الحلقة الثانية عشر
#تزوجت_ابن_عمي
#بوسي_مصطفي
.........................................
وقف كريم بالعربية في منطقة شعبيه
نظرت فريدة بدهشة🤔
هي دي الملاهي؟ !
كريم/ هههههه
أنزلي بس وانا اقولك.
فريدة/ أنزل فين؟
نزل كريم وفتح باب العربية اللي ناحية فريدة ومسك ايدها.
كريم/ هنطلع فوق
مشوار كده ع السريع.
فريدة/ بس انت مقولتليش!
كريم/ نسيت من ضغط الشغل وكمان علاء مفروض مستنيني ونسيت موضوعه خالص.
فريدة اتنهدت ونزلت.
كريم/ خمس دقايق بس مش هنتأخر.
قدام باب الشقة كريم يرن الجرس.
فريدة/ طب حتي قولي احنا جايين هنا ليه وشقة مين دي؟
فتحت عايدة الباب ببتسامة / دكتور كريم يااهلا وسهلاً اتفضل اتفضلي ياعروسة.
نظرت فريدة لكريم.
مسك ايدها ودخلت جوه.
عايدة / المكان كله نور بوجودكو
ازيك ياعروستنا عامله ايه؟
فريدة مردتش.
كريم/ تمام
ياام ماجد امال فين ماجد ونسمه؟
عايدة/ جوه دقيقة واحدة هشوفهم.
فريدة / مين دي بقي ومين ماجد ونسمه دول كمان
انا فين ياكريم
و الحاجات دي لمين؟!
كريم/ اهدي بس ياحبيبتي
عايدة اللي فتحتلنا دي تبقي واحده من العاملات اللي شغاله عندنا في المستشفى وماجد ونسمه دول ولادها وباباهم متوفى من سنتين
ماجد تعبان وجيت اشوفه وحبيت إنك تيجي معايا.
فريدة / بقي هي الحكاية كده.
عايدة خرجت ومعاها ماجد ونسمه
جري ماجد ناحية كريم اللي احتضنه وقعد يتكلم معاه
الولد لمح فريدة وهي قاعدة ومتضايقة.
ماجد//هي دي عروستك؟
كريم//هههههههه ايوه
ايه رأيك بقى؟
عايدة/ زي القمر
ماشاء الله
ماجد//حلوه بس هي زعلانه ليه؟
عايدة غمزت لابنها//بس بقي ياحبيبي أنزل من ع رجل الدكتور.
ماجد//انت ياعمو مبتجيش ليه بقالك كتير؟
كريم//كنت مشغول شوية.
ماجد//مع العروسة؟
فريدة بصت لكريم بغضب.
عايدة//بس ياواد عيب .
دخلت المطبخ وخرجت.
عايدة//اتفضل يادكتور الشاي
اتفضلي ياعروستنا.
فريدة//متشكره.
كريم لنسمه//تعالي ياحبيبتي واقفه بعيد ليه تعالي عشان تاخدي اللعب بتاعتك.
عايدة/ وتاعب نفسك ليه بس يادكتور حضرتك كل مره تيجي شايل ومحمل دا غير الشهرية اللي بتبعتهالي كل شهر احنا كده تقلنا عليك اوي.
كريم//ايه الكلام اللي بتقوليه دا ياام ماجد ماجد ونسمه انا بعتبرهم أخواتي الصغيرين وبفرح لما بشوفهم فرحانين.
عايدة/ ياخبر يادكتور هو احنا قد المقام...دا شرف لينا ومجيتك دي بتفرحهم أكن ابوهم موجود بالظبط
😢😢
...........................
في فيلا ا.رفعت
ا.رفعت/ كمل أكلك ياايهاب متتكسفش.
إيهاب / ياخبر يااستاذ دا انا أكلت أكل
لدرجة انى حاسس مش هعرف انام الليلة من معدتي.
مي/ هو انت كده بقي أكلت ؟
إيهاب بخجل //اه
اص انا مش متعود اتعشا.
ا.رفعت قام من علي السفرة.
مي/ انتو بتتعبوا اوي في الشغل مش كده؟
إيهاب //يعني ع حسب القضايا اللي في المكتب.
مي//بتروح المحكمة.
إيهاب//اه
أوقات الأستاذ بيكلفني بحضور الجلسات بس لما تكون قضيه صغيرة كده ع قدي.
مي//بس واضح إنك محامي شاطر بابا دايماً يكلمني عنك.
إيهاب بخجل// دا شرف ليه.
مي//طيب لو عايز تقوم تغسل ايدك اتفضل.
قام إيهاب من علي السفرة
وبعد شوية دخلت مي المكتب بالقهوة.
