#تزوجت_ابن_عمي
#بوسي_مصطفي
...............................
الحلقة الأولى
الأحداث معظمها بتدور في عمارة ل 3 أخوات عايشين في عمارة واحدة اللي هي ورث عن والدهم
الدور الاول عبارة عن محلات وصيدلية
الدور الثاني للأخ الأكبر (حلمي)
الدور الثالث للأخ الأوسط (عماد)
الدور الرابع للأخ الأصغر (أكرم)
الدور الخامس للأبناء (كريم و علاء)
الدور الاخير لـ (حازم)
......................
المشهد الأول في شقة عماد في الدور الثالث
منيرة/ يلا يافريدة صحي اخوكي يابنتي
هو مفيش محاضرات النهاردة ولا ايه؟
فريدة واقفه بتلبس ومسمعتش مامتها وهي بتتكلم
منيرة بصوت عالي/ انا بكلمك مبترديش ليه؟
فريدة انتبهت ل مامتها / نعم ياماما كنتي بتقولي حاجه؟
منيرة/ لا بكلم نفسي. ..يعني مسمتعنيش؟
فريدة/ ماما صوت الراديو عالي اوي ممكن توطيه
منيرة/ م انتي عارفة باباكي بيحب يسمع الأخبار وهو بيلبس جوه.
فريدة/ يعني هو كل يوم كده. ..انا مبسمعش ندى وهي بتكلمني.
منيرة/ بطلي غلبه واقفلي التليفون ده.
ادخلي لـ حازم شوفيه مصحيش ليه لغاية دلوقتي
فريدة بمزح/ وانا مالي بيه كنت خلفته ونسيته؟!
منيرة / بس يالمضه ادخلي يلا.
فريدة/ حاضر
وله يا حازم انت ياض.
منيرة/ وطي صوتك يا بنت في بنت صوتها عالي بالشكل ده؟
دخلت فريدة تصحي حازم بس دي مبتصحهوش كده عادي لا دى بقى عماله تخبط فيه ومسكت كوباية مياه ساقعه ولسه يدوب ها
حازم يقوم ينط من علي السرير/ هتعملي ايه يامجنونه؟!
فريدة/ يعني صاحي وسامعني!
حازم / بصراحة اه.
فريدة/ طب يلا بقي ألحق ألبس.
حازم/ البس! ليه؟!
فريدة بسخرية/ هو انت متعرفش إن الاجازه خلصت يا حلوة!
حازم/ حلوة دي ياام لسان طويل تقوليها للمحروسة بنت عمك مش ليه.
فريدة/ وايه اللي جاب سيرة ندى بقي دلوقتي؟!
حازم/ انا معرفش انتي وهي ايه اللي بينكو بجد!
فريدة/ اختي وصاحبتي انت مالك؟!
حازم/ مبتنزليش من زور.
فريدة/ مش لازم تنزل ياخفيف
ابقي اشرب شوية مياه.
حازم قرب من السرير مره تانية عشان ينام
فريدة/ انت هتعمل ايه؟
حازم / هنام مفيش يابنتي محاضرات الاسبوع ده
معرفش انتي في سنه تانية وبردو رايحه اول يوم ليه!
فريدة/ انا هروح اخد الجدول واشوف اصحابي وحشوني اوي
حازم/ طب خدي القميص ده اكويه
اقولك خدي دا كمان.
فريدة/ اسمها اتفضلي ع فكرة
وبعدين انت هتلبس الاتنين دول؟!
حازم/ ماهو التاني دا مش بتاعي دا بتاع إيهاب انتي عارفة بقي معندوش مكوه فـ اخدته منه بالعافية مكانش عاوزني اخده.
فريدة ببتسامة/ حساس اوي ع فكرة. ..الجيران لبعضيها يعني مفيهاش حاجه.
حازم/ طب اكويهم يلا بسرعة.
فريدة/ يعني رايح الجامعه؟
حازم/ هروح عشان اشوف صحابي انا كمان.
فريدة بغمز/ أصحابك ولا..؟
حازم بغمز/ هههههههههههههههه
فريدة/ ههههههه ههههههه هههههه
حازم/ امشي يابت وانتي عامله زي المكن اللي بيقطع كده!
فريدة / كده طيب. ..ابقي شوف مين اللي هيكويهم بقي.
حازم/ مفيش غيرك طبعاً.
فريدة/ كده طيب
وتوقع فريدة الهدوم على الأرض
حازم يقوم جري يجري وراها وهي بتقول
ياماماااااا ألحقيني يامامااااااااا
أنت تقرأ
تزوجت ابن عمي👰🤵
Romanceرومانسية اجتماعية لفتاة تزوجت ابن عمها التي لم تكن تحبه ثم أحببته بعد ذلك لتأتي اختها وتقلب حياتها رأساً على عقب وتسبب لها الكثير من المشكلات.
