سمية يابت ينادي بصوت عالي
سميه.....نعم
أحمد....هي تغدي 😡
خشو للشقه سكرو الباب وقعدو ع السفره ياكلو نفس كل يوم ?😊علي....طالعه اليوم 😑
سوسن....اها ماشية نسهري عند جارتنا فتحيه
علي....به اطلعي غيري جوك
سوسن... وبكرى ماشية لهلي امي مروحه من تونس
علي....به توصل طيبة
سوسن....سلمك
وتغدو وصبت مرام تغسل فالماعين
وكيف كل يوم لمت الحوش
وبخرت وطبعآ سوسن وعلي خشو قيلو وأحمد وسمية ع التلفزيون
مرام كملت التنظيف وخشت لدارها تكمل قرايتها
وتفكر هادا ثاني أسبوع ليا فالثانويه
لعند لأن متريحه وجوي سمح يارب وفقني في قرايتي
قرت ودارت قهوة العشيه وناضت سوسن وعلي
سوسن .......ماشيه لفتحيه
وعلي...... ماشي مع سليمان ومحمد للقهوه
سليمان ومحمد خوت علي
سليمان الكبير بس مش،متزوج
ومحمد لصغير
طبعآ خوت علي 6
وأحمد ......طالع نلعب فالشارع
مرام......تربحوا
وسمية....ميمي نبي نمشي نلعب مع بنات عمو سالم
مرام.....امشي 😊
سمية....باي 😍
وقعدت مرام تقرا لتطبيقها وكسدت ع التلفزيون لين جا الليل وروحو هلها وامها خشت ادير فالعشاء ونفس كل يوم علي مش هامته غير بطنه واناني يفكر في نفسه بس وسوسن هي الراجل والمرأة فالحوش
ثاني يوم الخميس فالصبح
سوسن.....مرام نوضي هي صبي لمدرستك هي 😬
مرام....😪😪😴😫😫 هي صبيت
سوسن.....خشت للمطبخ ع أساس مرام ناضت
جابت القهوه لمرام لقيتها راقده
سوسن تضبح لمرام
يابت وقت عليك صبي يا كسوله يا خامره 😡😡😠😠
مرام....😭😭😭😭باهي
مرام...خشت للحمام حشاكم وجهزت وشربت قهوتها
سوسن....راجعتي تطبيقك ☺
مرام....اها😊
سوسن ....ربي يوفقك ردي بالك ع روحك
مرام......حاضر
طبعآ ثانوية مرام قريب منهم طلعت ع كرعيها
وهي ماشيه قابلت ولد جيرانهم
زكريا......عليك صباح سمح 😍😍 نجيه السمح ياربي
مرام....بصوت واطي قليل الأدب 😑😑 تبيلك كف سخيف
مشت وطبعآ من اول يوم لها فالثانويه كل صبح لازم عالم وراها يوصلوها لعند المدرسة😂😂
وهي لا حياة لمن تنادي كارها الرجاله بوها دايرلها عقده بس هذا مايعنيش انها مش راح ترتبط راح نشوفو شن يسير فالحلقات الجايه
يتبع........
اللي عجبتها الرواية ادير متابعه عشان تشوف باقي الحلقات
لو لقيت تفاعل كبير ع الرواية حانزل باقي الحلقات
🙈🙉🙊
وبالنسبه للرواية تحمل قضية التنمر فالمجتمع وتعكس الرواية اللي قبلها
في رواية (أريده گآبي)
حب الأب لحسن خلقه ومحبته للأبنائة
بس رواية (ياغيبة سندي)
كره الأب وفقدانه وهو ع قيد الحياة وحرمان أبنائة من كل وظائف الأب التي يجب على كل أب فعلها 😔💔
...................
الكاتبه........(Wesa elzargi)
انا تعبت في كتابتها ونتمنى اللي تبي تنسخها وتنزلها في صفحه تانيه تكتب أسمي لأن والله تعبت في كتابتها ومش مسامحه اي حد يسرقها 😘