مي//اتفضل يابابا.
اتفضل يا ايهاب.
إيهاب //متشكرة ياانسه مي
مي//محتاج حاجه مني يابابا؟
ا.رفعت// لا ياحبيبتي اطلعي اوضتك بقي عشان عندنا شغل.
مي/ اوك هخرج اقعد شوية في الجنينه مش عايزة انام دلوقتي.
ا.رفعت//ها ياايهاب كنا بنقول ايه؟
إيهاب مردش وكان سرحان.
ا.رفعت//هو الأكل عمل فيك حاجه ولا ايه هههههه
ايهاب//انا اسف حضرتك كنت بتقول حاجه؟
ا.رفعت//اللى واخد عقلك يامتر.
ايهاب// مفيش انا مع حضرتك اتفضل.
ا.رفعت// بكره تتابع القضية في المحكمه وكمان تقعد مع محامي اللي اسمه عزت ده وشوفه ناوي ع ايه.
ايهاب//حضرتك هو الجلسه اللي فاتت قدم أوراق ومستندات تثبت مليكة موكله للأرض اللي باعها شاهين من الباطن لواحد تاني.
ا.رفعت/ المهم رأي المحكمة في صحة التوقيع اللي موجوده ع العقود.
إيهاب : وانا متأكد إنها مزوره والأوراق اللي تقدمت دي هتدينهم اكتر.
إ.رفعت/ خلاص ممكن تفضل دلوقتي عشان تروح تنام وتصحي فايق الصبح عندنا شغل كتير
خلص الموضوع ده في المحكمة وأبقى تعالى المكتب عايزك في موضوع مهم.
ايهاب/ حاضر
تصبح ع الخير حضرتك.
وخرج إيهاب من المكتب قابل مي في الجنينه.
مي/ مع السلامة.
ايهاب/ متشكر ع العشاء الجامد ده.
مي// طب مكسوف ليه وانت بتقولها
ع فكرة بابا بيعزك اوي وانت اول محامي من اللي شغالين مع بابا في المكتب يدخل بيتنا.
إيهاب بارتباك/ تصبحي ع خير.
مي/وانت من أهله.
خرج إيهاب من الفيلا.
مي بتقول لنفسها/ لخمه اوي
بس محترم اوي ومؤدب😍
...................
كريم لفريدة/ ع مهلك ياحبيبتي وانتي طالعه.
فريدة بصوت عالي/ ملكش دعوة متتكلمش معايا خالص.
الكلام دا كان قدام شقة باباها
وكملت فريدة لحد فوق ودخلت الشقة
كريم سكت و متكلمش.
منيرة كانت بتنضف السفرة بعد العشاء
سمعت صوت فريدة وهي بتزعق.
غسلت ايدها وطلعت تشوف في ايه كريم بيحاول يهدي فريدة / لو اعرف ياحبيبتي إن المشوار دا هيزعلك مكنتش اخدتك هناك.
فريدة/ يعني كنت هتسيبني هنا في البيت وتروح للست هانم بتاعتك برضو.
كريم/ بلاش الأسلوب دا يافريدة
عشان متغلطيش.
فريدة/ اغلط!
وكمان عايز تركبني الغلط!
جرس الباب يرن يفتح كريم
منيرة / مساء الخير ياابني
مالها فريدة؟
كريم/ مفيش ياطنط...اتفضلي
فريدة بتبكي جوه.
منيرة/ خير يابنتي
بتعيطي ليه ؟
كريم/ اقعدي بس ياطنط
مفيش جاحه.
فريدة بانفعال/ لا في
البيه بدل ميخرجني اشم شوية هوا راح يوديني عند ناس انا معرفهمش بقي هي دي الخروجه اللي بقالي شهر من يوم جوازنا وانا بحلم بيها!
منيرة/ طب بس اهدي يابنتي وفهميني انتو مش مفروض خارجين تفوكو عن نفسكو شوية ايه اللي حصل بس؟!
فريدة بغضب/ لا الدكتور معندوش حاجه اسمها خروج
اتجوزني عشان يحبسني هنا
وفي آخر خرجني خروجه زي الزفت.
منيرة/طب اسكتي بقي
معلش ياكريم هتكلم معاها كلمتين بس اهديها.
كريم / حاضر ياطنط.
وخرج كريم من الغرفة.
منيرة/ اهدي كده وفهميني في ايه؟
فريدة/ الدكتور اخدني عند بيت واحده شغاله في المستشفي ابنها تعبان وراح يشوفه.
منيرة/ وفيها ايه يابنتي
دا اللي مزعلك؟
فريدة/ كل حاجه اعملها متعجبوش البس دا يقولي لأ مينفعش تخرجي كده احط ميكب يضايق ويخليني اغسل وشي سكت وقولت ماشي
ويجي بقي يوديني عند ناس انا معرفهمش ومقاليش اصلا إننا هنروح هناك.
