الحلقة التاسعه
وأذن العصر
وطلع علي وخوته لثنين للمظاهره
ودرنة اليوم هذكي مظاهرات انقلبت شباب درنة كلهم
يرردو في
لا لا لا للدواعش،لا
يا درنة جيرانك وين
لقنهم طاوحو مالعين
وطلعوا تنظيم القاعده لعند مدخل درنة لعند الثانويه العسكرية
لكن للأسف يرجو في حد من المناطق ضواحي درنة يصبي معاهم
بس لا حياة لمن تنادي
والدوله ماكان لها أي تدخل
والمظاهرات كانن قبل عملية الكرامه بأيام
أين الليبين ؟؟؟؟؟؟
روح علي وخوته دهشانين 😧😧
علي........لكلاب طلعناهم لعند الثانويه وردو علينا بالسلاح قعدو يرمو فينا ياما من جرحه
سوسن.........نعلي لا حوله ولا قوة إلا بالله😭😭😭 حسبي الله فيهم مايخافو ربهم لكلاب
وبعد المظاهره هذي ثاني يوم
الأشخاص اللي عرفوهم
اللي قتلوه واللي،فجرو حوشه واللي،فجرو سيارته
مرام.........نعليا ياماما شوفي الفيس منقلب 😭😭😭 شوفي هذا اغتالوه اليوم عشان طلع للمظاهره أمس
سوسن.........إن لله وإن إليه راجعون 😢😢😭 ربي يصبر هله
واستمرت درنة عالحال هذا وبعد استوطنو الدواعش عليها
سكرن المناطق كلهن ع درنة وبدأت عملية الكرامه وتحاصرت من قبل قوات الجيش
وقعد الظالم ع المظلوم
نردو لحياة مرام🙊🙉🙈
مرام .........ماما قالوا المعهد زي خاص لهم هو بالطو طويل قالو نلقوه في محل (........)
ماما........من قالها لك
مرام........منزلينها ع صفحتهم 😕
ماما.......تمام توا نطلعو نشروه
وطلعنا وشريت كل حاجه
( سلملي ماما ياربي)😍😍
علي........أيش جبتو 😑😑
سوسن........دبش للبنت ☺
علي.......إن شالله يسير منها بس😑
سوسن......توا تشوف بنيتي ماشالله عليها ترفع راسي
مرام........نجك ليا مامتي 😍😍😍
..................
وجا أول يوم فالمعهد
الساعه 7:00
ماما........مرومه صبي هي نهار راح 😯😯
مرام.......😪😪 هيا هيا صبيت
ماما......بصوت عالي مرام ياخامره صبي😡😡😡😡
مرام......😨😨😨😩😩😧 حرام عليك فجعتيني ياماما 😢😢
طلعت من الحمام
مرام........ماميتو دريلي قهوه 😍
ماما.......ماهيا خديمتك انا 😒😒
مرام........ازك ليا انا 😍😍😍
ماما......😌😌🙂🙂☺☺😊😊😊😅😅😄سخيفه
وشربت قهوتي ولبست
ماما........وريني وجك ترا 😬😬
مرام......😁😁😁 مش،دايره شي والله
ماما.......اليوم توا يشيلك عمك سالم ودوري حافله واتفقي معاه عشان يبدأ معاك 😌😌
مرام.......تموووم ماميتو باي 😍😍
مرام........صباح الخير عمو 😍😍😍
عمو سالم.......صباح النور ياعمو 😊😘
مرام......يستر الله ياعمو خايفه مانعرفش حد فالمعهد
عمو سالم ......لا لا ماينخافش عليك انتي اجتماعيه توا اديري صحبات 😘
عمو سالم ......نجي ناخذك انا او كيف 😊
مرام......لا لا توا نشوف حافله انروح فيها 😍
عمو سالم.......بالتوفيق عينك من روحك
مرام.......باي عمو😍😍🖐
بنت .......😊😊
مرام.....😊😊جديده
بنت......اها جديده😊
مرام......عادي نخشو مع بعضنا نعرفش حد هنا جديده حتى انا 🙁
بنت.......به تمام 😊😅يلا
وانا خشيت بسم الله الرحمن الرحيم قلت مانعرف حد
جت الساعه 1:00 وانا نسلم😂😂😂
صحباتي اللي كانن يقرن معايا فالأعدادي كلهن هنا😍😍
الحق كنت زامقه المعهد بس يازين الصحبه فيه
ومحلا قعداتنا فيه جو خيال 😍😍 انسجمت ومشيت ع النظام وماخالفت الزي ولا درت ميك آب ماشيه جنب الحيط 😊
قعدن يطلعن فيا الأبلات قدوه عشان يبن الطالبات يلبسن كيفي😅😅
وقعدت نقرأ أول بأول 😍😍 ودرجاتي عاليات 😍😍🙈🙈
وقعدت تمام ماشيه 😍😍
حوالي ثلاث شهور وبعدها جانا عمو مطلل فالتلفزيون وشيط فينا النار 😂😂😂
وتما يقول الجيش يبي يخش لدرنة وهي اطلعو وكذا
وقفونا ع الدراسه والفتره هذكي درنة كلها طلعت 😂😂😂 خافوا 😂
طلعنا لاجيئين شهرين برا درنة ونرجو بلكي بكرى بلكي بعد بكرى يخش الجيش😕
لا حياة لمن تنادي 😄😄 الله يهديك ياعمو مطلل ليش اطلع فينا
راجل خالتو ظابط رحمة الله عليه ...كنه عندهم 🙁
راجل خالتو........من فيكن سريعه فالكتابه يابنات بو مطلل يبي يجيب قوائم للدواعش ونبي وحده تسجلهن ليا عشان نحطوهن فالبوابات
ومن هنا بدأت مسيرتي في بركان الكرامه 😊✌✌
البنات........بصوت واحد😂😂 مرام سريعه
راجل خالتو .......هيا الله يربحك جيبي كتاب وبنينه وتعالي للمربوعه
عمو مطلل والتلفزيون ع الأخر
ايش،ياربيييع 😂😂
راجل خالتو ......يا مرومه كتبتي فلان الفلاني
مرام.......اها ياخالو كتبت😌😌
راجل خالتو......تمام الله يربحك سلم بنيتي عدي رتبيهن ليا الأسماء في ورقه بخط منظم وجيبيها ليا
مرام.......حاضر😊
ونظمتهن له وجبتله الورقه 😊
اي حاجه را قاعده انا
راجل خالتو.......الله يربحك
كان يازينك راجل صدق اللي قال الموت تاخذ لكويس
رحمة الله عليك ياخالو
كان خال ليا مش راجل خاله 😢😢💔
...................
مرام ياما راح يسيرن معاها مشاكل راح نشوفو فالحلقات القادمه
نتلاقو غدآ بإذن الله في حلقتين جدد 😍🙊🙉🙈
اهم شي التفاعل تسعدني متابعتكم 😘
....................
الكاتبة Wesa Elzargi..........
