الحلقة الخامسة عشر
مرام..........عمو أنا بنتكم😢😢
عمو .........😂😂😂 أكيد بنتنا عليش السؤال وعليش تبكي
مرام...........بنت خالتي نورا قلتلي انتو ستشين وعدي دوري هلك وين😭😭😭
عمو...........لا ماتخافي والله بنتنا حتى الشبه😂😂😂
مرام.........😢😢😓😓
ونزلت لشقتنا والليله هذكي مشيتها ع خير ورقدت
وخالتي كانت ثاني يوم عازمينها عيت حماها تبي تمشيلهم
ورقدنا وسكتت
وعينا ثاني يوم طبعاً من الصبح مشو وقالوا مروحين فالليل
وأنا كيف أي بنت مضايقه وماعندها لمن تحكي غير أمها
قعمزت انا وماما وحكيتلها شن صار فالليل بس رد ماما كان
سوسن..........سكري فمك ياحيوانه😠😠😠😡😡😡تبي تقرضيني مع اختي انتي 😠😠😡
مرام...........ياماما مانبيش نقرضك مع حد بس بنت اختك اللي غلطاانه مش انا 😢😢😭😭 واختك قاعده واتفرج ما سكتتها وانتي تهزبي فيا عشانها 😭😭😭
وقوى الحوار بيني وبين ماما وقعدت تبي تضربني هربت منها
نزلت لعميمه لوطا
لحقتني وصدمتني بكلامها
ماما.........والله لو ترقي فوق نكسرك معش ترقي معش نبي نلقاك فالشقه😠😠😠😡😡
مرام..........اطردي فيا من حوشنا وهي تقعد فيه😢😢😭😭😭
ماما..........اها انطردك😠😠😠😡 والله لو ترقي نقتلك
عميمه ........😕😕😕 من جدك ياسوسن تحكي مع بنتك هكي كنك أنتِ
ماما..........ماكني شي 😡😡
ورقت ماما فوق وسيبتني لوطا
والله ياناس نبكي والعبره خانقتني وجع في قلبي يهد بيوت 😣😣😭😭😭😭😭
عميمه سألتني ع شن اللي ساير حكيتلها الموضوع من البداية للنهاية
عميمة..........طيح والله سعدها الحيوانه 😠😠😡😡😡 الكلبه الغليضه شن جيبها لك ادير عقلها بعقلك هذي جزاتنا قعدنا ستشين وماقاعده عندهم الستشين اللي تحكي عليهم قاعده في حوشهم
الحوش هذا لا متاع خالتها ولا متاع راجل خالتها الحوش مازال بأسم بوي بالكامل وجايه تغلط فينا الجالطه الحيوانه😠😠😡😡😡😠.
مرام........خلاص ياعميمه انا حكيتلك عشان تعرفي الموضوع بس 😢😢😢
وقعدت أسبوع كامل عند عيت جدي لوطا مع عميمه
ولا ماما سألت عليا ولا خالتي ولا كأنهن
كنت كل ليلة نرقد ودمعتي ع خدي 😢😢😭😭😭 ليش يصيرلي هكي
ماما اللي ديما مصبيه معاها وشايله الهم معاها وعندي هي بالدنيا وهي تفضل الناس عليا .....
......................
وكانت ولا زالت هذي ماما ماراح اتغير عندها اهم شي رضا الناس وهلها ونحن ولا كأن عيالها ناسيه أن ربي يبي يحاسبها علينا
............. .........
بعد اسبوعين نزلت فاطمة 😒😒
وكانن عميماتي ملتمات كلهن
فاطمة.........أهلين شخباركن 😊😊
عماتي.........تمام الحمدلله☺☺
فاطمة ........سدك حرجانه ياحنه جايه بناخذك هيا😊😁
مرام.........لا عادي قاعده في حوشنا وليش بنحرج☺