منيرة/ طب كنتي عدي الموضوع وخلاص ومتنكديش علي نفسك
المهم قوليلي متعشتوش بره ؟
فريدة/ لأ.
منيرة/ ليه ؟
فريدة/ حرق دمي
وبعد كده يقولي تعالي نتعشا
بأنهي نفس بقي.
منيرة/ خلاص يابنتي
معلش عديها المرادي وهو اكيد مش هيكررها طالما عرف إنك بتضايفي.
فريدة / المهم انا جعانه ومطبختش حاجه قولت هاكل بره وادي الخروجه باظت.
منيرة/ خلاص مضايقيش نفسك انا هنزل اجهزلكوا العشا واطلعوا
ربع ساعة مش هتاخر .
فريدة/ ماشي.
منيرة / فوكي التكشيرة دي بقي
الراجل مبيحبش الست النكديه.
فريدة/ مش هو السبب.
منيرة/ خلاص بقي عايزة اطلع الاقيكوا اتصالحتوا.
خرجت منيرة / كريم معلش ياابني حاول تراضيها بكلمتين.
كريم/ حاضر ياطنط.
منيرة/ معلش اعذرها هي كانت عشمانه إنك تخرجها وتروح المكان اللي هي عايزاه.
كريم/ دا مشوار ياطنط ماخدش عشر دقايق وانا قولتلها تعالي نروح المكان اللي انتي عايزاه
اتخانقت معايا وبهدلت الدنيا بره.
منيرة/ معلش هي لسه صغيرة واحده واحده هتتعود
هنزل انا بقي .
دخل كريم لفريدة وقعد جمبها ع طرف السرير بيحاول يصالحها وهي رافضة.
كريم/ طب اعمل ايه تاني عشان تفوكي التكشيره دي؟
فريدة قامت وقربت من الباب عشان تخرج.
كريم واقف قدامها/ رايحه فين ؟
فريدة/ مش شغلك وسع بقي عايزة أخرج.
كريم/ مش هتخرجي.
فريدة بانفعال/ لو م بعدتش هصوت وألم عليك البيت كله .
كريم قرب منها/ طب لما يجوا هتقوللهم ايه ؟
فريدة بانفعال/ بقولك متلمسنيش.
كريم/ خلاص بقي حقك عليه
آخر مره.
فريدة/ لأ برضو مش هكلمك.
كريم طب وكده💋
فريدة/ برضو لأ .
بتخبطه عشان يبعد عنها / بس بقي ياكريم .
كريم/ خلاص صافي يالبن.
فريدة/ لأ .
كريم/ انتي عايزة ايه بقي بالظبط؟
فريدة بتجري وتبعد عنه وهو يلحقها ويضمها ليه.
كريم/ خلاص بقي
انا مبحبش الخصام.
فريدة / يعني مش عايز تعترف إنك غلطان.
كريم/ خلاص متزعليش انا فعلا غلطت بس مكانش قصدي ومعرفش إنك هتزعلي اوي كده.
فريدة/ يعني الخروجه اتضربت كده ؟
كريم / ههههههه لا طبعاً
هنخرج بكره
بس أهم حاجه تعشيني بقي عشان انا واقع من الجوع.
فريدة/ اهي ماما بتخبط افتحلها بقي
...................................
بعد كام يوم وبدأت الدراسة.
فريدة نزلت جري لتحت بترن الجرس .
فريدة/ صباح الخير .
حازم/ خير .
فريدة/ طب رد الصباح
ايه مالك ؟
ودخلت جوه
حازم /اسمعي يافريدة لو جايه عشان أوصلك الجامعة فأنا مش فاضي عندي شغل.
فريدة / حتى لو قولتلك إن ندى جايه معانا.
حازم/ وايه يعني ندي جايه معاكي
هتفرق ايه؟
فريدة/ بجد!
افتكرت يعني إن دا يفرق معاك.
حازم/ لا ميفرقش معايا في حاجه.
خرجت منيرة من المطبخ.
منيرة/ وفيها ايه لما توصل اختك الجامعة
صباح الخير يافريدة.
فريدة/ صباح النور ياماما.
حازم/ وجوزها ميوصلهاش ليه؟
فريدة قاعدة بتاكل.
حازم/ انتي كمان جايه تاكلي عندنا معندكوش أكل في بيتكو ولا ايه؟
فريدة/ يعني أكل لوحدي؟
منيرة/ هو كريم لسه مرجعش يابنتي؟
فريدة/ قدامه ساعة كده ولا حاجه.
حازم/ أهلا يعني هدبس انا.
فريدة/ ياسلام عليك متعملش أي مصلحة ابدا اعتبرني غريبه يااخي
زي البنات اللي بتركبهم معاك في العربية.
حازم/ بنات ايه؟
انا مبركبش حد معايا في العربية.
منيرة/ وانتي هتشبهي نفسك بيهم ولا ايه...هيوصلك ورجله فوق رقبته.
حازم/ م بلاش أسلوب الاجبار ده
عشان مقعدلكوش في البيت النهاردة.
منيرة / اقعد ياحبيبي وانت يعني تعبان في حاجه
ابقي شوف مين هيجوزك بقى.
حازم لفريدة/ عاجبك كده عملتيلي مشكلة ع الصبح...انتي ايه اللي نزلك اصلا ؟!
عماد/ مالك ياابني بتزعق ليه؟
صباح الخير يابنتي.
فريدة/ صباح الخير يابابا.
منيرة / بقوله يوصل فريدة الجامعة اتقمص.
حازم تركهم ودخل اوضته.
فريدة/ خلاص انا هنزل اخد تاكس.
عماد/ استني يابنتي مش هتنزلي لوحدك
امال انا سبتله العربية ليه؟!
رحمه خرجت من اوضتها / وانا بقى مين هيوصلني؟
فريدة/ تعالي معايا هننزل مع بعض وندى كمان جايه معانا.
عماد/ استني انت وهي.
وينادي ع حازم.
حازم/ نعم يابابا؟
عماد/ توصل اخواتك وبنت عمك الجامعة وانت رايح الشغل يلا عشان ميتأخروش.
حازم/ وانا كنت السواق الخصوصي بتاعهم ميرحوش لوحدهم ليه؟
منيرة/ يعني جوزها عارف إنك هتوصلها الجامعة نقوله معلش راحت لوحدها!
حازم/ طب انا أوصل أخواتي اوك
إنما أوصل اللي اسمها ندى دي ليه متروح لوحدها.
عماد / عيب تتكلم بالأسلوب ده ع بنت عمك وبعدين وانت تعبان في ايه م كده كده هي رايحه مع اخواتك.
حازم/ طيب خلصينا بقي ياست رحمه وخفي من القرف اللي في وشك ده.
رحمه / وانت مالك؟
عماد/ أجري اغسلي وشك معنديش حد يحط الحاجات دي.
رحمه / ايه ده بقي هو انا لسه صغيرة ولا ايه؟
منيرة/ اسمعي الكلام وروحي اغسلي وشك.
رحمه / حاضر.
كانت فريدة بتتكلم مع كريم في التليفون
فريدة / لا خلاص ياحبيبي حازم هيوصلني انا ورحمه سوق ع مهلك بقى.
حازم/ اطلعي للهانم اللي فوق خليها تنزل عندي شغل.
رحمه/ هطلع لندي اوعى تمشي وتسيبنا.
حازم قعد ع السفرة بضيق/ وادي قاعدة لما نشوف هنخلص أمتي!
فريدة / في ايه ياحازم مالك مش طايق حد فينا ليه؟!
حازم بحزن/ مفيش.
فريدة / بتكدب وباين اوي.
حازم/ هو ينفع تبقي آخر مره اوصلك فيها الجامعة. /
فريدة / عادي وبلاش خالص من دلوقتي.
حازم/ انا مقصدش بس انا مش حابب اوصلك ومعاكي ندى.
فريدة/ ليه مالها ندى؟
شوية وكلهم نزلوا واتفاجئت ندى بإن حازم هيوصلهم بالعربية.
رفضت في الأول بس بعد محايله من فريدة وافقت
قابلهم كريم عند مدخل العمارة.
كريم/ انتو لسه هنا؟!
حازم/ اعمل ايه بقي عقبال م الهوانم جهزوا
نظرت ندى بضيق وتركته وقربت وقفت جمب العربية.
كريم / خلي بالك من نفسك ياحبيبتي وقولي لحازم يسوق ع مهله.
فريدة/ حاضر.
كريم/ هتوحشني.
فريدة/ كريم مينفعش هنا.
كريم / ههههههه طيب متتأخريش
انا هنزل الساعة تلاته
فريدة / يبقي مش هنتقابل.
كريم/ حاولي تيجي بدري شوية
احنا من وقت الدراسة م بدأت مقعدناش مع بعض.
فريدة/ حاول انت اللي تنظم وقتك.
حازم/ ايه هتيجي اوصلك ولا غيرتوا رأيكو؟
كريم/ هههههه مع السلامة ياحبيبتي
حازم سوق ع مهلك ابوس دماغك بلاش شغل
افلام الاكشن بتاعتك ده.
حازم/ فاهم انا كل حاجه هههههه
انا هحاسب بس عشان نفسي بقي ابقى خالو
فريدة/ طب يلا عشان منتأخرش.
.................
في الطريق رحمه قاعدة قدام
وفريدة وندي قاعدين في الكرسي الخلفي
فريدة/ مالك مبوزه ليه ع الصبح؟
ندى / ممكن تخليكي ساكته عشان المشوار دا يعدي ع خير.
حازم في المرايا اللي قدامه/ انا معرفش الواحد يطق ولا يعمل ايه. ..ناس بارده معندهاش دم.
رحمه/ مالك ياحازم؟ ف ايه
حازم/ الواد الرخم اللي عمال يزنق عليه بالعربية. ..ناس معندهاش دم صحيح.
ندى / أهو انت.
حازم/ وانا كلمتك يابن انتي؟!
فريدة/ في ايه بس ياحازم
اهدي يا ندى.
ندى / انتي مش شايفه عمال يلقح بالكلام عليه ازاي
حازم/ انا!
يابنت الكدابه
ندى / احترم نفسك لننزل واعملك مصيبه وكمان بتشتم مامتي!
فريدة/ ميصحش كده ياحازم.
حازم/ انا اقصدها هي بس طلعت مني كده انا آسف.
ندى / أوقف نزلني هنا.
فريدة / خلاص بقي ياندي أهو اتأسفك خلصنا بقى.
ندي/ لأ مش هكمل معاكو
نزلني هنا لو سمحت.
وقف حازم/ براحتك اتفضلي انزلي.
نزلت ندى
فريدة / استني ياحازم
يلا يارحمه انزلي معايا.
حازم/ متعقلي بقي انتي كمان
هي ناقصه جنان.
فريدة/ معلش عشان متزعلش
خليكي انتي يارحمه براحتك.
رحمه/ انا اصلا مكونتش هنزل.
ونزلت فريدة ولحقت ندى واخدوا تاكسي ووصلوا الجامعة.
كانت لسه رحمه نازله من العربية
دخلوا مع بعض.
ندي/ هروح انا بقى المدرج بتاعي عندي محاضرة و اتأخرت.
فريدة/ طيب متروحيش بقي عشان نروح مع بعض.
ندي/ طيب.
رحمه بتشاور لواحد زميلها.
رحمه ببتسامة/ لسه نص ساعة احجزلي جمبك.
شاورلها وهو واقف مع مجموعة شباب من نفس سنه.
فريدة/ مين ده؟
رحمه/ صاحبي.
فريدة/ نعم!
يعني ايه صاحبك
رحمه/ صاحبي يعني صاحبي
هي ليها معني تاني؟!
فريدة/ ومين قالك بقي إن في صحوبية بين ولد وبنت؟!
رحمه / وانتي مين قالك إن مفيش؟
فريدة/ بصي يارحمه ياحبيبتي
مفيش حاجه اسمها صداقة بين ولد وبنت متضحكيش ع نفسك لإن انتي لو حاسبتيها كده هو مبيحسبهاش كده ودماغه هتحدف شمال ع طول.
رحمه / انا مش صغيره واعرف كل حاجه.
فريدة / انا بنصحك عشان انا أكبر منك واعرف الكلام دا كويس.
رحمه / اه طبعاً اكيد تعرفيه
مش كنتي مصاحبه إيهاب وفلسعك.
فريدة واقفه مندهشه من كلام أختها.
رحمه / بس أحب اقولك إنه فلسعك عشان واحده فعلاً تستاهل يسبب أي بنت عشانها
إيهاب خطوبته بعد بكره.
فريدة/ طب وانا مالي بتقوليلي الكلام دا ليه؟
رحمه/ بقولك بس عشان يبقي عندك خبر وانا كمان هروح مع حازم عشان اشوف عروسته دي شكلها ايه.
فريدة/ ميخصنيش في حاجه
وعايزة تروحي براحتك انا رايحه اشوف محاضراتي.
رحمه/ استني بس يافريدة انا مكانش قصدي.
................................
في المستشفى.
دعاء/ قولتي ايه ياعايدة؟
عايدة/ الدكتور كريم لأ يادعاء
عارفة لو واحد تاني كنت قولت يستاهل بس دا معملش أي حاجه وحشه بالعكس هو الوحيد اللي بيساعدنا
نسيتي وقف جمبك ازاي في مشكلتك مع طليقك واحد غيره كان قال وانا مالي بس احنا اول م قولناله ع المشكلة جري معانا وحللك المشكلة وبقيتي تشوفي ابنك دلوقتي لو اخوكي مكانش وقف الوقفه دي معاكي.
دعاء/ بس الدكتور شاكر مسكنا من ايدنا اللي بتوجعنا وانتي عارفة إن المرتب ده هو اللي بيصرف ع البيت ماهو سبع البرمبه اللي انا متجوزاه نايم في الخط وبيصرفش ولا مليم في البيت ولا بيسالني بتجيبي منين ولا بتتصرفي ازاي أهم حاجه ياكل ويشتري الهباب اللي بيشربه ده وخلاص.
عايدة/ ودي مشكلتك يادعاء الدكتور كريم ماله ومال الموضوع ده
م انتي اللي مبتتعلميش سيبتي أبو ابنك عشان بيشرب وروحتي لواحد أمر منه ع الأقل الأولاني كان بيصرف ف البيت ومرتبك كان ليكي.
دعاء/ هعمل ايه نصيبي كده.
عايدة/ بصي يابنت الناس انا مش هشترك في أذيت حد لا الدكتور كريم ولا غيره.
دعاء/ دا آخر كلام عندك؟
عايدة/ اه.
دعاء/ الدكتور شاكر عاوزنا بعد بكره نروح للدكتور شوقي ونشتكيله من الدكتور كريم ونقوله يعني مش سايبنا في حالنا وكمان بيعرض علينا فلوس عشان نقبل نعمل اللي هو عاوزه.
عايدة/ انا مش هشترك معاكي في القرف ده.
دعاء/ طيب هتعملي ايه مع الدكتور شاكر؟
عايدة/ هسيب المستشفى لو لزم الأمر انا مستحيل اقول الكلام ده.
دعاء/ بس اعملي حسابك إن الدكتور شاكر مش هيسيبك في حالك بعد م عرفتي اللي ناوي يعمله مع الدكتور كريم.
عايدة/ هيعمل ايه يعني هيرفدني؟!
عادي ولا يهمني محدش بيموت من الجوع.
دعاء/ انتي طيبه اوي هو اللي زي الدكتور شاكر هيكتفي برفدك بس؟!
عايدة/ اومال هيعمل ايه؟
دعاء/ شوفي بقى انتي ممكن يضرك ازاي
و فكري في ولادك.
عايدة بخوف/ ايه؟
ولادي لأ...دول هما اللي طلعت بيهم من الدنيا.
.....................
في الجامعة.
ندى / نعم أخلص جاي ليه؟
حازم/ طب اهدي عشان اعرف اتكلم
ندى / اسمع ياابن عمي انا مش بتاعت لف ودوران هتيجي معايا من الاخر وتقولي عاوز ايه ولا اسيبك زي م انت كده عشان انا مش فاضيه لحضرتك.
حازم/ ندي تتجوزيني؟
ندى / نعم!
نكته جديدة دي ولا ايه؟!
حازم/ اسمعي يا ندى انا اخترتك لأنك شبهي في حاجات كتير وهيبقي في بينا تفاهم كبير
مش عاوز رأيك دلوقتي بس كل اللي انا عاوزه إنك تفكري كويس
وأي قرار هتاخديه مش هيزعلني.
ندى / ليه انا بالذات ياحازم؟!
حازم/ تعبت وعاوز استقر مع بنت الحلال وخصوصاً لما تكون بنت عمى اللي أعرفها كويس واعرف أخلاقها.
ندى / حازم انا خارجة من كام شهر من تجربة بجد اخدت مني وقت كبير ومعرفش من فينا اللي اتظلم انا ولا هو و معنديش استعداد أوجع قلبي تاني.
حازم/ هسببك تفكري.
ندى / متحطنيش في موقف صعب
انا مش ناقصة.
حازم/ هتفكري وتقوليلي وصلتي ل ايه.... تمام؟
ندي هزت راسها بتردد .
.............................
في شقة عماد.
حازم/ بسرعة بقي يابابا.
فريدة / ومستعجل ع ايه هي هتطير؟!
حازم/ اسكتي انتي متعرفيش نشفت ريقي ازاي لحد م وافقت.
فريدة// المهم تكون اتعدلت.
حازم/ اتعدلت يافوفه ووقعت واللي كان كان.
فريدة //طب بلاش فوفه دي عشان بتخنق منها
ماما يلا عشان ناكل.
حازم مسك ايدها/ تعالي هنا قوليلي انتي ايه حكايتك من أول متجوزتي وانتي لازقه هنا مبتطلعيش شقتك دي خالص فيه ايه بقى؟!
منيرة//انت ايه اللي بينك وبين اختك متسيبها في حالها.
فريدة//يعني اطلع أكل لوحدي؟
كريم في العيادة وانا مبعرفش أكل لوحدي.
حازم/ ياعيني ياضنايا كُلي يااختي أدي اخرت جواز الدكاترة.
منيرة//اقعد كُل وانت ساكت.
رحمه//اندال بتاكلوا من غيري؟!
قطعيلي حتة مكرونة ياماما.
منيرة//حاضر ياقلب ماما طبقك يافريدة وتاكليه كله.
فريدة/ انا هاكل كل ده؟!
حازم/ فعلا ايه دا كله ياماما؟!
منيرة //عشان تغذي اللي في بطنك انتي ناسيه إنك بتاكلي لاتنين و لا ايه؟
حازم/ كُلي يافريدة وانتو خسرانين
حاجه ماهو كله من فلوسي.
رحمه //مكنوش خمسوميت جنيه اديتهم لماما اللي عمال تذلنا بيهم دول!
حازم/ انا داخل ع مشروع جواز وعايز أوفر كل مليم والنظام ده مينفعش.
فريدة/ هبقي ادفعلك الحساب بعد م أكل.
حازم/ ههههه متنسيش البقشيش ماشي
رحمه معجبهاش الكلام.
حازم//مش عاجبك ولا ايه؟
عماد/ أجري يارحمه هاتيلي نضارة القرايه من جوه.
حازم //هتقرا ايه يابابا؟
خلصني قبل م عمي ينام
منيرة/ ههههههه انا مش عارفة متسربع ع ايه؟!
عماد/ الواد خايف البنت تطير من ايده.
رحمه / هي جوز حمام ولا ايه يابابا؟!
فريدة/ بمناسبة الحمام ياماما نفسي رايحاله اوي وهموت واكله.
منيرة/ من عنيه ياحبيبتي بكره اعملك حمام انتي وجوزك.
حازم/ متحدفي علينا شوية ياست الكل هو كله لفريدة!
فريدة/ طب انا حامل وبتوحم انت ايه بقى؟!
رحمه/ حامل في تؤام هههههههه
حازم يخبطها ع ايدها/ لا ياشيخة فاتحين موجه كوميدي احنا أجري هاتيلي شوية مياه.
رحمه / ليه كنت الشغاله بتاعتك؟!
حازم غمزلها/ بفلوسي.
رحمه/ حاضر.
فريدة/ هو في ايه بينكو عمال تذل فيها من ساعة مقعدنا ...خير؟
رحمه / اتفضل ومتقومنيش تاني انا جعانه.
حازم / لا كفاية عليكي النهاردة كده.
الفون يرن.
منيرة/ كملي أكلك يابنتي ولا دا كريم اللي بيتصل؟
فريدة/ لا دي ندى
بعتتلي مسج ع الواتس.
فريدة عشان خاطري اطلعي حالا😢
فريدة //هبعتلك رحمه👸
ندى // رحمه ايه يافريدة🤔
اطلعي بلييييز😭
فريدة//بتعيطي ليه؟ 😂
ندى //هتطلعي ولا افلسع ميعاد اخوكي مع بابا🤨
فريدة'//طيب يااختي طالعة لسه ملبستيش؟ 👗
ندى //ماهي دي المشكلة اطلعي بقى.
فريدة/:حاضر جايه ...سلام.
حازم/ وريني بعتتلك ايه؟
فريدة/ لا دي أسرار.
سلام بقي اطلع اشوفها عايزة مني ايه.
منيرة //هسيبلك الأكل ابقي سخنيه.
فريدة //ماشي.
رحمه//استني يافريدة هطلع معاكي.
منيرة//هتطلعي تعملي ايه؟
رحمه//هطلع اتفرج هو احنا كل يوم هيبقى عندنا حفله؟!
فريدة//حفلة ايه؟!
رحمه //الحفله اللي هتبقى فوق
دا احنا هنحفل عليها تحفيل ههههههه
حازم/ عقبال منحفل عليكي قريب يابعيده .
رحمه //برضو هطلع😜
يلا يافيري .
حازم//فيري دا صابون مواعين
هههههههههه .
فريدة//عاجبك كده خلتيه يهزقنا
يلا يااختي قدامي.
....................
في اوضة ندى.
رحمه //متلبسي أي حاجه يا ندى.
ندى //مفيش حاجه جايه مقاسي
هدوم ركنتها قال ايه لما تيجي مناسبة.
رحمه/ م انتي كمان سيبتي نفسك
انتي مش عايزة فستان انتي عايزة قنبله
هههههههههه
ندى // معدش اللي انتي تتريقي عليا ياست رحمه!
رحمه // ليه ياحبيبتي مالي؟!
ندى //معصعصه ومسلوعه ومفروض تحطي ده في بوقك وتسكتي.
فريدة/ بطلوا خناق بقي
اسمعي ياندى انا هطلع اجيبلك حاجه من عندي.
رحمه//بتقولك لبسها ضيق عليها لبسك انتي هيجي عليها ازاي بقى؟
فريدة/ ماهو كريم جابلي كام طقم كده عشان الحمل أهو تختاري أي واحد فيهم.
رحمه//ههههههههههههههههههه
ندى //متشكره اوي يافريدة ع أساس إني حامل مثلا
فريدة//انا مش قصدي
بس هما مرحرحين شوية وهينفعوكي.
رحمه //ههههههههههههههههههه
ندى //اسكتي انتي يافريدة متفتحيش بوقك شمتي فيه اللي يسوا واللي ميسواش!
رحمه// احترمي عمتك.
ندي//عمتي!
رحمه//ايوه من هنا ورايح متقولليش إلا ياعمتو سامعه؟
ندى //انا بقول افركش الخطوبة اللي هتجبلي التهزيق دي احسن.
الفون يرن
ندى / اوعى تقوليلي كريم مش وقته خالص.
فريدة //هو فعلا كريم.
كريم//وحشتيني انا تحت قدام البيت
فريدة بخضه//تحت فين؟!
اكيد بتهزر ياكريم!
انت لسه من شوية بتقولي هتتأخر الليلة
كريم/ بصراحة مقدرش وحشتيني انا هطلع فوق تجيلي ع طول.
فريدة// بس انا مش عند ماما
انا فوق عند ندى م انت عارف إن حازم جاي يطلب ايدها.
كريم// و احنا مالنا ياحبيبتي بقولك انا هطلع الاقيكي فوق.
فريدة / حاضر.
ندى / اوعى تقولي إنك طالعه فوق!
فريدة/ كريم جه ومينفعش اسيبه فوق لوحده.
ندى / هو هيطير؟! ساعة بالكتير وأبقي اطلعي
فريدة/ ساعة ! يبقي هطلع الاقيه نام
سلام يا نونه.
ندى / بقي كده يافريدة ماشي!
فريدة / معاكي رحمه...سلام
نظرت ندى لرحمه بضيق.
رحمه/ أنزل واسيبك؟
ندي//لا خليكي. ..أهو اللي رماك ع المر 😔
رحمه//هههههههههههههههه
تعالي نشوف حاجه تنفعك خلي الليلة تعدي ع خير.
...............................
في شقة كريم...في التليفون📞
فريدة//عشان خاطري ياماما.
منيرة// يابنتي مينفعش ما انا طلعت عند عمك فوق و قعدت معاهم شوية مينفعش اطلع دلوقت و اسيبهم اقولهم رايحه اعمل أكل؟
فريدة// معلش ياماما انا مطبختش حاجه وكريم جه من غير ميقولي انا قولت هيرجع آخر الليل زي عوايدة وياكل أي حاجه خفيفة.
منيرة//حاضر يابنتي...هنزل أعمل الأكل ابقي انزلي هاتيه من تحت.
يدخل كريم/ بتعملي ايه ياحبيبتي
فريدة// اوك... ياماما سلام.
بجهز الأكل.
كريم /هههههههه
احنا بقي فاضيين للوقوف في المطبخ
تعالي انا طلبت دليفري.
فريدة/تصدق عندك حق مطبخ ايه في الوقت ده
يلا بينا ياحبيبي.
كريم بيفتح باب الشقة ويسمع زغاريط جايه من تحت.
فريدة في التليفون📞
فريدة/ خلاص ياماما متتعبيش نفسك.
منيرة/ بعد م نزلت
فريدة/ معلش انا آسفة تعبتك معايا.
كريم/يلا يا حبيبتي الأكل هيبرد.
فريدة//أي الصوت ده؟
كريم ببتسامة//طنط ميرفت بتزغرط تحت.
فريدة بفرحه/ بجد؟
يبقي اتفقوا.
.............................
في المستشفي في مكتب الدكتور شوقي.
دعاء بتعيط//هو دا كل اللي حصل يادكتور.
د.شاكر/ اهدي بس يادعاء و اتأكدي من الكلام اللي بتقوليه ده !
دعاء//هو احنا يعني عشان غلابة ينطمع فينا!
د.شوقي//وفين دكتور كريم.
د.شاكر//كان هنا الصبح
د.شوقي//اتصلي بيه يجي حالاً.
أنت تقرأ
تزوجت ابن عمي👰🤵
Roman d'amourرومانسية اجتماعية لفتاة تزوجت ابن عمها التي لم تكن تحبه ثم أحببته بعد ذلك لتأتي اختها وتقلب حياتها رأساً على عقب وتسبب لها الكثير من المشكلات.
